1921 жылы 22 наурыздан шыға бастады
Бастапқы
АЙТЫЛҒАН СӨЗ
Қазір зиялы қауым арасында «Елім, жұртым!» деп ұрандаушылар саны басым. Олар бір қарағанда, қазаққа шын жанашыр тәрізді көрінеді. Алайда айналып келгенде, қазақ зиялыларында турашылдық жоқ. Ақиқатында, ұлттың мақсат-мүддесін көздейтін, ұлт үшін шыбын жаны шырқырайтын адам саусақпен санарлық. Осыны біліп отырған халық «біздің зиялыларымыз тым жалтақ» демегенде не дейді?
Автор: Тұрсынбек Кәкішев, жазушы-ғалым
Информационный сервер xFRK: валютные баннеры для Вашего сайта
Жас Алаш №5 (16191)  19 қаңтар, бейсенбі 2017
29 желтоқсан 2015
ӨЗIНЕ-ӨЗI ҚОЛ ЖҰМСАУ
Өтiп бара жатқан қой жылы Қазақстан үшiн оңай бол­ған жоқ. Көршi Ресейге салынған санкциялардың салқыны бiздi де айналып өтпедi. Мұнай бағасы күн санап құлдырап барады. Сарапшылар алдағы 3-4 жылдың көлемiнде “қара алтынның” бағасы көтерiлмейдi дейдi. Соның салдарынан теңге биыл ТМД елдерiнiң iшiнде ең қатты құнсызданған валюта деген “атақты” жеңiп алды.
29 желтоқсан 2015
Аяз атаның да, Ақша қардың да керегi жоқ

Көктемде көк қылтиып мал төлдей бастағанда көшпендi­лер­дiң жаңа жыл мерекесiн тойлайтыны көне жазбаларда жа­зыл­ған да. Ағылшындар ХVIII-ғасырдың бас кезiне дейiн жаңа жыл мерекесiн 26-наурызда тойласа, христиан дiнiн қабылда­ған­ға дейiн ежелгi Орыс елi 1-нау­рызда жаңа жылын қарсы ал­ған.

24 желтоқсан 2015
Қазiргi кезде Қазақстанды “полиэтникалық мемлекет” деп атау өрiс алып бара жатыр. Ал мемлекет “полиэтникалық” деп аталау үшiн ұлттардың сандық ара-қатынастары қандай болуы керек және олардың бiрге тұрған тарихи мерзiмi қаншалықты болу керек? Осы мәселелердi анықтау үшiн статистика мәлiметтерiне сүйенiп көрейiк. Соңғы санақ бойынша, Қазақстан халқы 17,5 миллионнан асады екен.
24 желтоқсан 2015
Жабайы мен жалмауыз

Жабайы деген онша жақсы сөз емес. Жалмауыз одан мың есе жаман. Бiрақ бiздiң қоғамда жабайылар мен жалма­уыздар аз емес секiлдi. Бiр қызығы, мұны бiз аңдамаймыз. Ал сырт көз бiрден байқайды. Мәселен, жуырда ғана Қазақстанға келген Беларусь азаматы Евгений Шапошников қазақтың жол сақшыларын жабайыға теңеп кеттi. Намысың келедi, әрине. Бiрақ амал кем.

15 желтоқсан 2015
Бiзге қағаз жүзiндегi емес, iс жүзiндегi Тәуелсiздiк керек!
Бiздiң қағаз жүзiндегi Тәуелсiздiктi тойлап жүргенiмiзге дәл 24 жыл болды. Ал iс жүзiндегi Тәуелсiздiктi... Ендi ерiксiз осы жерде Ататүрiктiң түрiк жастарына арнаған өсиетi еске түседi: “Ей, түрiк жастары! Сенiң бiрiншi мiндетiң – түрiк Тәуелсiздiгiн қорғау және сақтау! Сенiң тiрлiгiңнiң де және болашағыңның да жалғыз негiзi, жалғыз тiрегi – осы, Тәуелсiздiк! Бұл – сенiң ең қымбат байлығың!”.Ататүрiктiң айтуынша, бiздiң ең жалғыз сүйенiшiмiз де, ең жалқы тiрегiмiз де – Тәуелсiздiк! Ал ендi бiз өз Тәуелсiздiгiмiздi, ең қымбат байлығымызды қайтiп қорғап, сақтап жүрмiз?
10 желтоқсан 2015
Ардагерлер ұйымы менiң меншiгiм емес
Құрметтi “Жас Алаш” газе­тiнiң редакциясы!  Га­зет­тiң 2015 жыл­ғы 27 қазандағы №85 санында жарық көрген бiр топ ақсақалдардың “Ақсақал атына лайық болайық” деген хатына байланысты түсiнiк бермекпiн. Маңғыстау облыстық ардагерлер кеңесiнiң төрағасы Амангелдi Ғұмаров деген мен боламын.
10 желтоқсан 2015
Заты алмасқан ұғымдар: Қожайын мен қызметшi

“Халық – Құдайдың екiншi аты” дейдi қазақ. Мұны жұрт бiлгенiмен, шендiлер ұқпай жүр. Дұрысы, қыстырмайды. Қыстырмайтыны – шонжарлардың көпке қоқаңдауынан, қазақты “жалқау” деп мiнегенiнен, жалақы ала алмай жаны күйiнген жұмысшыларды бүлiкшiге балауынан, шеттен келген қандасқа шекеден қарауынан көрiнедi. Мемлекеттiң байлығын оңды-солды шашу да – халықты сыйламаудан туған сықпыт. Жемқорлықтың асқынуы да – халыққа жаны ашымастықтың белгiсi.

