1921 жылы 22 наурыздан шыға бастады
Бастапқы
АЙТЫЛҒАН СӨЗ
Баян-Өлгийдегі қазақ отбасын Қазақстанда шығатын мерзімді басылыммен қамтамасыз ету, Ұланбатыр маңайына қазақ теледидарын қосып беру, меніңше, Қазақстанның қолынан келеді. Тіпті, өзге емес, түріктердің өзі Күлтегін мен Білге қағанға арнап керемет Орхон музейін салыпты. Бізді қатты таңқалдырды. Бірақ, біздің шеттегі қазақ диаспорасына көмектесуге ынтамыз аз.
Автор: Дос Көшім, «Ұлт тағдыры» қоғамдық ұйымының жетекшісі
Информационный сервер xFRK: валютные баннеры для Вашего сайта
Жас Алаш №4 (16190) 17 қаңтар, сейсенбі 2017
"Жас Алаштың" сатиралық беті.
17 қаңтар 2017
Қытайлардан қорқамын...

“Қытайлар келе жатыр!” дегеннен зәрем қалмады. Өйткенi Астанадағы әлдебiр неке агенттiгiнiң бастығы Татьяна деген ханымның “Қытай жобасына” әйелiм қатты қызыға кеткенi.
– Қытайдың мен деген миллионер 15 жiгiтi елiмiзге қазақ қыздарын айттыруға келедi екен. Мен де барып... – деп тiлi күрмелдi.
– Өй, сен менiң әйелiм емессiң бе? – деп сұрадым көздерiм атыздай болып.
– Болсам ше? Қытайлықтардың бiр жылдық табысы 90 мың доллар деп жазыпты, ал сенiң айлығың отыз мың теңге... Кедейлiктен күйiп кеттiм тегi!
– Осыдан аттап бас, аяғыңды сындырамын!
– Кетемiн!
– Сенi кiм алады? Байға тигенсiң! Екi баламыз бар...
– “Күйеуiм жоқ” деп сендiремiн. Екi балам болса да, әлi қыздаймын. Мүсiнiм ұрып тұр. Қытайлық жiгiттер менi көргенде шеттерiнен құлайды!
– Шынымен кетесiң бе? Қытайға?
– Иә.
– Кел, қоштасып қалайық,–дедiм. Ол орнынан тұрды. Бас салып мойнынан қылғындыра бастап едiм, “бiрдеңе айтайын, бiрдеңе!” деген сөзiн әрең ұқтым.
О, атаңа нәлет қытайлық жiгiттер! Нелерiң бар бiздiң елдегi қыз-қырқынға движение жасап?! О, оңбаған агенттiк басшысы! Қарап отырып қатынымнан айырылайын деп отырмын ғой!
Әйелiмнiң көздерi бақырайып, өлгелi жатыр! Саусақтарымды босатып едiм, жарты сағат жөтелдi.
Содан кейiн көздерi жасаурап:
– Шынымен, менi намысы, ұяты жоқ қыздар қатарына қосып отырсың ба? –деп сұрады.
– Иә!
– Өй, жынды, мен әшейiн алдап тиемiн де, ақшасын алып, қашып кетемiн ғой! Несиеден құтыламыз, ақшалы болып қаламыз. Керек едi, маған бақа-шаян жегiштерiң!
– Қалай сонда?
– “Сенi ұнатып қалдым, бiрақ маған мың доллар бере тұршы, шешеме тастап кетейiн. Ол сенiң болашақ енең ғой!” демеймiн бе? Содан соң “маңғыт, аузыңа саңғыт” деп...
Ойланып қалдым да, артынан iле айныдым:
– Қойшы қатын, қытайсыз да қатық көже iше аламыз! Қытай елшiсiнiң өзi айтып жатыр, қытай жiгiттерi қазақ қыздарына құмар деп, қайдан бiлейiн, шынымен кетiп қалсаң ше?
Қатыным қабағыма қарады, балаларым сабағына қарады...
Қашанға дейiн қарар екен қабағыма?!


Азамат ЖҰМАШТЕГI,
Текелi қаласы,
Алматы облысы.

« алдыңғы бетке  |  келесі бетке »
ПІКІРІН БІЛДІРГЕНДЕР (0)
Пікіріңізді бөліскіңіз келсе:*
Жазылатын пікірдің көлемі 500 символдан аспауы керек
Аты-жөніңіз:*
E-Mail (сайтта жарияланбайды):
Мына код-сандарды енгізуіңізді сұраймыз:*
Жаңарту
* - жазылуы міндетті