Абу Дабидегі төбелеске қатысты пікір жазған жігіт сотталды

2958

Астанадағы «Абу Даби Плазадағы» төбелес кезінде Facebook әлеуметтік желісінде пікір жазғаны үшін бір адам сотты болып жатыр.Бұл туралы Астанадағы zhasalash.kz тілшісі Бүркіт НҰРАСЫЛ хабарлайды.

Есіл аудандық №2 сотының төрағасы Қанат ТОБАҒАЛИҰЛЫНЫҢ  айтуы бойынша,  істі болып жатқан адам 2017 жылдың күзінде Астанада «Абу-Даби Плаза» құрылысындағы шетелдік жұмысшылар мен күзет компаниясы қызметкерлерінің арасындағы қақтығыс кезінде әлеуметтік желілерде заңға қайшы жазбалар жазған. Нақты айтар болсақ,  қала жұртшылығын шетелдіктерді жазалауға шақырған.

«Сот тыңдауы кезінде ешқандай арам ойы болмағанын, көрген соң жаза салғанын айтты. Алайда ол азаматтың жазбасы заңға қайшы әрекет болып саналады. Ол ҚР Қылмыстық кодексінің 174-бабының 1-бөлігі бойынша («Әлеуметтiк, ұлттық, рулық, нәсiлдiк, тектік-топтық немесе дiни алауыздықты қоздыру») айыпты деп танылып екі жылға бас бостандығынан айырылды. Алайда апелляциялық инстанция істі қарау барысында жаза мерзімін бір жылға ауыстырды» — дейді Есіл аудандық №2 сотының төрағасы Қанат Тобағалиұлы.

Бүркіт Нұрасыл, Астана

Фото: sputniknews.kz

3 ПІКІРЛЕР

Comments are closed.