— Қытайға шақырту алғаным рас. Осыдан үш айдан астам уақыт бұрын Үрiмшiдегi бiр ағамыздың тойында әнiмдi естiп қалған Қытай кинорежиссерi Гон Фу актер екенiмдi естiп, сал-серiнiң рөлiн сомдау туралы ұсыныс жасады. Көп ойланбастан келiстiм. Гон Фудың шақыртуымен жақында Қытай елiне барып, оқиға желiсi 1920-30 жылдарды қамтитын «Ақсарбас» атты тарихи киноның түсiрiлiмiне қатыстым. Психологиялық драма жанрындағы фильм Қытайдың мемлекеттiк тапсырмасы бойынша түсiрiлдi. Фильм халықаралық Кан кинофестивалiне қатысады. Сәтiн салса, жүлделi орынға iлiгедi деп үмiттенемiз. Фильм қазақша түсiрiлгенiмен, қытай және ағылшын тiлдерiнде аудармамен көрсетiледi. Түсiру жұ­мыс­тары Алтай тауының бөкте­рiндегi Қанас өзенiнiң бойында жүргiзiлдi. Фильмде басты кейiпкердiң қым-қуыт өмiрiнiң үш кезеңi қамтылады. Рөлдердiн басым көпшiлiгiн Қытайдағы қандастарымыз ойнады. Көбiнiң кәсiби бiлiмi болмаса да, табиғи таланттары менi таңғалдырды. Кино түсiрудiң ұйымдастыру жағына да, техникамен қамтылуына да мiн таға алмайсыз. Түсiрiлiм тобы қытайлар болғандықтан, бiраз сөздерiн үйренiп алдым. Кино саласындағы өзiме тың бiрқатар дүниелердi көңiлге түйiп қайттым. Аманшылық болса, «Ақсарбасты» жақын күндерде көгiлдiр экраннан көрiп қаларсыздар.

— «Шапаныңа қарап қарсы алады, ақылыңа қарап шығарып салады» деген сөз бар қазақта. Менiң «шапаным» — менiң бет-бейнем. Сомдайтын кейiпкерiме түр-әлпетiм дәл келген көрiнедi. Оның үстiне басты кейiпкердiң домбыра тартудан, суырып салма ақындықтан хабары болу керек екен. Қойылған талаптарға сай келген соң кинорежиссер менi таңдаса керек, сiрә.

— Адамның арманында шек жоқ қой. Бiр мақсатыңа қол жеткiзсең, келесiсi менмұндалап тұрады. Киноға түсу — менiң сүйiктi кәсiбiм. Ал «Ақсарбас» фильмiн үлкен мақсаттарға бастайтын табалдырық деп бiлемiн.

— Уақыт жағынан үлгеремiн десем, жалған болар. Бiрақ, өз кәсiбiмдi сүйгендiктен жүктелген шаруаны қашанда қызығушылықпен атқарамын. Содан да болар, бәрiне үлгеремiн. Ең бас­тысы — қызығушылық. Сонда ғана iстеген жұмысыңның жемiсiн жейсiң.

— «31-арнада» жастар көп болғ­андықтан тың идеялар да көп. Аз уақыттың iшiнде көп дос­тар таптым. «Бiлгiрлер бәйгесi» — шоу бағдарлама стилiнде. Сондықтан да жаныма жақын. Мұнда шабытыңа ешкiм шек қоймайды. Студия қонақтары жө­нiнде, басқа мәселелер турасында редактормен келiсiп, ортақ мәмiлеге келу оңай. Ойын­ға қатысушыларға сұрақ қоя отырып, өз бiлiмiмдi де жетiл­дiруге де мүмкiндiк бар.

Арнадағы «Пiкiр алаңы», «Замандастар», «Кәсiпкер», «Биiк мақсат» бағдарламасының қай-қайсысын алсақ та, үлкен талғаммен жасалып жатыр. Әрiптес­терiм әр бағдарламаға барын салып еңбек етедi. «Жұлдызбен жүздесу», «Әзiл-студио», «Әңгi­ме болсын» жобалары әзiл-сықақ стилiнде. Бiр айта кетерлiгi, «31-арнада» басқа электронды ақпарат құралдарындағыдай емес, бағдарламалар тек қана қазақ тiлiнде даярланады. Сондай-ақ, бағдарламалар барлық жас аралығын қамтиды.

— Суырмада жатқан дайын әндерiме жан бiтiретiн продюсе­рiм әзiрге жоқ. Өз жұмысын қадiрлейтiн әрi бiлгiр маманмен жұмыс iстегiм-ақ келедi. Қазақстанның да өзге елдерден еш кем емес шырайлы жерлерiнде сапалы бейнеклип түсiрсем деймiн. Продюсерлiктi тек ақша табудың көзi деп қарамайтын iскер жандармен бiрлесiп жұмыс iстеуге әзiрмiн.

— Рақмет.