1921 жылы 22 наурыздан шыға бастады
Бастапқы
АЙТЫЛҒАН СӨЗ
«Қазақ» деген мемлекет болмаған, «қазақта шекара болмаған» деген сыңар-езу дүниелер біз үшін өте-мөте қиын мәселе болып отыр. Бұл – сан ғасырлық тарихы бар халық үшін өте ауыр жала. Еліміз, жеріміз, шекарамыз болмаса, бұл жерге қайдан келдік? Бізге ұлан-ғайыр бұл даланы кім әкеліп берді? Бұл жердің өз иесі бар, аумағы бар. Оның иесі – қазақ.
Автор: Бекболат ТІЛЕУХАН
Информационный сервер xFRK: валютные баннеры для Вашего сайта
Жас Алаш №29 (16215) 13 сәуір, бейсенбі 2017
13 сәуір 2017
Әр тұрғын 9 мың доллар қарыз

НАЗАРБАЕВ «ТӨЛЕЙ АЛМАСАҢ, КРЕДИТ АЛМА» ДЕЙДІ
Ұлттық банктің 2016 жылғы қызметінің есебін тыңдаған президент Нұрсұлтан Назарбаев «үкімет пен екінші деңгейлі банктерге қазақстандықтарды масылдық әдетінен арылтуды тапсырды» деп ақпарат агенттіктері жарыса хабар таратты. «Қайта қаржыландыру бағдарламаларына 130 миллиард теңге жұмсайтынбыз. Қазір 21 мың адал емес қарыз алушы бар. 19 500 адамға қарыз төлеу жеңілдетілді», – депті президент.
Ұлттық банк төрағасы Данияр Ақышев: «Нұрсұлтан Әбішұлы, бұл мәселеде екі пікір бар. Біріншісі – көмектесу керек. Екіншісі – көмектесу арқылы масылдыққа үйретеміз», – деген. Бұған «Негізі, кредит төлемеу бұл қылмыстық жауапкершілікке әкеледі. Бізде мұны ешкім түсінбейді. Төлей алмасаң, кредит алма. Алдың ба, қайтару керек. Әркім өз ісіне жауапты болуы керек. Ешкім ипотекалық кредит ал деп зорлаған жоқ. Мемлекетке қаржы құятын сала жетерлік, осы халық үшін, экономиканы дамытуға, индустриализацияға. Сондықтан мұны қатаңдату қажет, тексеру керек. Екінші деңгейлі банктер, адамдарды масылдық әдетінен арылтыңдар, үкіметке де осы тапсырма», – депті президент. Дұрыс-ақ делік.
Дегенмен жағдайы қоңды, айлығы жақсы болса, азаматтардың банктен қарыз алып несі бар? Бізде кредит қамытын мойынға ілу – бала-шағаның, отбасының қамы үшін көндіккен амалсыз қорлық қой. Жалпы, мемлекет те отбасы сияқты. Жөнді-жөнсіз сырттан қарыз алып тұратын әдеті бар. Мәселен, Қазақстанның сыртқы қарызы былтыр 163 миллиард 757 миллион долларға (!) теңесті (2015 жылмен салыстырғанда 10 миллиард 37 миллион долларға көбейген). Енді осы қаржыны халық санына шағып жіберсек, жөргектегі сәбиден зейнеттегі қарттарға дейінгі әрбір тұрғында мемлекет «жүктеп» қойған 9 мың долларға жуық (2 миллион 835 мың теңге) қарыз бар. Билік халық мойнындағы осы қарызды азайтса, тұрғындар да банк алдындағы «масылдығын» қоятын шығар.

Жасұлан АҚКЕР

« алдыңғы бетке  |  келесі бетке »
ПІКІРІН БІЛДІРГЕНДЕР (0)
Пікіріңізді бөліскіңіз келсе:*
Жазылатын пікірдің көлемі 500 символдан аспауы керек
Аты-жөніңіз:*
E-Mail (сайтта жарияланбайды):
Мына код-сандарды енгізуіңізді сұраймыз:*
Жаңарту
* - жазылуы міндетті