Малайзияда Федерация кубогының топтық ойын­дарын өткiзген қазақстандық бойжеткендер жарыстың келесi айналымына шыға алмады. Құрамында Ярослава Шведова, Сесиль Каратанчева және Галина Воскобоева сынды легионерлерi бар Қазақстан құрамасы Тайпей теннисшiлерiн алға жiберiп, өз тобында екiншi орынды мiсе тұтты. Қазақстандықтар жарыстың алғашқы күнi Тайпей теннисшiлерiнен 1:2 есебiмен жеңiлгеннен кейiн ертеңiнде дәл осындай есеппен Тайланд құрамасын ұтты. Топтағы соңғы ойында қазақстандық бойжеткендер Өзбекстан теннисшiлерiнен де басым түстi. Бiр айта кетерлiгi, Малайзияға Қазақстан құрамасының капитаны ретiнде барған команда капитаны Мадина Рахым мен Зарина Диас үш ойынға да қатысқан жоқ.