Мәскеуде допты хоккейден өткен әлем бiрiншiлiгiнде Қазақстан құрамасының допты хоккейшiлерi төртiншi орынға табан тiредi. Топтық ойында Ресей, Швеция және Финляндия хоккейшiлерiн алға жiберiп, жартылай финалға жолдама алған қазақстандықтар финалға берiлетiн жолдаманы ресейлiктермен сарапқа салып, 3:16 есебiмен ұтылып қалды. Екiншi жартылай финалдық жұпты Финляндия мен Швеция хоккейшiлерi құрап, былтырғы жылғы әлем чемпиондары 9:4 есебiмен жеңiске жеттi. Қола медаль үшiн болған ойында Қазақстан құрамасының хоккейшiлерi Финляндиямен ойнап, ойынның негiзгi уақытында 3:3 есебiмен тең тұрған едi. Бас қазы жеңiмпазды анықтау үшiн қосымша тағы 30 минут қосты. Бұл уақытта суоми елiнiң хоккейшiлерi бiр доп соғып, жеңiстi жұлып әкеттi. Әлем бiрiншiлiгiнiң қорытындысы бойынша, В тобында өнер көрсеткен Канада хоккейшiлерi өз тобында бiрiншi орын алып, А тобында ең соңғы орынға ие болған АҚШ құрамасымен ойнады. Келесi жылы А тобына берiлетiн жалғыз жолдаманың иесi анықталған ойында американдықтар канадалықтарды 9:6 есебiмен ұтып, келесi жылы А тобында өнер көрсету құқына ие болды. Әлемдiк бiрiншiлiктiң бас жүлдесiн Ресей құрамасын 6:5 есебiмен ұтқан Швеция құрамасы жеңiп алды.
