«Мәдениет және ақпарат министрлiгiне сәрсенбiге дейiн үкiметтiң құрамына кiретiн және мемлекет басшысына есеп беретiн министрлiктер мен ведомстволар жауаптарының кестесiн жасауды тапсырамын», — дедi ҚР премьер-министрi Кәрiм Мәсiмов.
Оның айтуынша, құзырлы мекемелердiң жа­уаптары осы аптаның сәрсенбiсiнен бастап, 10 желтоқсанға дейiн мемлекеттiк БАҚ-та жария­ланады.

13 қараша күнi жүрген тiкелей эфирде Нұрсұлтан Назарбаев 2 сағат 50 минут уақыттай республика халқынан келiп түскен 32 мыңнан астам сауалдың 40 шақтысына ғана жауап берiп үлгерген. Нақтырақ айтқанда, президенттiң «жанды жерлерiне» тимейтiн, оның оң жанбасына келетiн сауалдар iрiктелiп, соларға ғана жауап берiлген болатын. Ендi ол сауалдар президент билiгiнiң басқа да шенеунiктерiнiң мойнына iлiндi. Ендi олардың қалай жауап берерiн уақыт көрсете жатар.