Геннадий Павлюктi саяси режимнiң құрбаны ретiнде атаған қырғызстандық “Ата-Мекен” партиясының төрағасы Өмiрбек Текебаев: “Геннадий Павлюк тек Қырғызстан ғана емес, Орталық Азияда танымал журналист едi. Ол соңғы кезде Қырғызстанда қоғамдық-саяси iстермен белсендi айналысты. Бiз Геннадий Павлюктi бүгiнгi Қырғызстандағы режимнiң құрбаны ретiнде санаймыз. Павлюктiң ерлiгiне, позициясына баға бере отырып, Қырғызстанда оның идеясын, принциптерiн қолдаған адамдарды қолдап-қолпаштау мақсатында бiз осындай қадамдарға барып отырмыз. Бұл сыйлық Павлюктiң есiмiн есте қалдырумен қатар, Қырғызстандағы патриот азаматтарға моральдық-саяси жағынан қолдау көрсететiн сыйлық болып қалады деп ойлаймыз”, – дейдi.

Геннадий Павлюк атындағы сыйлық ақшалай берiлетiн болады. Оның шарттары әлi қарастырылып жатқан көрiнедi.
Қырғыз журналисi Геннадий Павлюктiң денесi желтоқсанның 16-сы күнi Алматыда көпқабатты үйлердiң бiрiнiң маңынан табылған едi. Ол содан есiн жимаған күйi желтоқсанның 22-сi күнi Алматы ауруханасында көз жұмған болатын.