“Transparensy International” ұйымының мәлiметi бойынша, Қазақстан жемқорлық жағынан әлемде 120-орында тұр. ЕҚЫҰ төрағалығы қарсаңында елiмiздiң жемқорлыққа белшесiнен батқан мемлекеттердiң қатарында тұруы Ақордаға бедел әпермесi түсiнiктi. “…Қазақстанның мұндай төмен көрсеткiшке ие болуы жемқорлықтың жүйелi түрде белең алуымен байланысты. Сот, құқық қорғау орындары, шекара қызметi, жер учаскесiн, жылжымайтын мүлiктi тiркеумен айналысатын мекемелерде жағдай мүлде ушығып тұр”, – делiнген бұл ұйымның мәлiмдемесiнде.