1921 жылы 22 наурыздан шыға бастады
Бастапқы
АЙТЫЛҒАН СӨЗ
Қазіргі адамдар «бірің өліп, бірің қал» дегенді мықтап ұстанып алған. Өйткені адамдар ешкімге сенбейді, сенейін десе есітетін әңгімелерінің бәрі өтірік. Сондықтан бәріміз ас үйде отырып, үстелді тоқпақтап, революция жасаймыз, көшеге шыққанда үнсіз қаламыз, өкінішке орай, осылайша екі жүзді болып барамыз.
Автор: Болат Атабаев, театр режиссері
Информационный сервер xFRK: валютные баннеры для Вашего сайта
Жас Алаш №14 (16200) 16 ақпан, бейсенбі 2017
16 ақпан 2017
Алашты адастырмаңдар

ҚР Конституциясының 26-бабына өзгерту енгiзуге байланысты желтоқсандықтар өзiнiң алаңдаушылығын бiлдiредi. Өйткенi Сенат спикерi Қасымжомарт Тоқаевтың мына сөзi БIЗДI түсiнбестiкке алып келдi. Қ.Тоқаев былай дедi орысшалап: “...В предложенных Главой государства поправках к Конституции содержится еще одно принципиальное нововведение: право частной собственности на любое законно приобретенное имущество предлагается распространить на каждого человека, находящегося на территории нашей республики, независимо от того, к гражданству какой страны он принадлежит или же является лицом без гражданства. Данное положение - это результат положительной эволюции нашего общества, которое признает свою принадлежность к глобальному сообществу цивилизованных стран”.
Экономикалық жағынан қарағанда, бәрi дұрыс сияқты. Бiрақ оның саяси жағын – Қазақстанның алып екi империяның ортасында отырғанын Сенат спикерi ұмытып кеткен бе?
Кезiнде, отырықшылдықты, ал екiншiлерi көшпендiлiктi жақтап Алаш қайраткерлерi екiге бөлiнген. Оның Бөкейханов бастаған жағы: отырықшылық дұрыс – өркениет, бiрақ ондағы жер беру нормасы қазақты жерден айырып тынады деп әзiрше көшпендi бола тұруымызды құптап, елге дұрыс жол сiлтеген едi. Ол ХХ ғасырдың басында өз нәтижесiн берген де едi. Бiрақ большевиктер мұны қастандықпен бұзып, жарты халқымызды қырғаны өз алдына, оңтүстiк пен солтүстiк аймақта қазақты құнарлы жерлерден айырып тынды. Осының зардабын әлi көрудемiз...
Бiздiңше жердi ашық саудаға салу (26-бап) әлi ерте. Азаматтық қоғам жетiлiп, толысып үлгерген жоқ. Ең алдымен, билiк басында отырған Қ.Тоқаев бастаған азаматтар.
Осы жерде Алаш азаматтарының мына сөздерiн Тоқаев сияқтылардың есiне сала кеткiмiз келдi.
“Алашқа аты шыққан адамдар! Көсемдiктерiңдi адаспай түзу iстеңдер! Сендер адассаңдар – арттарыңнан алаш адасады; арттарыңнан ергендердiң обал-сауабына сiздер қаласыздар” (Ахмет Байтұрсынұлы).
“Әр ұрпақ өзiне артылған жүктi жетер жерiне апарып тастағаны дұрыс, әйтпегенде болашақ ұрпағымызға аса көп жүк қалдырып кетемiз. Кейiнгi ұрпақ не алғыс, не қарғыс беретiн алдымызда зор шарттар бар” (Әлихан Бөкейханов).

К.ОТАРБАЕВ,
“Желтоқсан” Республикалық-отаншылдық қозғалысының төрағасы.

« алдыңғы бетке  |  келесі бетке »
ПІКІРІН БІЛДІРГЕНДЕР (0)
Пікіріңізді бөліскіңіз келсе:*
Жазылатын пікірдің көлемі 500 символдан аспауы керек
Аты-жөніңіз:*
E-Mail (сайтта жарияланбайды):
Мына код-сандарды енгізуіңізді сұраймыз:*
Жаңарту
* - жазылуы міндетті
Осы тараудағы мақалалар