17 қараша 2009
Екi ойында он екi шайба соқты
Астананың “Барыс” клубы құрлықтық хоккей лигасының кестесiне сәйкес, Екатеринбургтың “Автомобилист” командасын қабылдап, қосымша минутта 5:4 есебiмен жеңiске жеттi. Ойынның негiзгi уақытында командалар 4:4 есебiмен тең ойнаған-ды.
“Автомобилиспен” болатын ойынның алдында астаналықтар Магнитогорскiнiң “Металлург” командасын қабылдап, қарсыластарын 7:1 есебiмен ойсырата жеңген болатын. Бұл жеңiс – астаналық хоккейшiлердiң осы маусымдағы ең iрi жеңiстерiнiң бiрi. Жерлестерiмiз қазiргi уақытта “Шығыс” дивизионының төртiншi сатысына көтерiлдi. Ал жалпыкомандалық есепте жетiншi орынға шықты. Кеше кешкiсiн “Барыс” хоккейшiлерi өз айдынында Челябинскiнiң “Трактор” командасын қабылдады.
