1921 жылы 22 наурыздан шыға бастады
Бастапқы
АЙТЫЛҒАН СӨЗ
«Қазақтың жауы – қазақ» деп шулап келеміз. Неміс екіге бөлінгенде «Немістің жауы – неміс» деп ешкім айтқан жоқ, Корея екіге бөлініп соғысқанда, әлі де екі бөлініп отыр, «кәрістің жауы – кәріс» деп ешкім айтқан жоқ, Вьетнам қақ жарылып қақтығысқанда «вьетнамның жауы – вьетнам» деп ешкім айтқан жоқ.  «Адам – адамға қасқыр» деген жалпылама айтылатын сөз болғанмен, дүние жүзінде ондай нәрсе жоқ. Ал «қазақ – қазаққа жау» деп ұран көтеретіндей не басымызға күн туды?
Автор: Мұхтар Мағауин, халық жазушысы, Мемлекеттік сыйлықтың лауреаты
Информационный сервер xFRK: валютные баннеры для Вашего сайта
Жас Алаш №18 (16204) 2 наурыз, бейсенбі 2017
2 наурыз 2017
Көгілдір отын көкжиегі

Келер жылдан бастап сұйытылған газ электронды биржа арқылы саудаланады. Бұл туралы Энергетика министрі Қанат Бозымбаев мәлімдеді. «Алдағы жылдары мұнай өнімдерінің барлық түрлерін электронды сауда алаңдары арқылы өткізуді жоспарлаудамыз. Ең алдымен сұйытылған газды сатудан бастаймыз», – деді министр. Министрдің пайымынша, сұйытылған газ бойынша Орталық Азия мен Ресейге экспорттық баға арасында және ішкі нарықтағы бағада 5-7 есеге дейін айырмашылық бар көрінеді. Осыған орай уақыт өте келе кейде ішкі нарықта ауытқулар байқалып, заңсыз экспорт арта түседі. «Сұйытылған газ нарығына заңдастыру жүргізу қажет деп есептейміз. Бұл өз кезегінде үлестірудің ашықтығын қамтамасыз етіп, кәсіпкерлікте мемлекеттің қатысуын ықшамдайды. Бүгінде сұйытылған газды үлестіру тетігіне Энергетика министрлігінің, облыстық әкімдіктердің шенеуніктері, оған қоса газ өңдеуші зауыттардың басшылары жұмылдырылған. Жүйе айтарлықтай ашық емес»,– деді Қ.Бозымбаев.
Жыл соңына дейін заңнамаға тиісті түзетулер енгізіледі. Сөйтіп, 2018 жылдан бастап электронды алаңдар арқылы газды сату ісі жүзеге асады.
 

« алдыңғы бетке  |  келесі бетке »
ПІКІРІН БІЛДІРГЕНДЕР (0)
Пікіріңізді бөліскіңіз келсе:*
Жазылатын пікірдің көлемі 500 символдан аспауы керек
Аты-жөніңіз:*
E-Mail (сайтта жарияланбайды):
Мына код-сандарды енгізуіңізді сұраймыз:*
Жаңарту
* - жазылуы міндетті