1921 жылы 22 наурыздан шыға бастады
Бастапқы
АЙТЫЛҒАН СӨЗ
Үкімет қарапайым халықтың санасына ақшаны өздері тауып, өздері бөліп беретіндей амал-әрекетті сіңіруде. Бұқараның психологиясына «Үкіметтің ақшасы» дегенді құйып қойған. Жоғарыдағылар ақшаны аспаннан Құдай беріп жатқандай көреді. Осындай аса қолайлы идеологияны таңдап алған.
Автор: Ораз Жандосов
Информационный сервер xFRK: валютные баннеры для Вашего сайта
Жас Алаш №16 (16202) 23 ақпан, бейсенбі 2017
23 ақпан 2017
Қағазда бәрi қанттай...

ОҚУ ЖҮЙЕСI ОНДА НЕГЕ ОҢАЛМАЙДЫ?

Қай кезде де ешкiмдi бейтарап қалдырмауға тиiстi бiр жайт, ол – бiлiмге қатысты. Бiлiм саласына самарқау қарау – ұлт ұрпағының болашағына шабылған балта. Ол түсiнiктi де. Бiрақ ел-жұрт тарапынан айтылған сын-ескертпелерден, өтiнiш-тiлектерден шыққан немесе шығатын нәтиже бар ма?.. Мәселе осында.

Бас мұғалiмнiң бiр жылдық есебiне қарасаң, бәрi қанттай: жан-жақты ойластырылған, келiсiлген. Ал министрлiк бәрiн шынымен де “жетi рет өлшеп, бiр рет кескен” болса, неге шалағайлықтар шыға бередi? Оның бiрiншiсi оқулыққа қатысты екенiне сөз жоқ. Атап айтқанда, ел-жұрт ең алдымен “Әлiппенiң” құрдымға кеткенiне қапалы. Соны меңзеген Б.Тiлеухан күнi кеше Е.Сағадиевтi жекпе-жекке шақыруға дайын екенiн аңғартты. Басы бiтпес дауға қалған министр ақырында “Әлiппенi” қайтаруға уәде етiп құтылды. Ал осы мәселенi мұншама ушықтырмай, о бастан-ақ тиiмдi шешуге не кедергi болды? Жарайды, “Әлiппенi” қайтарсын-ақ. Ал оның орнын аз уақытқа болса да иеленген “Сауат ашудың” “күнi” не болады? Оны жазуға, басып шығаруға кеткен қыруар қаржының өтеуiн кiм қайтарады?!
Одан бөлек, бастауыш сынып оқулықтарының бала жасына лайық еместiгi, тапсырмалардың күрделiлiгi, одан қалса, қатенiң өрiп жүретiндiгi де – таусылмайтын жыр. Министрдiң айтуынша, әр оқулықты дайындағанда оған 100-ден астам адам қатысады екен. Ал соларды iрiктеп алған кiм?! Оқулықты даярлауға бiлiктiлiгi жетпесе, жауапкершiлiгiн сезiнбесе, соншама адамның осындай маңызды шаруаның маңына жолап несi бар?! “Оқулық дайын болғанда оны сайтқа салып, елге көрсетемiз. Ол сайтта 6 ай тұрады. Қарамайсыңдар ма дұрыстап?” дейдi министр. Яғни салмақты халықтың өзiне салып отыр. Осы жерде мынандай сұрақ туады: егер дайындалатын оқулықтың қатесiн қарапайым халық, яғни сiз бен бiз түзететiн болсақ, аты дардай Бiлiм министрлiгi, оның қарайған оқу-әдiстемелiк бөлiмдерi, ғылыми қызметкерлерi, Алтынсарин атындағы бүтiндей бiр Бiлiм академиясы не керек?! Ақ пен қараны, дұрыс пен бұрысты ажырата алмаса, барлығы бiрдей не бiтiрiп отыр?!
Тағы бiр жайт, жақында электронды күнделiк енгiзiлдi. Министрлiк “мұғалiмдердi қағазбастылықтан құтқарады” деп сендiрген бұл шараның да қайыры шамалы болып тұр. Қиыр шеттегi қоңыртөбел күй кешкен кiшкентай ауыл түгiлi, нағыз өркениеттiң ортасындағы қала мектептерiнiң өзi компьютермен, ғаламтор жүйесiмен толық жабдықталмаған. Мұғалiмдердiң көпшiлiгi “қағаз күнделiктi бiр, электронды күнделiктi бiр толтырып, қаратер болдық. Мектепте ғаламтор жүйесiне қосылған компьютерлер санаулы ғана, күнiмiз кезек күтумен өтiп жатыр” деп зар қағып жүр. Содан да болар, Е.Сағадиев бастапқы райынан қайтып қалыпты. Айтуынша, электронды күнделiктi әркiм ерiктi түрде пайдалануға құқылы көрiнедi. Олай болса, жүгенсiз реформалардан онсыз да жүйкелеп жүрген мұғалiмдер қауымын соншама әуре-сарсаңға салудың не қажетi бар едi?!
Ұстаздарды тығырыққа тiреп тұрған басты қиындықтардың бiрi – үштiлдiлiк. “Ағылшын тiлiн үйренуге ешкiмнiң қарсылығы жоқ, мейлi оқытайық, ағылшын тiлi пәнiнiң сағаттарын көбейтейiк. Құдай үшiн, тек жаратылыстану пәндерiне тиiспеңдершi. Химия мен биологияны, физиканы балаға қазақ тiлiнде әрең ұқтырып, кейде тiптi ұқтыра алмай жүргенде ағылшынша қалай оқытамыз, қалай түсiндiремiз? Өзiмiз сөйлей алмай тұрып, балалармен қалай ағылшынша сөйлесемiз?” деп қанша айтса да, сала тетiгiн ұстаған шендiлер олардың шырылын шыбын шаққан ғұрлы көрер емес.
Өйткенi олардың есебiнше бәрi дұрыс. Бәлкiм, төменнен сондай мәлiмет алады немесе барлығын өз бiлгендерiмен топшылайды. Бiрақ жауырды қашанғы жаба тоқиды?.. Одан кiм ұтады, кiм ұтылады? Бiр мезет соны ойлайықшы...

