1921 жылы 22 наурыздан шыға бастады
Бастапқы
АЙТЫЛҒАН СӨЗ
Сталин ашқан Академия тәуелсіздікке қол жеткен кезде жабылды. Қазақ Үкіметі оның жабылуына айдың күннің аманында жол берді. Бұл – біздің саяси жүйенің қателігі. Бұл – факт.  Сөйтіп, 70 жылдан астам тарихы бар Қазақ Академиясының құны бар-жоғы 500 доллар болып шыға келді. Оның бағасын Үкімет те, академиктер де солай деп бағалады.
Автор: Асқар Жұмаділдаев, Профессор, физика-математика ғылымдарының докторы
Информационный сервер xFRK: валютные баннеры для Вашего сайта
Жас Алаш №56 (16242)   13 шілде, бейсенбі 2017
13 шілде 2017
Марс – өмір сүруге жарамсыз ғаламшар

Шотландияның Эдинбург университетінің ғалымдары «Марс ғаламшары өмір сүруге жарамсыз» деген қорытындыға келіпті. Қызыл планетаның топырағында перхлорат деп аталатын химиялық қоспа бар, ол қандай да бір микроағзаның тіршілік етуіне мүмкіндік бермейді. Бұл зат хлор қышқылының тұзы болып саналады, тіршілік иелерінің бәріне у секілді әсер етеді.
Биологтар Марс топырағына тән перхлораттар концентрациясының ғарыш аппараттарында көп кездесетін және биологиялық ластану көзі болып саналатын Bacillus subtilis бактериясына әсерін зерттеп көрді. Белгілі болғанындай, ультракүлгін сәулемен әсерлескен кезде қосылыстардың улылығы арта түскен. Сондықтан Bacillus subtilis бірнеше минутта-ақ тіршілігін тоқтатқан. Мамандардың пікірінше, Марс топырағындағы темір оксиді мен сутегі тотығы да перхлораттар әсерін күшейтіп, бактерия өлімін 10,8 есе жеделдете түседі.
Перхлораттар Марс бетінен 2008 жылы табылды. «Феникс» аппараты Марс топырағының химиялық құрамын зерттеген кезде қосылыстар концентрациясы 0,4-0,6 пайызға жеткен. Бұл нәтижені Curiosity марсоходы алған сынамалар да растады. Ғаламшарға ультракүлгін сәулелер түсетінін ескерсек, перхлорат мөлшерінің көптігі ондағы тіршіліктің жоқтығына басты себепші болуы да мүмкін.

ПІКІРІН БІЛДІРГЕНДЕР (0)
Пікіріңізді бөліскіңіз келсе:*
Жазылатын пікірдің көлемі 500 символдан аспауы керек
Аты-жөніңіз:*
E-Mail (сайтта жарияланбайды):
Мына код-сандарды енгізуіңізді сұраймыз:*
Жаңарту
* - жазылуы міндетті
Осы тараудағы мақалалар