1921 жылы 22 наурыздан шыға бастады
Бастапқы
АЙТЫЛҒАН СӨЗ
Қазақты әбден бөлшектеп біттік қой. Қаланың  қазағы, даланың қазағы, бай қазақ, кедей қазақ, тіл білмейтін космополит қазақ, нағыз қазақ, діншіл қазақ, атеист қазақ деп. Енді қазақтар исламның ішінде бөліне бастады. Суфист, уахаб, салафит, қуранит т.б. деп. Бұл масқара ғой! Қазақты жіліктеп біттік. Тіпті әлгі жүзшілдігі мен рушылдығын айтпай-ақ қоялық. Жіліктеп бітіп, енді бөлшектеуге кірістік.
Автор: Нұрлан Ерімбетов, саясаттанушы.
Информационный сервер xFRK: валютные баннеры для Вашего сайта
Жас Алаш 21 ақпан, сейсенбі 2017
21 ақпан 2017
Мамайды сот босатпады

Қоғам белсендiсi, журналист, тәуелсiз «Трибуна. Саяси қалам» газетi редакторының мiндетiн атқарушы Жанболат Мамайды қамаудан босату шағымын Алматы қалалық сотының апелляциялық алқасы қолдамады. Жанболат Мамайдың адвокаты Жанар Балғабаева апелляциялық алқа ешбiр уәжге құлақ аспағанын хабарлады.
– Сот айтқан уәжiмiздi, Мамайдың асырауында зейнеткер ата-анасы, жас баласы бар деген сөзiмiздi ескергiсi келмедi. Алып келген кепiлдi қарамады, – дедi ол.
Жанболат Мамайдың өзiн әкелмеген апелляциялық соттың алдында Мамайды қорғау комитетiнiң мүшелерi журналистi босатуды талап етiп, акция өткiздi. Олар қолдарына «Саяси тұтқындарға бостандық»a деген жазуы бар плакаттар ұстап шықты. Акцияда сөйлеген журналист Гүлжан Ерғалиева Жанболат Мамайды босатуды, оның ретi болмаса үйқамаққа алуды немесе кепiлге босатуды соттан талап еттi. Ал оппозициялық саясаткер Әмiржан Қосанов журналист Жанболат Мамайдың президент Нұрсұлтан Назарбаевтың немерелерiмен жасты екенiн айтып, оны “ел патриоты” деп сипаттады.
Билiк пен саяси жүйеге сыни көзқарасымен танылған 28 жастағы Жанболат Мамайды сыбайлас жемқорлыққа қарсы iс-қимыл ұлттық бюросы ақпанның 10-ы күнi ұстаған болатын. Сот оны екi айға қамауға санкция бердi. Жанболат Мамайға “кезiнде “БТА банктен” Мұхтар Әблязов ұрлаған ақшаның бiр бөлiгiн газетi арқылы қаржылық операциялар жасап жасырған” деген айып тағылып отыр.
Жанболат Мамай өзiне тағылған айыпты терiстеп, бұл iстi “саяси тапсырыс” деп санайды. Ал шетелде бой тасалап жүрген Мұхтар Әблязов Мамайды жүзбе-жүз көрмегенiн, ешқашан кездеспегенiн айтып, оған тағылған күдiктi «абсурд» дедi. Мамайға тағылған күдiктi тек Мұхтар Әблязов қана емес, халықаралық ұйымдар да, елдегi саясаттанушылар да “абсурдқа” балап отыр.

« алдыңғы бетке  |  келесі бетке »
ПІКІРІН БІЛДІРГЕНДЕР (0)
Пікіріңізді бөліскіңіз келсе:*
Жазылатын пікірдің көлемі 500 символдан аспауы керек
Аты-жөніңіз:*
E-Mail (сайтта жарияланбайды):
Мына код-сандарды енгізуіңізді сұраймыз:*
Жаңарту
* - жазылуы міндетті
Осы тараудағы мақалалар