1921 жылы 22 наурыздан шыға бастады
Бастапқы
АЙТЫЛҒАН СӨЗ
Қазір зиялы қауым арасында «Елім, жұртым!» деп ұрандаушылар саны басым. Олар бір қарағанда, қазаққа шын жанашыр тәрізді көрінеді. Алайда айналып келгенде, қазақ зиялыларында турашылдық жоқ. Ақиқатында, ұлттың мақсат-мүддесін көздейтін, ұлт үшін шыбын жаны шырқырайтын адам саусақпен санарлық. Осыны біліп отырған халық «біздің зиялыларымыз тым жалтақ» демегенде не дейді?
Автор: Тұрсынбек Кәкішев, жазушы-ғалым
Информационный сервер xFRK: валютные баннеры для Вашего сайта
Жас Алаш № 40 (16226) 18 мамыр, бейсенбі 2017
18 мамыр 2017
Шыны зауытын қытайлар соғатын болды

Айласы алпыс атанға жүк болатын қытай инвесторлары ақыры дегендеріне жеткен сияқты. Газетіміздің өткен нөмірлерінің бірінде Қызылорда қаласында салынып жатқан шыны зауытының болашағына алаңдап, «Сыр елінің «шынысы» шытынап тұр» деген мақала жазған едік. Бұл шыны зауытына қытайлық инвесторлар бұрын да қызығушылық танытқан. Сол кезде Қызылорда облысының әкімдігі, «Самұрық-Қазына Инвест» ЖШС және «Qіnhuangdao Yaohua Glass Machіne Manufacture Co., Ltd» Қытай компаниясы арасында өзара түсіністік туралы меморандумға қол қойылып, осының аясында шыны шығаратын зауыт салынатын болған. Бірақ кейін қытайлықтар бұл қымбат құрылыстан бас тартып, жобаны «STEWART Engineers» атты американдық компания қолға алған-ды.
Енді Қызылорда қаласынан салынып жатқан шыны зауытының құрылысын аяқтау үшін «Orda Glass» ЖШС қытайлық China Triumph International компаниясымен келісімшартқа қол қойды. Бұл туралы «Бәйтерек» ҰБХ» АҚ-ның баспасөз қызметі хабарлады. China Triumph International инженерлік жобаларды зерттеумен айналысатын Қытайдың 50 ұлттық компаниясының тізіміне енген. Келісімшарт «Бәйтерек» холдингі басқармасының төрағасы Ерболат Досаевтың Қытайға барған сапарында жасалыпты.
«ҚазСтройСтекло» компаниялар тобының бас директоры Мұратхан Тоқмадидің айтуына қарағанда, Қытайдың Qinhuangdao Yaohua Glass Machine Manufacture Co. Ltd.компаниясы шыны зауытының жобасын қолға алған кезде арнайы жұмыс комиссиясы олардың зауытына барып, шыныларын тексерген. Бірақ ол шынылардың сапасы өте нашар болып шығыпты. Кезінде оны да «Ең үздік компания» деп мақтауын келістірген болатын. Қазіргі China Triumph International компаниясының да атағы жер жарып тұр. Әрине, бәрін уақыт көрсетеді. Бірақ «Бәйтерек» холдингінің басшылары «шыны зауытының құрылысы алдағы қазан айында аяқталып, пайдалануға беріледі» деп ел алдында берген уәделерінің үдесінен шығамыз деп, асығыстыққа бой ұрып қалмаса болғаны... Ең бастысы, сапа ғой.
 

« алдыңғы бетке  |  келесі бетке »
ПІКІРІН БІЛДІРГЕНДЕР (2)
Қызылордалық Балталы Төлеген | 19 мамыр 2017 11:46
Бұл саясат!"Құмкөлге"қытайларды қаптатып еді,жергілікті"бұзықтар"қытайларды үйлерінен шығармай тастады.Бұл дегенің қытайға, басқаға көне қоймайтын 100 пайызға дерлік ҚАЗАҚТАР тұратын (орыс,кәрістер басқа ұлттардың өздері ҚАЗАҚ болып кеткен) өлкеге қытайларды қаптату. Әйтпесе шыны зауытының ғимараттары салынып аяқталған.Тіптен айналасы қоршалып күзетшілер тұрады.Ал,қытайлар не үшін келетіні белгісіз.Әлде..біреулер"қытайларды сылтауратып"ақша бөлдіру процесін бастады ма екен..?
Мен қазақ | 20 мамыр 2017 00:15
Қара қытайды қаптатып, пара алғыштар қара қытайдан асып кеті қазақстанда өтірікдеп айтып көріндер парақорлар.
Пікіріңізді бөліскіңіз келсе:*
Жазылатын пікірдің көлемі 500 символдан аспауы керек
Аты-жөніңіз:*
E-Mail (сайтта жарияланбайды):
Мына код-сандарды енгізуіңізді сұраймыз:*
Жаңарту
* - жазылуы міндетті