2 наурыз 2010
Рахат Әлиевтiң сыбайласы ұсталды
Алматы IIД қылмыстық полиция басқармасының iздестiру бөлiмiнiң қызметкерлерi ұзақ уақыт бойы халықаралық iздеу жарияланған Рахат Әлиевтiң сыбайласы – Нұрлан Әкiмқұловты тұтқындады. Ол Алматы қаласына қайта оралып, Тимирязов көшесiнде орналасқан үйлердiң бiрiнде пәтер жалдап тұрыпты.
Әкiмқұловқа ҚР Қылмыстық кодексiнiң үш бiрдей бабы бойынша айып тағылған. Атап айтқанда, «тапсырылған өзгенiң мүлкiн талан-таражға салу немесе иемденiп алу», «қылмыс жасауда сыбайлас болу», «билiктi күшпен тартып алу немесе билiктi күшпен ұстап тұру», тағысын тағылар».
Әкiмқұловтың үстiнен 2008 жылдың 28 мамырында қылмыстық iс қозғалған. Алайда ол шетелге қашып үлгерген. Нұрлан Әкiмқұлов – Р.Әлиевтiң сыбайластарының бiрi Құрман Әкiмқұловтың бауыры. Қ.Әкiмқұловтың үстiнен 15 жылға үкiм кесiлген.
