1921 жылы 22 наурыздан шыға бастады
Бастапқы
АЙТЫЛҒАН СӨЗ
«Қазақтың жауы – қазақ» деп шулап келеміз. Неміс екіге бөлінгенде «Немістің жауы – неміс» деп ешкім айтқан жоқ, Корея екіге бөлініп соғысқанда, әлі де екі бөлініп отыр, «кәрістің жауы – кәріс» деп ешкім айтқан жоқ, Вьетнам қақ жарылып қақтығысқанда «вьетнамның жауы – вьетнам» деп ешкім айтқан жоқ.  «Адам – адамға қасқыр» деген жалпылама айтылатын сөз болғанмен, дүние жүзінде ондай нәрсе жоқ. Ал «қазақ – қазаққа жау» деп ұран көтеретіндей не басымызға күн туды?
Автор: Мұхтар Мағауин, халық жазушысы, Мемлекеттік сыйлықтың лауреаты
Информационный сервер xFRK: валютные баннеры для Вашего сайта
Жас Алаш №72 (16258)   12 қыркүйек, сейсенбі 2017
"Жас Алаштың" спорт беті.
12 қыркүйек 2017
Қаға бер қанатыңды!

(ҚАНАТ ИСЛАМҒА)
Қыран боп, Қанат балам, шеттен келдің,
Ұран боп туған елге өктем келдің.
Қазығын тапса айналып ер-азамат –
Өтеуі нақақ жаза шеккендердің.

Ер жігіт жүре алмайды тойған жерде,
Бөрінің еті қалар сойған жерде.
Оралдың сағынышпен атамекен
Бейітін бабалардың қойған жерге.

Қарсы алды құшақ жая Қазақ елің,
Құлдықтан енді бүгін азат елің.
Намысын қорғаймын деп туған елдің,
Қарыштап қанатыңды жаза келдің.

Танытып қазағыңның құзыретін,
Танытып жұдырықтың құдіретін,
Талайды менменсіген мықтымын деп,
Келтірдің тәубасына түсінетін.

Бел тұтып зор рухын бабалардың,
Қазақтың қасиетін бағаладың.
Нұрмахан, Серік, Бекзат, Ермахандай
Жалғадың жеңіс жолын ағалардың.

Шетелдік бокстың шын шеберлерін
Шыдатпай кезегімен жеңе бердің.
Желігіп, жеңемін деп жетіп келген
Кукты да шаршы алаңда шегеледің.

Халықтың желбіретіп туын бүгін,
Таныттың елім деген ұлын мығым.
Асырып ел мерейін жеңісіңмен,
Жаптың сен ЭКСПО-ның шымылдығын.

Тек қана қазақ емес және бүгін
Ұлысың күллі Ислам әлемінің.
Қарыштап қанатыңды самғай бергін –
Тілегі сені сүйген бар еліңнің.

Абдрахман АСЫЛБЕК, Қазақстанның еңбек сіңірген қайраткері
 

« алдыңғы бетке  |  келесі бетке »
ПІКІРІН БІЛДІРГЕНДЕР (0)
Пікіріңізді бөліскіңіз келсе:*
Жазылатын пікірдің көлемі 500 символдан аспауы керек
Аты-жөніңіз:*
E-Mail (сайтта жарияланбайды):
Мына код-сандарды енгізуіңізді сұраймыз:*
Жаңарту
* - жазылуы міндетті
Осы тараудағы мақалалар