4 ақпан 2010
Әдеби-мәлени әлем
Уәлидиге жала жапты
Тұрар Рысқұловтың досы, башқұрт халқының ұлы қайраткерi Ахметзәки Уәлидидiң биыл 120 жылдық мерейтойы тойланады.
Жақында Ресейдiң Мемлекеттiк думасының депутаты А.Г.Назаров Ресейдiң құқық қорғау органдарына арнайы хат жазып, «Ахметзәки Уәлиди кезiнде фашистiк Германияға қызмет еттi» деген ақпаратты анықтап берiңiздер» деп сұрау салды.
Жөнсiз әрi жосықсыз айтылған бұл пiкiр башқұрт зиялыларының ашу-ызасын туғызды. Олар Ресейдiң президентi мен премьер-министрiне арнайы хат жазып, А.Г.Назаровты депутаттықтан шеттетудi талап еттi. «Бiз сонымен бiрге Назаров мырзаның ел алдына шығып, башқұрт халқынан кешiрiм сұрауын талап етемiз», дедi башқұрт зиялылары.
«ҚЫЛҚОБЫЗҒААРНАЛҒАНХРЕСТОМАТИЯ» ЖАРЫҚҚАШЫҚТЫ
Қазақ ұлттық өнерiн өркендету жолында ерен еңбегiмен танылған қылқобызшы-педагог, ҚР Бiлiм беру iсiнiң үздiгi, жаңашыл педагог Әбдiманап Жұмабекұлының отыз жылдан астам уақыт жүргiзiп келген ұстаздық тәжiрибесi мен ғылыми-педагогикалық iзденiсiнiң нәтижесiнде «Қылқобызға арналған хрестоматия» атты еңбегi жарық көрдi. Үш томнан тұратын бұл қомақты еңбек «Бiлiм» баспасынан шықты.
ОРАЗАЛЫ ДОСБОСЫНОВТЫҢ ШЫҒАРМАШЫЛЫҒЫНА БЕРIЛГЕН БАҒА
Жуырда Алматы қаласындағы «Кие» лингвоелтану инновациялық орталығынан жас қаламгер Әйгерiм Әлiмжанованың «Айтыстың көркемдiк әлемi» атты кiтабы жарық көрдi. Аталған зерттеу айтыс өнерiне өзiндiк үлесiн қосқан О.Досбосыновтың шығармашылығына арналған. Бұл кiтапта Оразалының айтыстарындағы көркемдiк тәсiлдердiң ерекшелiктерi арнайы қарастырылыпты. Еңбек жоғары оқу орындарының магистранттары мен студенттерiне, көпшiлiк қауымға арналған.
ҚАЗАҚТЫҢ МЕМЛЕКЕТТIК М.ӘУЕЗОВ АТЫНДАҒЫ АКАДЕМИЯЛЫҚ ДРАМА ТЕАТРЫНЫҢ РЕПЕРТУАРЫ
4 ақпан. Сергелдең болған серiлер. (комедия). Авторы – Б.Мұқай, режиссерi – О.Кенебаев.
5 ақпан. Қарагөз (трагедия). Авторы –М.Әуезов, режиссерi – Б.Атабаев.
6 ақпан. Күзгi романс (драма). Авторы – С.Асылбекұлы, режиссерi – Ә.Рахимов.
7 ақпан. Актриса (драма). Авторы – Д.Исабеков, режиссерi – Н.Жұманиязов.