8 желтоқсан 2015

Жақында ғана террорлық шабуылға ұшыраған француз астанасында тағы бiр жаһандық түйткiл – климаттың өзгеру мәселесiн талқылауға арналған әлемдiк форум өттi. Қарашаның 30-да Парижде бас қосқан 150-ге жуық елдiң басшысы 12 күн бойы әлем елдерiне ортақ Жердiң температурасын Цельсий бойынша 2°C-тан асырмау туралы жаңа келiсiмге қол жеткiзуге тырысты.

8 желтоқсан 2015

“Хабар” мен “24kz” телеарналарының Лондондағы тiлшiсi Бэла Құдайбергенова жұмысынан босады. Оның “Ары қарай өтiрiк айта алмаймын, жұмыстан кетемiн” деген сөзi әлеуметтiк желi қолданушылары тарапынан қызу қолдау тапты. Журналистiң бұл кетiсiн “Су iшкен құдығына түкiрдiге” балап жатқандар да бар. Алайда “өтiрiк айтудан шаршадым” дегенiне ешкiм де дау айта алмаса керек.

3 желтоқсан 2015
Жұмбағы көп желтоқсан

Ш.Есенов атындағы Каспий мемлекеттiк технологиялар және инжиниринг университетiнде маңғыстаулық желтоқсаншылар Айша Айтжанова мен Тоқтар Әжiғұловтың және кәсiпкер азамат Мұхтар Сейдалиевтiң белсене араласуымен “Тоғанай Т” баспасынан жарық көрген “Алматы 1986 Желтоқсан” айғақ-кiтаптары 8 томдығының тұсаукесер рәсiмi өттi.

1 желтоқсан 2015
Абайлаңыз, көршiңiздiң бақылауындасыз
Алматылық полицейлер жаңа жобаны iске қосты. Ендiгi жерде әрбiр тұрғын өз көршiсiнiң қырағы бақылауында болмақ. Жобаның өз атауы да қызық, “көршi бақылауы” деп аталады. Алматы қаласы, Медеу аудандық полицейлерi тұрғындарға өз көршiле­рiн бақылауда ұстауға ұсыныс жасады деп хабарлайды қалалық Iшкi iстер департа­мен­тiнiң баспасөз қызметi.
24 қараша 2015
Құрт ауруы кейiн шегiндi
ОҒАН САУМАЛДЫҢ ДА СЕПТIГI ТИIП ЖАТЫР
Туберкулездi кейде қазақтың дертi деп те атайды. Бұл тым асыра айтылған сөз шығар, дегенмен атың өшкiр құрт ауруының қазақты көбiрек төңiректегенi рас. Тарихи деректерге қарағанда 19-20 ғасырларда қазақ даласында бұл аурудан көз жұмған қазақтың саны өте көп болған. Басқаны былай қойғанда, сол дәуiрлерде құрт дертi ұлтымыздың қаншама атақты адамдарының өмiрiн жалмады. 
19 қараша 2015
Алматы қаласы Алмалы ауданының соты “Жас-Ай” директорының талабын қанағаттандырып, Жасанның алдына “Жас Алашты” жығып берiптi. Ендi елдiң мұңын мұңдап, жоғын жоқтап жүрген ұлт басылымының тiлшiлерiнен пәлен миллион өндiрiп, мұртын майламақшы екен. Осы шешiм онсыз да көңiлi пәс халқымның, Алтайдан Атырауға дейiн созылып жатқан байтақ жұртымның жүрегiне сұғылған қанжардай қабылданып жатыр.
5 қараша 2015
Ұлттық құндылықтарға шекесiнен қарайды

Кереку өңiрiндегi орыстiлдi ағайындардың бiразы қазақ ұлтына қатысты кез келген оң мәселеге одырая қарайтыны бар. Бiр қызығы, бұл өңiрде басқалардың жоғын жоқтап, қазақтың ұлттық мүддесiне қарсы шыққан адам “интернационалист” атанып, құрметке бөленедi. Ал қазақтың тiлi мен оның ұлттық құндылықтарын қорғаған кiсi қолма-қол “ұлт­шыл”, “ұлт араздығын қоздырушы” болып шыға келедi.

5 қараша 2015
АШЫҚ ХАТ
Ақтөбе облысы қазбаға қаншалықты бай болса, улы қалдыққа да соншалықты бай. Соңғы жылдары аймақтағы мұнай өндiрушi қытайлық компаниялар мен оның серiктестерi (ЖШС-ТОО) жердiң асты-үстiнiң астан-кестеңiн шығаруда. Тау-тау мұнай қалдықтары мен септиктер төгiлген сай-сала, ой-шұңқырға ауылдың малы жайылады, адамы су iшедi. Қытайлардың қылмысты iстерiн дәлелдейтiн фото, бейне айғақтар жетерлiк
беттер:«1 / 2 / 3 / 4 / 5 / 6 / 7 / 8 / 9 / 10 / 11 / 12 / 13 / 14 / 15 / 16 / 17 / 18 / 19 / 20»