1921 жылы 22 наурыздан шыға бастады
Бастапқы
АЙТЫЛҒАН СӨЗ
«Қазақстандық ұлт» идеясы да бiзге сырттан таңылып отырған нәрсе. Бұл идеяны өзiмiздiң шала қазақтар да қолдап, қолпаштап жүр. Олжастарға (Сүлейменов) керегi осы. Неге? Өйткенi, «қазақстандық» болсақ, қазақ тiлiнiң қажетi болмай қалады. Президенттiң өзi де, оның айналасындағылар да балаларын да, немерелерiн де қазақша оқытқан емес! Оқытқысы да келмейдi! «Қазақстандық ұлт» деген сылтаумен қазақты әуелi орыс, сонан кейiн ағылшын жасамақ.
«Жас Алаш» газеті, №50, 24.06.2008 ж., 4-5 беттер
Автор: Мұхтар Шаханов
Информационный сервер xFRK: валютные баннеры для Вашего сайта
Жас Алаш №54 (16240)   6 шілде, бейсенбі 2017
6 шілде 2017
Трактормен бір жарым айлық саяхат

Винфрид Лангнер есімді зейнеткер Германияның Төменгі Саксония аймағындағы Лауэнферд қаласынан Ресейдің Санкт-Петербург қаласына трактормен жетті.
81 жастағы ақсақал бұл саяхатына бір жарым ай жұмсап, шілденің басында Петерборға табан тіреді. Ол 2000-нан астам шақырым жол жүріп, Польша, Литва, Латвия және Эстония аумағын басып өткен.
Калининградқа жеткенде трактор сынып қалыпты. Лангнер мырза Германиядан қосалқы бөлшектер келгенше жергілікті тұрғындарға қонақ болды. Енді ол Петерборда бір апта болып, сосын көлігімен кері қайтады.
Лангнер мінген трактор 57 жыл бұрын шығарылған. Ол сағатына асып кетсе 18 шақырым ғана ала алады. Зейнеткер тракторға демалып, тамақ жеуге ыңғайлы фургон тіркеп алыпты.
Мамыр айында шотландиялық саяхатшы Джеймс Паркер де осындай әрекетімен көзге түсті. Ол 1972 жылы шыққан автомобильмен Шотландиядан Ресейге жол тартып, 53 күнде мәреге жетті. Жол бойы ол 13 елді басып өтіпті.

АЮДАН ЖЕТКІНШЕК ҚҰТҚАРДЫ
АҚШ-тың Аляска штатының шығыс бөлігінде тұратын Елиот Кларк әкесімен және немере ағасымен бірге балық аулауға шыққан-ды. Жолда оларға аю шабуылдап, ересек екеуін жерге алып ұрды.
11 жастағы Елиот әуелде қатты қорқып кетсе де, бойын тез жиып алды. Ол қолындағы бытыралы мылтықпен аюды атқылай бастады. Үшінші оқ тиген кезде аю жерге құлады, әкесі мен ағасы тез тұрып, өз мылтықтарымен аюды атып өлтірді.
Әкесі Елиоттың тез арада дұрыс шешім қабылдағанына разы. Ересек екеуі мылтықты иықтарына асып келе жатқанда, Елиот қаруын қолына ұстап жүріпті. Аюдың кенеттен жасаған шабуылына тез тойтарыс беруіне осы жайт та әсер еткен.
Бұл аю мен адам арасындағы биылғы бірінші арпалыс екен. Өткен жылы осыған ұқсас үш оқиға болыпты.
19 маусым күні Аляскада қара аю таулы жерлермен жаппай жүгіру жарысына қатысқан 16 жастағы бозбаланы шайнап тастаған-ды. Жасөспірім өзін аю қуып келе жатқаны туралы хабарлама жолдап үлгерген, бірақ құтқарушылар үлгермей қалды. Аюды орманшы жарақаттағанымен, маймақ бой жасырып үлгеріпті.

« алдыңғы бетке  |  келесі бетке »
ПІКІРІН БІЛДІРГЕНДЕР (0)
Пікіріңізді бөліскіңіз келсе:*
Жазылатын пікірдің көлемі 500 символдан аспауы керек
Аты-жөніңіз:*
E-Mail (сайтта жарияланбайды):
Мына код-сандарды енгізуіңізді сұраймыз:*
Жаңарту
* - жазылуы міндетті
Осы тараудағы мақалалар