1921 жылы 22 наурыздан шыға бастады
Бастапқы
АЙТЫЛҒАН СӨЗ
«Еш уақытта қазақ... қазақ мемлекет болған жоқ, себебі шекарасы болған жоқ».  --- «Қытай Халық Республикасы рапс пен соя секілді жемшөп дақылдарын егу үшін бізден 1 млн. га жер сұрап отыр».
«Азаттық» радиосы
Автор: Н.Назарбаев, ҚР президенті
Информационный сервер xFRK: валютные баннеры для Вашего сайта
Жас Алаш №33 (16219)   27 сәуір, бейсенбі 2017
"Жас Алаштың" фотосуретшілерге арналған беті. Дайындайтын Асылхан ӘБДІРАЙЫМ
11 қыркүйек 2012
Оның өз орны бар едi

Бек ағамыз “тау қозғалса, қозғалмайды” дейтiн адам едi. Бәрiмiз де жай “Бек” дейтiнбiз. Кiшiлерiмiз “аға” деген сөздi қосып айтар едiк. Толық атын, “Бекмұхамбет” кейiн құжаттарынан ғана көрдiк. Ол кезде, сол 1950-70 жылдарда газеттегi мақалаларға, түсiрген суреттерге автордың аты жазылмай, тек тегi ғана жазылатын дәстүр бар едi. Нөмiрден нөмiрге шығып жататын Бе­кеңнiң сурет­терiнiң астында “Суреттi түсiрген Б.Тiлек­метов” деген жазу тұратын. Көптiң көзi үйренген жазу

7 тамыз 2012
ХХХ жазғы олимпиада ойындарында әзiрге алты алтын медаль иеленген спортшыларымызды қолдау мақсатында Астанада “фото кептiру” салтанатты шара ұйымдастырылды. 70-тен аса фотосуретте Лондон олимпиадасында Қазақ елiнiң чемпионы атанған спортшыларының жеңiске шаттанып тұрған сәттерi шынайы бейнеленген.  “4 the click” жарнама агенттiгi ұйытқы болған шараға тек кәсiпқой фотографтар ғана емес, әуесқойлар да қатысты. “Олимпиада ойын­дарында спортшыларымыз ел намысын абыроймен қорғап, үмiтiмiздi өшiрмедi.
7 тамыз 2012

Тылсым табиғатқа тiл бiтiрiп, табиғат құбылысын фотосуретке жандандыра түсiрiп, туындының шырайын арттыра бiлу – фотосуретшiнiң шеберлiгiн бiлдiредi. Табиғат ананың мың құбылып, тау мен даланы өркеш-өркеш бұлттарымен орап, от мылтығын жалаңдатып найзағай ойнатқан нөсерлi жаңбыры, бұрқасындата буырқанған долы бораны мен ақ қары үрейлi түстей шошындырғанымен, осы долы табиғатқа тән тылсым құбылыстарды фото көзiне түсiру – фотографтың көркем шығарма жаратудағы орайлы сәтi.

7 тамыз 2012
Қазақты тойсыз елестету мүмкiн емес. Дүние есiгiн ашқаннан бастап молынан дастарқан жайып, туған-туыс, ел-жұртпен қуанышын бөлiсу дархан мiнездi қазаққа тән. Өткен заманның тойы мен қазiргi той-думанның арасында елеулi ерекшелiк бар. Десек те, атадан балаға мирас болып, санаға сiңген салт-дәстүрдi айналып өтетiн қазақ болмайды. Соңғы уақытта үрдiске айнал­ған той өткiзудiң өзiнше бiр жаңа үлгiсi бар. Мәселен, қыз ұзату кезiнде қыздың жолына гүл төсеу, теңге шашу т.б. Бұдан бөлек, тойды басқаратын асаба мен ән, би, өнер жағын ұйым­дас­тыру – әр тойда әртүрлi
3 шілде 2012
Астанада белгiлi ға­лым-публицист Ақселеу Сейдiмбектiң 70 жылдық мерейтойына арналған биль­ярдтан дәстүрлi турнир өттi. Турнир қорытындысы бойынша, аға буын өкiлдерiнен бас жүлде 75 мың теңге сыйлықты жазушы Қажығали Мұхамбетқалиұлы қанжығасына байлады. Жастар тобынан бас жүлде фото­тiлшi Шүкiр Шахайға бұйырды. Алматыда Қазақстан Журналистер одағы сыйлығының 2012 жылғы жүлдегерлерi марапатталды. Қазақстан фотожурналистикасының дамуына қосқан үлесi үшiн “Қазақстан-ZAMAN” Халықаралық газетiнiң Рахымбай Ханалы атындағы сыйлығы Шүкiр Шахайға берiлдi.
3 шілде 2012
Шалкөде – елдiң жайлауы

Маусымның 20-24-i аралығында “ФОТОӨНЕР” қоғамдық бiрлестiгiнiң ұйымдастыруымен халықаралық фотокөрменiңарнайы түсiрiлiмi өттi. Бұл фотокөрменiң негiзгi мақсаты – елiмiздiң әсем табиғатын және ата-баба салт-дәстүрiн сақтау, оны келер ұрпаққа насихаттау, туризмдi дамыту. Түсiрiлiм барысында Жетiсу өңiрiндегi атақты Шалкөде жайлауының тыныс-тiршiлiгiн суреттер арқылы көрсете отырып, елiмiздiң тарихи маңызы бар өңiрлерiн жұртшылыққа жақын таныстыру басты жоспарға алынды. 

