1921 жылы 22 наурыздан шыға бастады
Бастапқы
АЙТЫЛҒАН СӨЗ
Шешенстандағы қираған халыққа қол ұшын созған біздің ағайындар. Грозныйдың төріндегі көпқабатты зәулім үйдің құрылысына қаржыны да берген қазақтар. Сол үшін де Рамзан Қадыровтың қолынан алғас алған Иманғали Тасмағанбетовтің күйеу баласы Кеңес Рақышев. Дәл сол марапаттау кезінде ақкөңіл, дархан қазақ жігіті шешенстанның «Терек» футбол клубына автобус, өзінің астында мініп жүрген ұшағын сыйлап және Грозныйдағы аурухананың құрылысын толық көтеретінін айта кетті. Бұл қайдан тасыған байлық, қай көңілден кеткен кеңшілік екенін біле алмадық.
Автор: alaman.kz, 19.06.2010 ж.
Информационный сервер xFRK: валютные баннеры для Вашего сайта
Жас Алаш №1 (16187) 5 қаңтар, бейсенбі 2017
5 қаңтар 2017
Шахандағы апат тоғыз адамның өмiрiн үздi, екi адам аман қалды

Қираған үйде қаза тапқандар: В.М.Андропов (1981ж.), О.В.Андропова (1988ж.), Е.В.Андропова (2016ж), В.И.Галышев (1960ж), А.А.Галышев (2010ж.), Т.К.Кан (1953ж), В.С.Михайлов (1956ж), Е.Ю.Алексеенко (1989ж), В.В.Алексеенко (2016ж). Жаңа жылдың алғашқы күнi орын алған оқыс оқиғаның соңы осындай орны толмас өкiнiшке ұласты. Шамамен түнгi 22.40 сағатта 60 пәтерлiк көпқабатты тұрғын үйдiң жертөлесiнде бу қазандығы жарылып, бiр кiреберiс қирады. Соның салдарынан Шаханда 15 шаңырақ ортасына түстi. Төтенше жағдайдың зардабын жоюға жалпы үш жүздей адам мен алпыс шақты техника тартылып, негiзгi жұмыс келесi күнi түсте тәмамдалды. Қираған үйiндiнiң астынан табылған 32 жастағы ер азаматтың бас сүйегi зақымданған, миы шайқалған, аяқ-қолдары үсiкке шалынған, өзге де жерлерiне зақым келген. Ол 10 сағат бойы азапты бастан өткiзген. 11 жастағы қыздың да бас сүйегi шытынаған, миы шайқалған, жамбас сүйегi сынған әрi шыққан, өзге де жарақаттары аз емес. Екеуi де қазiр Мақажанов атындағы ауруханада емделiп жатыр. Жағдайлары ауыр болса да, өмiрлерiне қауiп жоқ дегендi айтады дәрiгерлер.
Жергiлiктi билiк бiр балабақшаны жылынатын және “жүрек жалғайтын” орынға айналдырды. ТЖД психологиялық жәрдем жасайтын жедел байланыс желiсiн iске қосты. IIД ЖПҚ апатты аймақты қоршап тастады. Шахтинск қаласының әкiмi жергiлiктi деңгейдегi төтенше жағдай жариялады. Жедел штаб жұмыс жасап, оқыс оқиғаның себебiн анықтайтын облыстық комиссия iске кiрiстi.
Облыс әкiмiнiң баспасөз қызметi: “Қайтыс болғандар мен зардап шеккендердiң отбасына материалдық көмек көрсетiледi. Әкiмдiк қайтыс болған әр адамға 1 миллион теңгеден, зардап шегiп ауруханада жатқанның әрқайсысына 500 мың теңгеден бөледi. Сондай-ақ, әкiмдiк жерлеудi ұйымдастыру мен құдайы тамақтың шығынын мойнына алады” деп хабарлады.
Орайы келгенде айта кетейiк, есiмi елге танымал астаналық азаматтар Ақберен Елгезек пен Ерлан Сайыровтың бастамасымен Шахандағы апаттан зардап шеккендерге азық-түлiк пен жылы киiм-кешек жиналды. Бiреудiң басына түскен бейнетке бейжай қарамайтын жұртшылық бұл жолы да белсендiлiк байқатты. Еңбектеген баладан еңкейген кәрiге дейiн оған атсалысты.
Бiр нәрсенiң басы ашық: билiктiң бергенi де, жұрттың жинағаны да өмiрден озған адамның орнын толтыра алмайды. Осыны “оқыс оқиға” деудiң өзi орынсыз. Билiк бұны бiлген. Облыс әкiмiнiң орынбасары А.Ляпуновтың айтуына қарағанда: Шахан ауылы бұрын бiр қазандықпен жылытылған. Ол iстен шыққасын, тұрғындар өз күнiн өзi көруге көшкен. Қазiр онда 19 үй жертөлеге қойылған жеке қазандықпен жылытылады. Қалғаны пеш жағады.
Демек, билiк адам шығынынан кейiн сол белгiлi нәрсенiң салдарын iздеп, сандалуда. Егер жауапсыздықты “жаба тоқуды” қоймасақ, мұндай “төтенше жағдай” әлi талай алдан шығады. Елдiң басқа аймағын қайдам, Қарағанды облысы қысқа қаншалықты әзiрлiкпен түскенi қарашада-ақ көрiнiп қалды. Темiртаулықтар тартқан теперiш әлi есте. Үкiмет басшысы араласқасын барып, әупiрiмдеп қиындықтан құтылды. Жезқазғаның да жетiсiп тұрған жоқ. Ескiрген жабдық ес жиғызар емес. Жылу құбыры да әбден тозған.
Осындайда “Жылу жүйесiн сенiмдi басқаруға алып, жиырма жылдай “жылы-жұмсағын” жұтқан “АрселорМиттал Темiртау”, “Қазақмыс” сияқты алпауыт компания инвестицияны қайда құйған?” деген сауал ерiксiз тiл ұшына оралады. Бiздiң қоғамда осының анық-қанығына көз жеткiзетiн бiр Құдайдың құлы бар ма екен?
 

