Жалпы әйелдерге қатысты қылмыс пен құқықбұзушылыққа негіз болып отырған жағдай бүгінгі таңдағы бүкілелдік дағдарыс, осыған байланысты жергілікті жерлерде тұрғындардың жұмыстан қысқаруы және де толық қамтылмауынан туындайтынын зерттеу жұмыстары көрсетіп отыр. Соның салдарынан азаматтардың спирттік ішімдікке салынуы, оның соңы отбасында туындап жататын жанжалдар, отбасындағы өзара қарым-катынастың шиеленісуі, қызғаныш және басқа да кері көріністерге алып келеді. Сонымен қатар, нәзік жандыларымыздың соңғы кезде алаяқтықтың  құрбанына шалдыққандығы көп кездесуде.

Мәселен, Жамбыл облысында кісі өлтіру фактілері бойынша биыл 7 қылмыс тіркелген, былтыр 11 қылмыс, яғни 36 пайызға төмендеген. Зорлау фактілері бойынша биыл 115 қылмыс тіркелген, былтыр осы кезеңде 153 факті тіркеліп, 24 пайызға төмендеген. Ауыр дене жарақаты  бойынша биыл 15 қылмыс тіркелсе, былтырғы кезеңде 13 фактісі орын алған. Ал әйелдерге қарсы жеке меншіктікке жасалған қылмыстардың саны өткен жылы 140 болса, осы жылдары 204 қыз-келіншектің жеке мүлкін қолды еткен.

Жалпы, отбасында тұрмыстық зорлық-зомбылықтың, құқықбұзушылықтың алдын-алу бойынша жайсыз отбасылармен жұмыс жүргізудің маңызы зор. Бұл бойынша Жамбыл облысында бүгінгі таңда осындай 786 отбасы есепке алыныпты. Ал «Өзiн-өзi өлтiруге дейiн жеткiзу» бойынша биыл 159 дерек тіркеліп отыр.

Қазіргі кезде отбасылық тұрмыстық қарым-қатынастар саласындағы зорлық-зомбылықтың, оның ішінде отбасындағы әйелдерге қарсы зорлық-зомбылықтың алдын алу мәселесі маңызды рөлге ие. Бұл ретте былтырғы жылы жергілікті бөлімшелерге  зорлық-зомбылықтан зардап шеккен 537 әйел көмек сұрап келген. Бұл бойынша материалдар процессуалдық шешім қабылдау үшін тергеу орындарына берілді, 18 қылмыстық іс қозғалып, 344 дерек  әкімшілік мәселесі бойынша қаралыпты.

Жалпы, көп әйелдерде түрлі себептермен тұрмыстық зорлық-зомбылық фактісі бойынша полицияға хабарласпаған жөн деген стеротип қалыптасып қалған. Көп жағдайда әйелдер өз қайғыларын өздері шешуге тырысады. Көбіне күйеулерінің шектен шыққан теріс әрекетіне кешіріммен қарайды.

Жалпы, әйелдерге қатысты қылмыс құрамы бар құқық бұзушылықтарды талдау және статистикалық мәліметтерді саралау барысында бұл қылмыстар Жамбыл облысының аумағында өткен жылдың осы кезеңмен салыстырғанда 39 пайызға өскен. Оның ішінде әйелдерге қатысты жасалған қылмыстардың жалпы санының 72 пайызын жеке меншікке жасалған қылмыстар құрайтынын айта кеткен жөн.

Фото: didarbek.kz

Алматы қаласы туралы жаңалық оқу

Comments are closed.