Роза РАҚЫМҚЫЗЫ

« алдыңғы бетке  |  келесі бетке »
ПІКІРІН БІЛДІРГЕНДЕР (18)
пионерский | 23 ақпан 2017 12:39
Бар проблемалардан құтылудың төте жолы, ең оңай жолы министр етіп Асқар Жұмаділдаевті отырғызу.
молда | 23 ақпан 2017 12:50
Дінтану деген сабақ бар оның авторы кезінде марксист лениншіл болған ғ есим деген ғұлама философ дейді ол қалайша ол оқулықты жазған. Қазір ол былай сайрайды дейді. к маркс маскүнем ал ленин жүлік болған адамдарды алдаған сонда кімге сенеміз өзі де өз ойынан хабар беріп тұрған жоқпа? Дінтануды жалган философ емес теолог дінтанушы жазу керек.
Муғалiм | 23 ақпан 2017 16:28
Бекболаттiкi қызық болды, "жекпе-жегi"несi? Кезiнде не ай қарап жүр, сол кезде айтпайма iшiндегi базынасын,ендi келiп қақалып-шашалып әчәчә-пәчәчә дейдi. Ендi қалғаны солардың жекпежегi керегi едi сол! "Жында бейiмдiнi ұрады" дейдi қазақта.
Қазақ қызы | 23 ақпан 2017 16:46
Бұл мәселе қазір басталған жоқ. Е.Сағадиевке дейін талай басқа министрлер кезінен бері келе жатқан проблема. Бұл кадр даярлау мәселесі. Оқулық жазатын адамдар кімдер? Доктор дәрежесін "алған", бірақ қалай алғандары белгісіз, себебі көбі сауатсыз. Сіз о заманда, бұ заман - сауатсыз филолог дегенді естігеніңіз бар ма? Ал мен күнде көріп жүрмін. Олардың "байланыстары" күшті. Қай жерде қаржыландырса, сол жерде жүреді. Осындай сауатсыз профессорлар барын министр білетін де шығар. Бірақ ол профессо
Қазақ қызы | 23 ақпан 2017 16:49
Бұл профессорлар осы министрдің кезінде даярланған жоқ қой. Бізге сол оқулық авторларын, осы "идеяның" авторларынан жауап сұрау керек. Тағы бір білетінім, сондай білімсіз профессорлар, қазіргі заман талабына сай емес, докторлардың көбі Асқар Жұмаділдаевтың жерлестері.
Бәкен | 23 ақпан 2017 20:02
Қазақ қызы: "...докторлардың көбі Асқар Жұмаділдаевтың жерлестері..." ***************

