1921 жылы 22 наурыздан шыға бастады
Бастапқы
АЙТЫЛҒАН СӨЗ
«Қазақстандық ұлт» идеясы да бiзге сырттан таңылып отырған нәрсе. Бұл идеяны өзiмiздiң шала қазақтар да қолдап, қолпаштап жүр. Олжастарға (Сүлейменов) керегi осы. Неге? Өйткенi, «қазақстандық» болсақ, қазақ тiлiнiң қажетi болмай қалады. Президенттiң өзi де, оның айналасындағылар да балаларын да, немерелерiн де қазақша оқытқан емес! Оқытқысы да келмейдi! «Қазақстандық ұлт» деген сылтаумен қазақты әуелi орыс, сонан кейiн ағылшын жасамақ.
«Жас Алаш» газеті, №50, 24.06.2008 ж., 4-5 беттер
Автор: Мұхтар Шаханов
Информационный сервер xFRK: валютные баннеры для Вашего сайта
Жас Алаш №1 (16187) 5 қаңтар, бейсенбі 2017
Оқырман хаттарын екшейтін Арайлым ЕРКІН
5 қаңтар 2017
Қонақтарды жақсы күткен студенттердiң еңбегi елеусiз қалмайды

Алда болатын қысқы универсиада кезiнде ерiктiлерге үлкен сенiм артылып отыр. Жалпы әлемдiк спорт сайыстарының тәжiрибесiнде “ерiктiлер тобының” жарысқа қаншалықты үлес қосатындығы әлi толық жазылып та, айтылып та жүрген жоқ. Олимпиада, универсиада сияқты халықаралық iс-шаралар кезiнде қаншама шетелдiк қонақтар мен спортшылар бейтаныс елге келедi. Сол қонақтарды жылы жүзбен қарсы алып, баратын жерiне жол сiлтеу – “ерiктiлердiң” басты мiндетi. Универсиада кезiнде де ерiктiлердiң атқаратын жұмыстарының iшiндегi негiзгiлерi – халықтың спорт сарайына кiрiп-шығуын бақылау, медициналық көмек көрсету, көрермендермен жұмыс жүргiзу, мәдени iс-шаралар кезiнде қонақтарды жайғастыру, тiркеу, қауiпсiздiктерiн бақылау, бас ақпараттық орталықта т.б жұмыс орындарында қызмет көрсету.
Жуырда бiздiң елде де 28-қысқы Универсидаға ерiктiлердi iрiктеп алу байқауы мәресiне жеттi. Ерiктiлерге қойылған негiзгi талап – ағылшын тiлiн жетiк бiлуi. Елiмiздiң әр аймағынан ерiктiлер тобына қосылу үшiн өтiнiш бiлдiргендердiң саны 14 мыңнан асты. Оның 9303-i – Алматы қаласынан. Бiр қызығы, ерiктiлер қатарына қосылу үшiн өтiнiш бiлдiргендер арасында алпысты алқымдап, жетпiске аяқ басқандар да болды. Соңында комиссия мүшелерi ниет бiлдiргендердiң арасынан 3000 адамды iрiктеп алды. Сонымен қатар, елiмiзде өтетiн универсиада барысында ерiктi атанғысы келген шетелдiң жастарынан да өтiнiш өте көп түсiптi. Солардың iшiнде ерекше белсендiлiк танытқан ресейлiк жастардан – 3594 өтiнiш түсiптi. Алыс-жақын елдер қатарынан Италия, Канада, АҚШ, Қытай, Ливан,Ұлыбритания, Гонконг, Украина, Молдавия және Өзбекстан азаматтары Алматыдағы аламанда ерiктi атануға өтiнiш жолдапты. Бұдан бөлек, ерiктiлердi осы байрақты жарысқа тарту мақсатында 15 жоғары оқу орнымен ынтымақтастық келiсiмдер жасалған. Және ерiктiлердiң жұмысын қадағалап, бағыт-бағдар беретiн, олармен дайындық дәрiстерiн өткiзетiн 150 адам iрiктелген. Қазiр ерiктiлердiң жұмысы қызу жүрiп жатыр. Көптеген iс-шараларға белсене араласып, алдағы сынға тәжiрибе жинауда. Қонақтар қала тарихы мен көрнектi жерлер туралы сұрақтар қойғанда, жауап бере алмай жатса, бұл – ерiктiлерге үлкен сын. Сондықтан ерiктiлердi iрiктеу кезiнде олардың бiлiм деңгейiне де көп көңiл бөлiндi.
Ел абыройын төмендетпей, универсиада кезiнде жоғары деңгейде қызмет көрсеткен студенттердiң еңбектерi елеусiз қалмайды. Оларға өздерi оқып жатқан оқу орындарынан мақтау грамоталары берiлiп, оқуында жеңiлдiктер қарастырылады. Сондықтан да “Жас келсе – iске” демекшi, дүбiрi жақындап келе жатқан универсиада ойындары кезiнде қазақы қонақжайлықты асқан шеберлiкпен көрсетуге жан-жақты дайындықтарын пысықтап жатқан жастарымыздың iстерiне табыс тiлеймiз.
 

Ақын ОРДАБАЙҰЛЫ

« алдыңғы бетке  |  келесі бетке »
ПІКІРІН БІЛДІРГЕНДЕР (2)
saqaldy | 6 қаңтар 2017 00:44
Суретте тургандардын 99 пайызы кыздар екен! Кулiмдетiп штелдiктерге кызмет көрсеттiру жарнамалау емес пе? iшкi саясат кайда? Қыздарды окшаулап коргау билiктiн мiндетi емес пе? осыдан кейiн казак кыздары шетелдiктерге жаппай киюге тиiп жатыр деп шулаймыз!!
Алма | 7 қаңтар 2017 00:30
Ойыңыз қандай жаман еді. Азиада кезінде де ерікті қыздар көп болған, бірақ ешқандай қыздың шетелдіктің артынан кетті дегенін естіген жоқпын. Олар тілді жетік меңгерген, талантты, еліміздің патриот қыздары.
Пікіріңізді бөліскіңіз келсе:*
Жазылатын пікірдің көлемі 500 символдан аспауы керек
Аты-жөніңіз:*
E-Mail (сайтта жарияланбайды):
Мына код-сандарды енгізуіңізді сұраймыз:*
Жаңарту
* - жазылуы міндетті