Әлiбек ӘБДIРАШ,
Қарағанды облысы
 

« алдыңғы бетке  |  келесі бетке »
ПІКІРІН БІЛДІРГЕНДЕР (3)
Есенғали, Антакиядан | 5 қаңтар 2017 16:14
Тұрғын үйдің жертөлесіне қазандық орнатуға рұқсат берген шөпкетышар
шенеунікті "ПОЖИЗНЕННО ОСУЖДЁННЫЙ" "мәртебесімен" соттау керек !
Сонда ештеңеге жауап бермейтін қазақстандық шөпкетышарлар ойланатын
болады. Ақша жинап, халықтан жылу жинап өлген 9 адамды өмірге қайтара
алмайсың. Жауапсыз шенеуніктің оншақтысы өмірлік түрмеге қамалса,
Қазақстанда тәртіп орнауы мүмкін ? !
Халық | 7 қаңтар 2017 11:33
Қыс мезгілінде жұмыс істеуге дайын деп есеп берген-
Премьер-Министр,облыс әкімі,қала әкімі ешқашан жауап
бермейді !
Жауап беретін адам- Кочегар !
Шынайтар | 9 қаңтар 2017 15:08
Апаттың алдын алу жұмыстары неге жүргізілмеген? Тоғыз адам өліп кетті. Бұған кім кінәлі? Шаханның әкімі, әкімнің орынбасарлары, коммуналдық қызметтерге жауапты басшылар қайда қарап отырған. Не үшін айлық алады? Барлық кінәні от жағушының мойнына арта салатын түрлері бар. От жағушы қайда? Оны біреуелер тығып тастап, қалай сөйлеу керектігін үйретіп жатқан шығар. Барлық шындықты білетін бір адам болса, ол - от жағушы болуға тиіс. Әйелінің сөзі құпия жайлардан хабар беріп тұр.
Пікіріңізді бөліскіңіз келсе:*
Жазылатын пікірдің көлемі 500 символдан аспауы керек
Аты-жөніңіз:*
E-Mail (сайтта жарияланбайды):
Мына код-сандарды енгізуіңізді сұраймыз:*
Жаңарту
* - жазылуы міндетті
Осы тараудағы мақалалар