9 ақпан 2010
Мұқағали Мақатаев — 80
Ақынның туғанына 80 жыл толуына орай туған ауылы Қарасазда мерекелiк iс-шараларды дайындау және өткiзу жөнiндегi ұйымдастыру алқасының отырысы өттi. Қыс көзi қырауға қарамастан, отырысқа Алматы облысының әкiмi әрi алқа төрағасы Серiк Үмбетовтiң өзi келдi.
Ақиық ақынның мерейтойы қарсаңында «Жол картасы» бағдарламасы бойынша Мұқағалидың әдеби-мемориалдық музейiне, Қарасаз ауылдық мәдениет үйiне күрделi жөндеу жүргiзiлiп, Нарынқол — Қарасаз тас жолы мен ауыл iшiндегi жолдар тегiстелетiн болды. Сондай-ақ, алқа мүшелерi ақын туралы естелiк жинақтар шығарып, мерейтойын республикалық деңгейде атап өту үшiн қажеттi шараларды қолға алуға уағдаласты.