5 маусым 2012
Жаңалық
ФОТОӨНЕРДIҢ 100 СҰРАҚ-ЖАУАБЫ
“Фотоөнер бiлiмiнен 100 сұрақ-жауап” деп аталатын бұл кiтап – әйгiлi фотосурет маманы, журналист, ҚХР фотосуретшiлер одағының тұрақты мүшесi, салт-сана фотосуретiнiң докторы, Түсiпбек Сiләм­құлұлының 30 жылдан бергi ғылыми тәжiрибесiнiң жинағы. Оқырмандарға түсiнiктi болу үшiн сурет түсiру барысындағы аса маңызды 100 түрлi техникалық тәсiл сұрақ-жауап түрiнде берiлiп, фотосурет­тiң қоғамдағы маңызы мен рөлi, дәстүрлi фотоаппарат пен қазiргi кездегi көп қолданылып жүрген сандық фотоаппараттардың жалпы құрылысы мен қолданылу жолдары таныстырылған.
5 маусым 2012
Азаматтың фотокөрмесi өттi

Жуырда Абай атындағы ҚазҰПУ-дiң музейiнде көркем-сурет факуль­тетiнiң 2-курс студентi Азамат Айымбетовтiң жеке фотокөрмесi өттi. Онда Азаматтың әр кезеңдерде түсiрген фото­суреттерi қойылды. Әсiресе “Қызғалдақтың отаны – Қазақстан” атты фотосеминардан түсiрген табиғаттың әсем көрiнiстерi көрермендердi таңғалдырды. Фотокөрменiң ашылуында сөз сөйлеген факультеттiң деканы, педагогика ғылымдарының докторы Берiкжан Айтқұлұлы, ФОТОӨНЕР қоғамдық бiрлестiгiнiң төрағасы Асылхан Әбдiрайымұлы және белгiлi суретшi Марат Нисупов фотокөрменiң иесi Азамат Нұран­ұлына шығармашылық сапарына сәттiлiк тiледi.

5 маусым 2012
Еңбегiмен елге танылған Ермек
ҚР Қарулы күштерiнiң құрылғанына – 20 жыл
Ермектi әскери ортада танымайтындар кемде-кем. Өйткенi ол – кейiнгi алты жылдың шамасында әскерге қатыс­ты барлық iс-шаралардың ортасынан табылып жүрген шебер фото­суретшi. Әлбетте, кейбiр әскери жиындарда кез келген фотографтың еркiн жүрiп суретке түсiруiне тыйым салынатын кездер де болады. Бiрақ Ермекке “жетi қат жердiң астындағы құпияны” бейнелеуге рұқсат берiлген. Ерекең сонысымен де ерекше фотограф. Өз iсiн өте жақсы бiлетiн, ұқыпты, кәсiбiне жан-тәнiмен берiлген азамат.
24 сәуір 2012
Орнын тапқан Орынбай
Кейiпкерiмiз Орынбай Балмұрат – “Егемен Қазақстан” газетiнiң фототiлшiсi. 1957 жылдың 20 тамызында Өзбекстанның Маңғыт қаласында дүниеге келген. Ол мектептi тәмамдаған соң Ташкенттегi Политехникалық институтқа түседi. Институт қабырғасынан автоматты тораптарды басқару мамандығын алып шығады. Сөйтiп институтты бiтiрген соң, 1979 жылы тағдыр жазып Целиноградтан бiр-ақ шығыпты. Алғаш жұмысқа инженер-электрик ретiнде қабылданады. Айлығы көп, бақандай 140 рубль. Бiрақ тiлдесетiн адам таба алмай, орыстарды түсiнiңкiремей, жұмыс орнын ауыстыруға көңiлi ауады. Iштей қыпылықтап жүрсе де, қазақы ортаға кетуге бел буады. 1980 жылы Целиноград телевидениесiне оператор
24 сәуір 2012
Қызғалдақтың Отаны – Қазақстан

