1921 жылы 22 наурыздан шыға бастады
Бастапқы
АЙТЫЛҒАН СӨЗ
“Мен әлемнiң 141 елiн аралаған адаммын. Солардың iшiнде өз мемлекетiнде өз тiлiнде өмiр сүре алмай отырған бейшара халықты көрдiм. Ол – қазақтар”
Автор: Италияның қазiргi заманғы кәсiпкерi, жиһанкез Реналью Гаспирин
Информационный сервер xFRK: валютные баннеры для Вашего сайта
Жас Алаш №50 (16236)   22 маусым, бейсенбі 2017
15 қыркүйек 2016

Медициналық жоғары оқу орындарының “педиатрия” мамандығы бойынша маман даярлауды тоқтатқанына да 7-8 жылдың жүзi болды. “Халықаралық стандарттарға сәйкес жалпы медициналық тәжiрибе жүйесi енгiзiледi” деген желеумен, педиатрия бөлiмдерi емдеу факультеттерiне қосылды. Академик Камал Ормантаевтың сөзiне сүйенсек, “Педиатр – өз алдына жеке мамандық. Ересек адам мен нәрестенiң ағзасында айтарлықтай айырмашылықтар бар.

30 тамыз 2016
Үйдiң бағасы әлi де қымбат
БIР БӨЛМЕЛI ПӘТЕР САТЫП АЛУ ҮШIН ТҰТЫНУШЫ ЖАРТЫ ӨМIРIН АҚША ЖИНАУҒА АРНАЙДЫ
Күнi кешеге дейiн елiмiзде жылжымайтын мүлiк нарығының табысты сала болғаны рас. Содан болар, құрылысқа қатысы барлар да, бұрын-соңды онымен мүлде айналыспағандар да, не керек, тiптi иiсi мұрнына бармайтындар да оны жағалады. Бәрiнiкi бiр мүдде – табыс табу, көп қаржыны қарпып қалу. Несiн жасырамыз, соңғы 20-25 жылда экономикада былыққа батқан бiр сала болса, ол – осы жылжымайтын мүлiк саласы.
23 тамыз 2016
Өндiрiсте мертiктi әрi жұмыстан шығарылды
“ҚазМұнайГаз” Барлау Өн­дiру” акционерлiк қоғамы ие­лiгiндегi “Қаражамбасмұнай” компаниясының мұнайшысы өндiрiстiк жарақат алып әрi жұмыссыз қалғанына шағымданады. Ол өзi он бес жылдан берi жарна төлеп, мүше болған “Нұр Отан” партиясы да құқын қорғауда араша түспедi деп ренжiп, партиядан шығуға арыз бердi. Жаңаөзен қаласының тұрғыны Темiрғали Мүйiмовтiң мұнай саласында жұмыс iстеп келе жатқанына биыл бақандай 29 жыл толыпты.
11 тамыз 2016

Апта басында Ұлттық банк елiмiзде несие алған 5 миллион адамның бiр миллионы алған несиесiн төлей алмай жүргенi жөнiнде ақпарат таратты. Анығында, әлгi бiр миллион клиент банктен алған қарызын өтеу мерзiмiн 90 күн кешiктiрген. Демек, осыншама несие алушының төлем қабiлетi әлсiреген. Әлсiреген деп әншейiн жұқартып, жұмсақтау айтып жатқанымыз ғой, әйтпесе, осы дерек­тiң өзiнен-ақ, қараша халықтың жай-күйi анық байқалып отырған жоқ па?

11 тамыз 2016
Өзiн өртеген келiншек қайтыс болды

Өз-өзiн өртеу деген сұмдық жиi қайталанатын болды. Қазақстан қазiргi уақытта суицид бойынша әлемде алдыңғы қатарда тұрған елдердiң бiрi саналады. Өз-өзiне қол салу әсiресе, жасөспiрiмдер арасында көп. Алайда оның құпиясына үңiлiп, себебiн түсiндiрiп жатқан маманды әзiрге көре қойғанымыз жоқ.

4 тамыз 2016

Елеусiздеу болып көрiнгенiмен, бүгiнде көңiл аударарлықтай бiр жағдай бар. Мысалы, ресми деректер бойынша, өткен жылы Қазақстаннан кеткен халық келгендерден екi есе көп болған және қоныс аударғандардың көпшiлiгi ТМД елдерiне табан тiреген. Ал ендi бұған не себеп, астарында не жатыр дегенге келсек, мамандардың бұл орайдағы пiкiрi әралуан.  

26 шілде 2016

Iшкi iстер саласында аудармашы болып жұмыс iстейтiн Айдар Қалиевтiң жалақысы – 45 000 теңге. Ол әзiрше бойдақ. Ағасымен бiрге тұрады, басында жеке баспанасы жоқ. Сол Айдар туысымның кедей екенiне бүгiн көзiм жеттi. Әрине, 45 000 теңгеге өмiр сүру өте қиын. Сондықтан оның киiм-кешегi әпкесiнiң мойнында. Коммуналдық қызметтi төлейтiн болса, еңбекақысының жартысы соған кетер едi. Былайша айтқанда, пәтерақы төлеуге оның шамасы жетпейтiндiктен

