Жамбыл облысында 2018 жылдың қаңтар-маусымдағы халықтың табиғи өсімі туғандар санының көбеюіне байланысты өткен жылдың сәйкес кезеңімен салыстырғанда 4 пайызға өсті. Яғни, қазіргі таңда өңір халқы 1 120 769 адамға жетіп, 3549 тұрғынға көбейген.

Осы уақыт аралығында өңірде туылғандар саны 2,2%-ға көбейіп, қайтыс болғандар саны 2,4%-ға азайған. Ал тіркелген некелер саны 3,3%-ға, ажырасулар саны 6,3%-ға өскен. Сонымен қатар, өткен жылдың осы кезеңімен салыстырғанда жаңа туылған 1000 балаға есептегенде нәресте өлімі деңгейі 8,56-дан 8,38 нәрестеге кеміді.

Осы орайда Тараз қаласы мен аудандардағы демографиялық жағдайларға тоқталсақ. Бұл ретте Байзақ ауданы көш бастап тұр. Байзақтың халқы былтыр 103 832 болса, шілдедегі есеп бойынша 105 055-ке жетіп, 1223 тұрғынға, яғни 1,2 пайызға көбейген.  Одан кейін Шу ауданы мен Жуалы ауданының халқы 0,6 пайызға, Жамбыл ауданының тұрғындары 0,5 пайызға көбейіпті. Ал Меркі, Қордай, Талас аудандарының халқы 0,3 пайызға өссе, Тараз қаласы және Сарысу ауданындағы тұрғындар саны 0,1 пайызға көбейген. Халық саны Мойынқұм мен Т.Рысқұлов аудандарында кеміген.Былтырғы жылмен салыстырғанда Мойынқұм халқы 20 адамға, құландықтар 125 адамға азайыпты. Яғни, Т.Рысқұлов ауданында 64 443 тұрғыннан 64 318 адам қалыпты.

Жамбыл облысындағы  1 120 769 халықтың 551 684 ер азаматтар болса, 569 085 тұрғыны нәзік жандылар екен.

Дегенмен, өңірдегі 10 ауданның сегізінде нәзік жандыларға қарағанда еркек кіндіктілер көп тұратыны тіркелген. Тек Қордай мен Меркіде нәзік жандылар саны басым. Сосын Тараз қаласында еркек кіндіктерден әйел заты анағұрлым көбірек. Бірақ, «бір жігітке 5 қыздан» деуге мүлде келмейді. Қалада167 511 бөрікті тұрса, көріктілер саны 188515 деп көрсетілген.

 

 

Тараз Қ.Ә.

355 825 0 356026 356 026 0 356026 100,1
Байзақ ауданы 103 832 0 103 832 105 055 0 105 055 101,2
Жамбыл ауданы 82 089 0 82 089 82 529 0 82 529 100,5
Жуалы ауданы 51 567 0 51 567 51 890 0 51 890 100,6
Қордай ауданы 142 816 0 142 816 143 243 0 143 243 100,3
Т.Рысқұлов ауданы 64 443 0 64 443 64 318 0 64 318 99,8
Меркі ауданы 84 505 0 84 505 84 779 0 84 779 100,3
Мойынқұм ауданы 32 753 0 32 753 32 776 0 32 733 99,9
Сарысу ауданы 44 056 22 110 21 946 44 082 22 168 21 914 100,1
Талас ауданы 54 818 29 835 24 983 54 959 29 990 24 969 100,3
Шу ауданы 100 516 36 126 64 390 101 112 36 309 64 803 100,6

 

Фото: egemen.kz

Алматы қаласы туралы жаңалық оқу

Comments are closed.