1921 жылы 22 наурыздан шыға бастады
Бастапқы
АЙТЫЛҒАН СӨЗ
«Еш уақытта қазақ... қазақ мемлекет болған жоқ, себебі шекарасы болған жоқ».  --- «Қытай Халық Республикасы рапс пен соя секілді жемшөп дақылдарын егу үшін бізден 1 млн. га жер сұрап отыр».
«Азаттық» радиосы
Автор: Н.Назарбаев, ҚР президенті
Информационный сервер xFRK: валютные баннеры для Вашего сайта
Жас Алаш №95 (15449) 26 қараша, бейсенбі 2009

 М.Шаханов бастаған патриоттар билiк “ел бiрлiгi” (“қазақстандық ұлт”) тұжырымдамасынан бас тартпаса, аштық жариялайтынын мәлiмдедi

Кеше Ұлттық баспасөз клубында “Ел бiрлiгi” (“қазақстандық ұлт”) тұжырымдамасына қарсылық бiлдiрген ұлтжанды тұлғалар журналистер қауымын шақырып, арнайы жиын өткiздi. Зиялы қауым өкiлдерi, демократиялық партия жетекшiлерi, журналистер мен ұлт тұлғалары қол қойған президенттiң атына жолданған үндеу бұған дейiн бiрқатар республикалық басылым беттерiнде жарияланған болатын. Қазiр бұл ашық хатты қолдаушылардың саны 15 мыңға жеттi.

Алматыдағы халықаралық “Жiбек жолы” автобөлшек сауда орталығында дүрбелең туды. “Аталған базар қазақстандық миллиардер Александр Машкевичтiкi-мыс. Оны ресейлiк миллиардер Тельман Исмаилов сатып алған көрiнедi. Ол ол ма, сауда орталығына Ресейдi дүр сiлкiндiрген Черкизон базарындағылар келедi екен” деген сөздi құлағымыз шалды. Жел тұрмаса шөптiң басы қимылдамайды. Мән-жайды зерттеп бiлдiк.

ОЛ ҮШIН БIР ПИАР-КОМПАНИЯНЫ ЖАЛДАП АЛҒАН

Доктор Ален Палмер — АҚШ-тың Юта штатындағы Прово қаласында орналасқан Бригхам Янг университетiнiң коммуникация департаментiнiң ақпарат құралдары төңiрегiндегi халықаралық зерттеу бағдарламасын басқарған. Соңғы 30 жылдан берi АҚШ-тың түрлi оқу орындарында дәрiс оқиды. Сондай-ақ, академиялық журналдарда оның БАҚ саласындағы мәдениет мәселелерi мен халықаралық коммуникация тақырыбына қатысты мақалалары, кiтаптары жарияланған. Оның зерттеу мақалалары «Газетт Жоурнал Интернэшнл Комьюникейшн», «Коммуникация заңы және саясат», «БАҚ және қоғам», «Коммуникация ғылымы» және тағы басқа да беделдi журналдарда жарық көрдi.

ҚАРЖЫ САЛАСЫ БИЛIКТIҢ ҚАНЖЫҒАСЫНА БАЙЛАНАДЫ

Сарапшылардың пiкiрiнше, Қазақстандағы қаржылық тұрақтылық әлi көңiл жұбатарлықтай күйде емес. Десе де, билiк дағдарыстан кейiнгi кезеңдегi осы саланың дамуы туралы сөз қозғай бастады. Елiмiздiң қаржы саласының дамуы туралы тұжырымдама да жасалды, оны президент қолдады. Әдеттегiдей мемлекет басшысы қаржы саласына қатысты мемлекеттiк органдар атқарған жұмыстың тек қана жақсы қырларына тоқталып өттi:

23-24 қараша аралығында Астанада IV Азаматтық форум өттi. Қатысушылардың көпшiлiгi­нiң пiкiрiнше, мұнда айтылғанның көбi жүзеге аспайтын бос сөз. Сондықтан оған кезектi нәтижесiз жиын деген баға беруге болады. Форумның екiншi күнi президент­тiң қатысуымен өтедi деп күтiлген. Бiрақ, мемлекет басшысы болған жоқ. Алайда, президенттiң құттықтау сөзiн оқып берген Сыртқы iстер министрi, мемлекеттiк хатшы Қанат Саудабаев оны жоқтата қоймады. Оның баяндамасы президентке тiкелей қатысты ұлт лидерi идеясынан әрiге аспады.

Батыс Қазақстан облысы Жымпиты ауданымен шекараласатын Қобданың батысында Сырым, Исатай-Махамбет көтерiлiстерiнiң iзi сайрап жатыр. Бiрнеше жүз жылдық отарлау тарихи естi ұмыттырғанымен де, халық жады қаһарлы күндердiң батырларын есте сақтап, жер-су атауы ретiнде аманаттаған. Қобданың Орал бағыты Сырым батырдың ұлт-азаттық кө­терiлiсi ошағы, ал Соль-Илецк бағыты Әбiлқайыр немерелерi – Нұралы мен Айшуақ ұлдарының қонысы. Сөйтiп, Қобда мен Електiң құйылысында ХIХ ғасырдағы отарлық ойындардың бiр парасы өршiдi.

“Жас Алаштың” есiгiн қаққан Анар Жолдыбай: “Қызым Динараны қорлап, арын таптады. Ботақанымның бетiне өшпестей қара таңба түсiрдi. Тағдыры астаң-кестең... Жүйке ауруына шалдықты. Ауруханада... Не iстеймiн? Үш айдан берi айыпкер ұсталды ма, тергеу жұмыстары аяқталды ма, бiлмеймiн. Бәрi үнсiз...” – дедi демiгiп. Ауыр әңгiме. Әйтсе де, оқиғаны рет-ретiмен айтуды сұрадық.

