1921 жылы 22 наурыздан шыға бастады
Бастапқы
АЙТЫЛҒАН СӨЗ
«Хабар» телеарнасын көріп, «Казахстанская правда» газетін оқысақ, сыпыра мақтану мен лепірме сөздерден басың айналады. Осы айтылып жатқанның барлығын өмірде неге байқамайтындығыңа қайран қаласың. Олардың айтуларына қарағанда Қазақстанның керемет табыстарға жеткендігі сондай, америкалықтар, жапондар мен шведтерге бізге қызыға да қызғана қарайтын уақыт болып қалыпты. Ал, азиялықтар, латынамерикасы мен африкалықтар қызғаныштан жарылып өлсе де болады.
www.azattyq.org
Автор: Герольд Бельгер, жазушы, аудармашы.
Информационный сервер xFRK: валютные баннеры для Вашего сайта
Жас Алаш №25 (16211)   30 наурыз, бейсенбі 2017
30 наурыз 2017
Өзбектер бізден бақытты

Біріккен Ұлттар Ұйымы әлемдегі бақытты елдердің (World Happiness Report 2017) рейтингін жариялады. Бұл тізімде «жер-жаһанды мойындатқан», «халықаралық қақтығыстарға төрелік айтқан», «аймақта оқ бойы озып, өзгелердің аузын аштырып кеткен» деп сипатталып, мақталатын Қазақстан ең бақытты елдермен терезесін теңестіре алмады. Қайта, керісінше, аста-төк байлығына қарамастан кері кетіп, алты сатыға төмендеп (өткен жылы 54-орында болатын), 60-орынға әрең тұрақтаған.
Нағыз бақыттың құшағындағы үздік үштікке Норвегия, Дания және Исландия енген. Ал шын бақыттың бесігіне айналған он мемлекеттің ішінде Швейцария, Финляндия, Нидерланды, Канада, Жаңа Зеландия, Австралия және Швеция бар.
Адам еркіндігі, бостандығы басты құндылық деп білетін өркениетті елдердің шаңына ілесе алмаған Орталық Азия елдері ішінде Өзбекстан тұрғындары ерекше бақытты. Қазақстаннан 13 саты жоғары тұр. Өзбектермен салыстырғанда ресейліктердің «соры» қалыңдау – 49-орынға тұрақтапты. Түрікменстан көршіміз бізден көбірек күліп, артық шаттанады екен, тізімде 59-орында. Ал қырғыздарға бақытты ұзақ іздей түсуі керек. World Happiness Report 2017 рейтингісінде бауырлас қырғыз елі 98-орында.
Бас-аяғы 155 мемлекеттің бақытын таразылайтын бұл тізім тұрғындардың маңызды шешімдер қабылдаудағы еркіндік деңгейі, мемлекеттің ішкі өнім көлемі, қоршаған орта, адамдардың өмір сүру жасының ұзақтығы, халықтың мәдениеті мен жомарттығы һәм жемқорлығы сияқты бағамдарын талдау арқылы жасалады.
«Бақытты елдер дегеніміз – молшылық пен әлеуметтік капиталдың тұрақты балансы бар елдер. Яғни қоғамның жоғары сеніміне ие болған, теңсіздік деңгейі өте төмен, билігі әділ мемлекеттер», – дейді SDSN директоры әрі БҰҰ бас хатшысының кеңесшісі Джеффри Сакс.
Былтыр жоғарыда аталған агенттік «Бақытсыздық индексі–2016» деген атаумен экономикасы осал елдердің тізімін түзіп, 63 мемлекеттегі экономикалық көрсеткішке, тұрғындардың тұрмыс-тіршілігіне, жұмыссыздық пен инфляция деңгейіне қарап рейтинг жасаған болатын. Сол рейтингте Қазақстан Венесуэла, Аргентина, Оңтүстік Африка Республикасы, Сербия, Бразилия секілді ең кедей мемлекеттердің ортасынан көрініп, бақыт дегеннің не екенін білмейтін елдердің ондығына ілінген еді. Бірақ бұл тізімге бізден басқа Орталық Азиядан ешбір ел енбеген болатын.


Бүркіт НҰРАСЫЛ
Астана

« алдыңғы бетке  |  келесі бетке »
ПІКІРІН БІЛДІРГЕНДЕР (8)
Еркин | 30 наурыз 2017 19:11
Мусылман алеми бойынша есептеп кору керек еди
Тараз | 31 наурыз 2017 07:47
Еркин.., Өзбектер не мұсылман емеспе..? Өзбектер сөз жоқ, барлық жағынан оқ бойы озып тұр. Сыртқы қарызы жоқ...
Қазақ үні | 31 наурыз 2017 11:12
Осындай халық тұрмысының нақты мәліметтері мен талдауларын біздің мәжіліс пен сенаттың, үкіметтің алдына ашып көрсетіп, олардың шын мәнінде нағыз"сауатсыздар мен жағымпаз, мақтаншақ, бос кеуде" екендіктерін беттеріне басатын жан қайда???
Адай | 4 сәуір 2017 13:21
Ассалаумағалейкум ағайын!!!!! 1991-1996,97,98 қатты қиындық көріп өстік, 99-2005 жылдары аралығыда көш түзеле бастады. 2011 жылдардан бастап жағдай өте жақсарды кәзір шүкір дейміз. Өзбектерма ай қиындау, қанғып телміріп жүрген кімдер өзбектер, сосын өзімізді өзіміз төмендетуге жол бермеуміз керек. Төмен санай берсек соқа бастарын сопайып өзіміз қаламыз. Азия елдерінен жағдайы дұрыс ең жақсы тұрмыста өмір сүріп жатырған біздің ел десем артық емес.
Қонақ | 4 сәуір 2017 17:56
Өзбектер деп жұмыс істетуші едік , енді өзбектер қазақтарды көтке теуіп жұмысайды әлі..
кент | 4 сәуір 2017 20:14
Өзбекстан рейтинг жағынан бізден жоғары тұр, себебі, бірінше кезекте олар латын алфавитіне өтіп тіл мәселесін түпкілікті шешіп алды, екіншіден, демография жағынан алсақ, 25 жылда өзбектер 10-11 миллионға дейін өсті, үшіншіден Өзбекстан ешкімге қарыз емес.
Зоя апай | 5 сәуір 2017 09:43
..очевидно, казахи под словом счастья имеют ввиду нечто большее, чем узбеки, а они, просто, скромнее!!!!!
Мен | 17 сәуір 2017 21:35
..очевидно, казахи под словом счастья имеют ввиду нечто большее, чем узбеки, а они, просто, скромнее!!!!!
Для казаха счастье это: Дом, лексус, токал
Пікіріңізді бөліскіңіз келсе:*
Жазылатын пікірдің көлемі 500 символдан аспауы керек
Аты-жөніңіз:*
E-Mail (сайтта жарияланбайды):
Мына код-сандарды енгізуіңізді сұраймыз:*
Жаңарту
* - жазылуы міндетті
Осы тараудағы мақалалар