9 ақпан 2010
«Қоғамды өкiл күйеубаладан тазартайық!»
Мұхтар Әблязов электронды пошта арқылы қазақ қоғамына хат жолдапты. Онда былай дейдi: «Бiз бас-аяғы жиырма жылдың iшiнде ұсақ сауда-саттықтан әлемнiң қор биржасына дейiн көтерiлдiк. Бұл жолда әркiмнiң өз талай-тағдыры болғанымен, бiз әрқашан мемлекетiмiзге сендiк. Өкiнiшке қарай, сенiм ақталмады. Қазақстанда билiктен шыққан бизнесмендер шоғыры пайда болды. Бұлар мемлекеттiк құзыреттi жеке басының қамына арсыздықпен пайдаланды. Осындай топтардың бiрiн президенттiң ортаншы күйеубаласы Тимур Құлыбаев басқарады.
Менiң қолыма түскен құжаттар — бопсалау мен сыбайлас жемқорлықтың айқын дәлелi. Бұл жайттар жемқорлық айсбергiнiң су бетiндегiсi ғана. Қазақстан халқы ұрлық-қарлыққа тосқауыл қоюы керек. Мұны тек бiрiгу арқылы ғана iске асыруға болады. Бiрiккенде ғана өкiл күйеубаланы жауапқа тарта аламыз».
М.Әблязов интернет-сайт құрып, жемқорлыққа қатысты деректердi сол мекенжайға жiберудi сұрапты. Әблязовтiң бұл әрекетi 2001 жылғы саяси дағдарысты еске түсiрдi. Ол кезде үлкен «өкiл күйеубаладан» көрiп едiк көресенi...
Уәж айту