27 ҚАРАША – ҚҰРБАН АЙТТЫҢ АЛҒАШҚЫ КҮНI

Қымбатты отандастар! Баршаңызды әлем мұсылмандарының ұлық мерекесi – Құрбан айтпен шын жүректен құттықтаймын! Бұл күндi барша мұсылман бауырларымыз асыға күттi. Себебi, бұл Алла разылығы үшiн мал шалынып, ақ түйенiң қарны жарылатын күн. Қажылық өтеушiлер қасиеттi Қағбаға жүзiн қаратып, Арафат жазығында күнi бойы құлшылық жасап, Жаратушы Иемiзден iзгi тiлек тiлейдi. Құрбандық шалудың мәнiсiн ұғыну үшiн, ең алдымен, құлшылықтың не үшiн жасалатынын бiлген абзал. Кең-байтақ ғаламды жаратқан құдiреттi Тәңiрiмiз жер бетiндегi саналы пенделерiн тектен-текке жаратпаған.

Ұлы Гомер “Илиада” мен “Одис­сея” дастанын қауырсын қаламмен қағазға түсiрсе, көне түркi жырының бастауында тұр­ған Тоныкөк өз өлеңiн тасқа қашап жазған. Мұнда әр сөз, әр буын өлшеулi. Әрi қысқа, әрi нұсқа. Жарықтай жеңiл, табыттай ауыр. Кеңiстiк кең бол­ғанмен, көйiтуге уақыт бол­ма­­ған. Қолда қалам емес — қашау, алдында қағаз емес — қара тас. Гомердiң өлеңi мұхит сынды арнасынан асып, төгiлiп жатса, Тоныкөк жыры арғымақтың тұяғындай асау түркi жүрегiнiң нотасын дөп басады. Темiрхан Медетбек ақын да әр өлеңiн Тоныкөк атасындай ақ параққа қаламмен емес, қара тасқа қайламен қашағандай жазады:

Халқымыздың тағдырлы жазушысы Қажығұмар Шабданұлының 6 томдық “Қылмыс” эпопеясы жарыққа шықты. Бұл кiтапты жарыққа шығарған – Дүниежүзi қазақтар қауымдастығының “Атажұрт” баспа орталығы. – Сөз жоқ, Қытайда тұратын қазақ жазушысы Қажығұмар Шабданұлының 6 томдық “Қылмыс” романының Қазақстанда жарық көруi – үлкен әдеби-мәдени оқиға, – дедi Дүниежүзi қазақтар қауым­дас­тығының басшысы Талғат Мамашев мырза осы кiтаптың жарық көруiне орай ұйымдас­тырылған баспасөз мәжiлi­сiнде.

Футболдан Еуропа бiрiншiлiгi 2012 жылы Украи­на мен Польшада өтетiнi белгiлi. Осыған байланысты УЕФА келесi жылдың ақпан айында iрiктеу ойындарының жеребесiн өткiзедi. Iрiктеу ойындарына алаң қожайындары ғана қатыспайтынын ескерсек, кәрi құрлықтың қалған елу бiр мемлекетi жеребенiң қалай түсетiнiн асыға күтiп отыр. Қазiрдiң өзiнде Еуропаның футбол басшылары жеребенiң алғашқы жобасын жасап қойды. Яғни, УЕФА-ның рейтингiсiне сәйкес, командалар жiлiктелiп, әр кәрзеңкеге бөлiнiп тасталған.

Менiң Қытай елiнен осынау қазақтың қара шаңырағы – Қазақстанға келгенi­ме екi жылдың жүзi болып барады. Мұнда да “бармақ басты, көз қысты” жымыс­қылық пен жылпостықтың өршiп, ұлт пен тiл тағдыры адамды алаңдатарлық еке­н­iн сезiндiк. Осы ретте мен де азаматтық ойымды бiл­дiргiм келдi. Бiрiншiден, қазiр мұнда сыбайластық жемқорлыққа қарсы күреске қарамастан, жалаңқаққан жемқорлық оқу-ағарту саласына да енiптi. Маусымның соңында бiз сияқты студенттер сабағын ойдағыдай жабу үшiн ұстазының үңгiрдей қалтасына ақшасын аямай салады.

“Жас Алаш” газетiнiң 81-санында (08.10.2009) “80 жылдық тарихы бар колледждiң жағдайы күрт нашарлап кеттi” деген мақала жарияланған едi. Онда колледждiң директоры М.Өтемұратовтың заңсыздыққа барғаны және осы кiсiге қатысты тағы да басқа жайттар жазылған болатын.

“Елiмiзде сыбайлас жемқорлыққа қарсы күрес жүрiп жатыр” дейдi билiкте отырғандар. Шыны керек, жемқорға тағайындалған жаза әрiсi бес жылдан аспайды. Арада бiр-екi жыл өтпей-ақ үкiмет рақымшылық жасап, оларды түрмеден шығаратынына не дерсiң? Бiздегi сот жемқорды 3-4 жылға жазаға кескенмен, артында қалған мал-мүлiктi тәр­кiлегенiн естiмедiм. Әне, осындайда елден естiген бiр әңгiме есiме түседi.

Әйелдер арасында 63 келi салмақта ел намысын қорғаған Майя Манеза қоссайыс қорытындысы бойынша 246 келi салмақты бағындырып, әлем чемпионы атанды.