20-21 сәуiр күндерi Оңтүстiк Қазақстан облысы, Түлкiбас ауданында “Парктер шеруi – 2012” табиғатты қорғау акциясы аясында “Қызғалдақтың Отаны – Қазақстан” атты республикалық фотосеминар өттi. Семинарға Алматы қаласы мен Жамбыл, Оңтүстiк Қазақстан облысының түрлi бұқаралық ақпарат құралдарында жұмыс iстейтiн 20 кәсiби фототiлшi қатысты. Әр аймақтан жиналған фототiлшiлер семинардың бiрiншi күнiнде шеберлiк алмасу сағатын өткiздi. Кәсiби бiлiктiлiгi жоғары мамандар әрiптес­терiмен тәжiрибе бөлiсiп, өзара пiкiралмасу­лар жүргiзiлдi. Семинардың екiншi күнiнде қазақ қызғалдағы өсетiн Қызылтөбешiк аумағында сурет түсiруден Оңтүстiк Қазақстан және Жамбыл облысы

6 наурыз 2012
Әртүрлi жағдайларда сандық фотоаппаратты пайдалану
Сандық фотоаппаратты барлық жағдайларда қолдануға болады, бiрақ ол үшiн бiрқатар ережелердi бiлу керек.
Егер де фотоаппаратты суға түсiрiп алсаңыз, не жаңбыр тамшылары басқару тетiктерi арқылы iшкi бөлiмiне енсе, камераны барлық қуат энергиясынан ажыратып, үй температурасында 2 сағаттан астам уақытқа қою керек. Ешқандай қосымша кептiргiштер­дi пайдалануға болмайды. Себебi, iшкi микросхе­малар­ға зиян тиедi. Көптеген камераларда шаң-тозаңнан,судан қорғайтын құрылғы жоқ, бiрақ бұл – жаңбыр кезiнде камерамен түсiрмеу керек деген сөз емес. Камераны судан қорғап қойсаңыз болғаны. Ең бiр қарапайым тәсiлi блендаға резiңкемен түбiнде тесiгi бар полиэтилен пакеттi бекiту болып табылады.
6 наурыз 2012
Арнайы көрмесi ұйымдастырылады
Қайрат Мұстафин-80
ҚР Журналистер Одағының мүшесi Қайрат Мұстафин Қарағанды қаласында, қазақтың классик жазушысы Ғабиден Мұста­финнiң отбасында дүниеге келдi. Оның түсiрген алғашқы фотосуреттерi 1950-жылдары “Қазақ әдебиетi” газетiнде жарияланды. Ұзақ жыл Қазақ телеграф агенттiгiнде тынымсыз еңбек еттi. Оның тартымды да мазмұнды фотосуреттерi республика баспасөзi бетiнде үнемi жария­ланып тұрды. Түсiрген суреттерi сол кездегi бүкiлодақ­тық, халықаралық фотокөрмелерге қойылып, жоғары бағаланып, лайықты марапатталды. Қайрат Ғабиденұлы баспа, кiтап көркемдеу iсiне де үлкен үлес қосты.
8 қараша 2011
“Тәуелсiздiк тағылымы” фотокөрмесi
ҚАЗАҚСТАН ТӘУЕЛСIЗДIГIНIҢ 20 ЖЫЛДЫҚ МЕРЕКЕСIНЕ АРНАЛАДЫ
2011 жылдың 2 қарашасында, Алматы қаласында Ә.Қастеев атындағы Мемлекеттiк өнер мұражайында Қазақстан республикасы Тәуелсiздiгiнiң 20 жылдық мерекесiне арналған “Тәуелсiздiк тағылымы” фотокөрмесi өттi. Мерекелiк шараны Алматы және Астана қалалары әкiмдiгiнiң қолдауымен “ФОТОӨНЕР” қоғамдық бiрлестiгi ұйымдас­тырған. Фотокөрменiң бас серiктесi – “Bank “RBK” АҚ .
8 қараша 2011
Серiктiң серiгi – фотоаппарат
Серiк – бүгiнде облыстық “Маңғыстау” газетiнiң фототiлшiсi. Оның түсiрген суреттерiне зер салып қара­саң, болған оқиғаны айна-қатесiз ұғасыз, тiптi кейде көпшiлiгiмiздiң көзiмiз байқай бермейтiн сәттердi ол аппаратына түсiрiп ала қояды. Серiктiң фотоөнерге келуi кездейсоқ емес. Ол бұл кәсiптi бала кезiнен армандапты. Сол күндердi есiне алса, бақилық болған Оспан ағасы ойына орала бередi. Себебi Серiк ең алғаш суреттiң қалай түсiрiлiп, қалай шығарылатын осы ағасының қолынан көрген едi. Әуесқой фотоға түсiрушi Оспан ағасы күнде кешкiлiк балаларды қасына жиып алып, ап-ауыр фотоаппаратындағы күнде түсiрген сәттерiн қағазға шығару қамына кiрiседi.
беттер:«1 / 2 / 3 / 4 / 5 / 6 / 7 / 8 / 9 / 10 / 11 / 12»