Бұл жерде жерлестіктің не қатысы бар? Оларды сонда Асқар Жұмәділдаев даярлап па? Осындай да сөз болады екен?...
көше баласы | 24 ақпан 2017 09:36
біз осы жерлес анау мынау дегенді қою керек күшті алғыр ел үшін ұрпақ үшін қазақ елі үшін қызмет ететін мамандарды билікке әкелу керек өтірік доктор професорлықты сатып алғандар керек емес ал АСҚАР аға ол елге белгілі адам бірақта ағайындар САҒАДИЕВте жақсы апарып жатыр кеше мәжілісте қоиған сұрауына жауап беріп тұрған сияқты ютубтан қарасақ бастағаны кеше емеспе қайта оған ел болып мүмкіндік беру керек құр бадабатқа сала бермеи.
Қызылордалық Балталы Төлеген | 24 ақпан 2017 12:58
Министр,әкім,биліктегілердің бәрі БІР КҮНМЕН өмір сүреді.Сондықтан олар"реформашыл"."Әлемдік дейді,Реформа дейді"әйтеуір ақша бөлдіру,"қарпу"."Орнымнан түсіп қаламын"деп ертеңгі күнге сенбейді.Әйтпесе дені дұрыс адам"қызға қырық үйден тиым"дейтін ҚАЗАҚҚА мектепте жүріп туатын,АТА-АНАҒА"сен"деп беттеңдеп,"құқығым бұзылды"деп сотқа сүйрейтін,АЗИЯНЫ,ЕВРОПАНЫ көрсете алмайтын,2-ге 2-ні қоса алмайтын көргенсізді БІЗГЕ үлгі жасай ма?Ал"үш тілді"Сағадиев тапсырыспен ҚАЗАҚТЫ жоюға шындап кіріскен адам.
Қазақ қызы | 24 ақпан 2017 13:05
Бұл менің пионерскийге айтқан уәжім. Құлағымыз естіп қана қоймай, көзіміз де көріп жүрген мәселе ғой.
Қазақ қызы | 24 ақпан 2017 13:12
Роза Рақымқызы, "Өзiмiз сөйлей алмай тұрып, балалармен қалай ағылшынша сөйлесемiз?” деп қанша айтса да, сала тетiгiн ұстаған шендiлер олардың шырылын шыбын шаққан ғұрлы көрер емес", дейсіз. Оқыңыздар! Қазір нешінші ғасыр? Қай-қай тіл, бірақ ағылшын тілінен қор мол ғой. "Жеті жұрттың тілін біл" деген қазақ атамыз. Бар мәселе қазақ тілінде болып тұр ғой. Тағы өзімізге тиеді: жалқаумыз. Бүкіл әлем тілдер үйренуде. Мұхиттың арғы жағынан шетелдіктер келіп, қазақ тілін үйренуде.
Қазақ қызы | 24 ақпан 2017 13:13
"әләуләйім бітсе, хәләуләйім бар деп әлі сол қалпы.
ауыл | 24 ақпан 2017 14:10
Жын да бейімдіні ұрады-Сайтаннан қорықпайсың ба? дегенде "сайтан менің өзімнен қорқар" деген сияқты екен.
иван | 24 ақпан 2017 18:25
мен карапаиым ауыл тургынымын аскарды теледидардан корген1м болмаса баска таныстыгым жок б1л1м министрне нагыз 1 ден 1 керек азамат каидагы мен жаидагыны б1л1м саласына тыгудын не керег1 бар
Каһарман | 24 ақпан 2017 22:16
Желтоқсанның аяғынадейін 42 әріпті бітіріп , қазіргі күні ертегілерді өздігінен оқитын бірінші сыныптың оқушысы , кәзір 4 әріптің басын біріктіріп оқи алмайтын жағдайда.
Ағылшын тілі , орыстілі атамағанда. Семьямызбен жабылып оқытқанда кейбір есеп жаттығуларды жоғарғы инженерлік білімімізбен біз түсіне алмай отырамыз. Күнде мектепке апаратын сумкасындағы сапасыз кітаптың салмағы 9- 11 кг. Электронды күнделіктен не пайда сапасыз білім беріліп жатқанда.
Сағымбай | 25 ақпан 2017 00:47
Мақаланы жазған Роза қарындасым өте дұрыс жазып отыр. Министр осы оқулықты шығарыңдар мектептер осымен оқыңдар деп рұқсат беріп отыр ғой, яғни оны МОН және Білім академиясы сараптамадан өткізіп отыр ғой сол үшін ақша алып отыр! Ал депутаттардың оқулықтан басқа да жұмыстары бар шығар! Сауат ашу мен Букварь оқулықтарын бір жыл үшін шығарған ба?....
Елдос | 25 ақпан 2017 17:46
бар пәле министр Сағадиевтің ауылдық жерде не болып жатқанын білмеу себебінен. Өйткені оны өздеріңіз білесіздер ғалымның баласы. Ал ол дайын тамақтан басқа не көрді. Өз басынан өткермей жатып реформа жасаймын деп байбалам салғанша халықтың ішін аралап көрмей ме? Келетінін бір ай бұрын айтпай айқайламай жай жағдайды біліп кетуге болады ғой. Оны ол істемейді. Оны құртып отырған төмендегі өзжерінің жандайшаптары, осы Сағадиевтің өзі қазақ тілін жетік білеме екен? Қазақтың балалfрына жаны ашып, солар.
Раушан | 26 ақпан 2017 22:35
Сағадиев былай дейді: оқулықтар интернетке салынған, қарап дұрыс-бұрысын тексеріңдер-мыс. Оны неге мен не басқа адам тексеру керек? Оны арнайы сол саланың маманы тексермесе қарапайым адам не айта алады? Қызық осы министр. Денсаулық министрі айтпайды ғой: халқым дәрігерлер мына адамды дұрыс емдемепті, енді емін сендер айтыңдар деп.
казак | 27 ақпан 2017 20:22
осы Сагадиев мырза озин казакпын деп журмекен. Ширкин осылардын орнына Аскар агамыз сыякты, Дос Кошим, Косанов, Сатбаев, Имангали сиякты улт жанды азаматтар келсе нур устине нур боларма еди
Пікіріңізді бөліскіңіз келсе:*
Жазылатын пікірдің көлемі 500 символдан аспауы керек
Аты-жөніңіз:*
E-Mail (сайтта жарияланбайды):
Мына код-сандарды енгізуіңізді сұраймыз:*
Жаңарту
* - жазылуы міндетті
Осы тараудағы мақалалар