1921 жылы 22 наурыздан шыға бастады
Бастапқы
АЙТЫЛҒАН СӨЗ
«Қазақ» деген мемлекет болмаған, «қазақта шекара болмаған» деген сыңар-езу дүниелер біз үшін өте-мөте қиын мәселе болып отыр. Бұл – сан ғасырлық тарихы бар халық үшін өте ауыр жала. Еліміз, жеріміз, шекарамыз болмаса, бұл жерге қайдан келдік? Бізге ұлан-ғайыр бұл даланы кім әкеліп берді? Бұл жердің өз иесі бар, аумағы бар. Оның иесі – қазақ.
Автор: Бекболат ТІЛЕУХАН
Информационный сервер xFRK: валютные баннеры для Вашего сайта
Жас Алаш №23 (16209)   18 наурыз, сенбі 2017
"Жас Алаштың" спорт беті.
19 наурыз 2017
«Металлург» алынбас асу болды

Гагарин кубогының ширек финалында «Барыс» Магнитогордың «Металлургынан» таза жеңілді. Астанада өткен соңғы кездесуде негізгі уақытта екеуі бірін-бірі ала алмады да (2:2), мәселе овертаймда шешілді. 78-минутта Коларж айдындағы ойыншы санының басымдығын сәтті пайдаланып, өз командасына жеңіс сыйлады.
Әуелі Магнитогорда басталған серияның қос кездесуінде «Металлург» 4:0 және 5:4 есептерімен басым түскен-ді. Ойындар Астанаға ойысқанда да Гагарин кубогының қазіргі иегерлері еш мүмкіндік берген жоқ. Елордалықтардың көз алдында «Металлург» бірінші кездесуде 5:3 есебімен жеңді. Енді, міне, 3:2.
«Барыс» өз тарихындағы ең ірі жетістікті қайталады. 2013/2014 маусымында да астаналықтар ширек финалға шыққан-ды. Ол кез-
де финн маманы Ари-Пекка Селин тізгінде болса, биыл «Барысты» белорус Эдуард Занковец жаттықтырды.
«Металлург» екінші рет «Барыстың» жолын плей-оффта кесіп тұр. 2011/2012 маусымының 1/8 финалында магнитогорлықтар «Барысты» 7 матчқа созылған серияда 4:3 есебімен тұқыртқан болатын.

ИСПАНИЯ «БАСҚЫНШЫЛЫҒЫ»
Чемпиондар лигасы. 1/8 финал
Қарымта кездесулер
«Ювентус» – «Порту» – 1:0 (бірінші матч – 2:0)
«Лестер» – «Севилья» – 2:0 (1:2)
«Монако» – «Манчестер Сити» – 3:1 (3:5)
«Атлетико» – «Байер» – 0:0 (4:2)
«Ювентус», «Лестер», «Монако» және «Атлетико» командалары апта бұрынғы «Барселона», «Бавария», «Реал» және «Боруссия» Д командаларының ізімен ширек финалға шықты. «Лестер» – «Севилья» кездесуінде екі тарихи оқиға болды. Англия чемпиондары лигаға тұңғыш рет қатыса салып, бірден ¼ финалға шықты. Ал «Севилья» қатарынан төртінші жыл еурокубокқа иелік ету мүмкіндігінен айырылды. Бұл команда соңғы 3 жылда Еуропа лигасын үздіксіз жеңіп алған еді.
Лига тарихында бесінші жыл қатарынан Испанияның үш командасы ширек финалға шығып отыр. Соңғы үш жылда осы елдің командалары ғана жеңімпаз атанғанын еске алсақ, биыл да сол нәтиженің жақындап келе жатқанын байқаймыз. Ал Пеп Гвардиола маман ретінде тұңғыш рет өз командасымен ширек финалға шыға алмады. Ол жаттықтырған командалар («Барселона» мен «Бавария») бұған дейін жоқ дегенде осы кезеңге жетіп жығылатын-ды. Биыл «Манчестер Сити» күткен үдеден көріне алған жоқ.

« алдыңғы бетке  |  келесі бетке »
ПІКІРІН БІЛДІРГЕНДЕР (0)
Пікіріңізді бөліскіңіз келсе:*
Жазылатын пікірдің көлемі 500 символдан аспауы керек
Аты-жөніңіз:*
E-Mail (сайтта жарияланбайды):
Мына код-сандарды енгізуіңізді сұраймыз:*
Жаңарту
* - жазылуы міндетті
Осы тараудағы мақалалар