21 шілде 2016
Қисайған үйдi құлатпайды, түзейдi

1 маусым күнi елдi елеңдеткен Алғабас-6 ықшам ауданындағы №136-үй сол күйi қисайып тұр. Бүгiн тоғыз қабатты үйдiң тұрғындарының көшiрiлгенiне тура 50 күн толды. Елу күнде не өзгердi? Осы күнде Алғабас-6 ықшам ауданында “күлтөбенiң басында күнде жиын”. Ықшам аудандағы №82 мектептiң акт залында әр аптаның сенбiсiнде қисайған үйге қатысты жиын өтедi. Алматы қаласы әкi­мiнiң орынбасары

21 шілде 2016
Әскердегi өлiм көбеймесе, азаяр емес

Алматы облысынағы Сарыөзек әскери лазаретi тек соңғы екi айдың iшiнде үш солдаттың мәйiтiн шығарды. Оның бiрi 19 жастағы жас сарбаз шаруашылық паркiндегi жұмыстармен айналысып жатып қаза болса, тағы бiрi асылып қалған жерiнен табылды. Ал 18 жастағы маңғыстаулық Даниэль Сайфуллин осыдан он шақты күн бұрын ғана ересек сарбаздардың соққысынан көз жұмды. Әр өлiмге қорғаныс министр­лiгi­нiң өз ай­тары бар. Бiрақ ол өрiмдей жастардың өмiрiн қайтармайды.

7 шілде 2016

Шiлдеге ең төменгi күнкөрiс деңгейi 22 182 теңге көлемiнде белгiлендi. 182-сiн былай қойғанда, 22 мың теңгеге осы күнi адам өмiр сүре ала ма? Басқасын қозғамағанның өзiнде, Астана мен Алматы сияқты қымбат қалаларда 22 мың теңгенi “Магнумге” бiр барғанда-ақ қалдырып кетесiң. Сонда қалған күндерi қалай өмiр сүруге болады?

5 шілде 2016
Ендiгi уәде мерзiмi – 15 жыл

Н.Назарбаевтың бұл жолғы сөзi бұрынғы пiкiрлерiнен бiршама тәуiр шықты. Тәуiр болатыны, “Төрт қабатты үй салып, танк сияқты машина шықса, оны да алуға құмбыл қазақты” қажамады. “Үйленбей тұрып, үй алма!” деп келетiн ақылын да қайталаған жоқ. Керiсiнше, жұртты жұмыспен қамту мәселесiн көтердi. Тiптi 1,5 миллион отбасын баспанамен қамту жөнiнде үкiметке тапсырма бердi. Бiрақ осы мақсаттың орындалар мерзiмi қандай? 15 жыл!

23 маусым 2016
Қазақстан шенеунiктерiне ортақ қызық қасиет бар. Олар елдегi мәселелердi, түйткiлдердi тек әлем назар аударғанда ғана байқайды. Содан соң ғана жанұшыра белсендi жұмыс iстеген түр танытады. Әрине, елдiң сырт көз алдындағы беделiн ойлаған жақсы ғой. Бiрақ бедел құрғырды ол су болмай тұрып, қанға боял­май жатып ескерсе не етер едi? Iшкi мәселелердi шешуге енжар үкiмет “өзге елден ұят болмасын” дегенге келгенде ерекше белсенедi.
14 маусым 2016
Аптап ыстықтан қорғана бiлiңiз
Алтыншы айдың ми қайнатар аптабының бетi қайтар түрi жоқ. Синоптиктердiң болжамынша, биылғы жаз елiмiз­дiң оңтүстiк, оңтүстiк-шығыс өңiрлерiнде өте ыстық болады және температура, негiзiнен, 40-41 градусқа дейiн көтерi­ледi. Дәрiгерлер мұндай ыстықта мүмкiндiгiнше жалаңаяқ жүруге кеңес бередi, әрине, шыжыған асфальтта емес, шөптiң үстiнде. Iшкi органдар­ға жауап беретiн нүктелердiң басым көпшiлiгi табанда шоғырланған.
14 маусым 2016
Мүгедектерге тұрақты жұмыс табылды

Соңғы жылдары “мүмкiндiгi шектеулi жан” деген сөз құлаққа кәдiмгiдей сiңiстi болып кеттi. Қазақта мүмкiндiгi шектеулi жандарды мүгедек, жарымжан дейтiнi белгiлi. Ал жарымжан жанның көңiлi де жарымжан екендiгi айтпаса да түсiнiктi. Осындай жандар қоғамның қаншалықты қайырымды екендiгiн сынау үшiн жiберiлгендей көрiнедi. “Мемлекеттiң қаншалықты өркениеттi екендiгi қарттар мен мүгедектерге жасалған қамқорлықпен өлшенедi” деген түсiнiк те бекер қалыптасқан жоқ.

7 маусым 2016
Өткен аптаның сәрсенбiсiнен берi Алматы қаласы, Алатау ауданына қарайтын “Алғабас – 6” ықшамауданының тұрғындарында маза жоқ. “Қолжетiмдi баспана – 2020” мемлекеттiк бағдарламасы бойынша салынған 72 пәтерлi тоғыз қабатты тұрғын үй қисайған. Қисайғанда да бес-он сантиметрге емес, 31 сантиметрге. Төтенше жағдай төтенше­лiктердi, әкiмдiктегiлердi, поли­цей­лердi де әбiгерге салды. Сәрсенбiнiң түнiнде 72 пәтерде тұратын 200-ге жуық тұрғын Алматы қаласындағы қонақүйлерге уақытша қоныстанды.
беттер:«1 / 2 / 3 / 4 / 5 / 6 / 7 / 8 / 9 / 10 / 11 / 12 / 13 / 14 / 15 / 16 / 17 / 18 / 19»