Бүгін Алматы халқы Қазақстанның халық жазушысы Шерхан МҰРТАЗАМЕН қоштасты. Қоштасу рәсімі Мұхтар ӘУЕЗОВ атындағы академиялық драма театрында өтті.

Қош, Шераға!

Жазушы 9-қазанда 87-жасқа қараған шағында өмірден өткен еді.

Қош, Шераға!

Қаралы жиынға марқұмның туған-туыстары, ақын-жазушылар, ғалымдар мен журналисттер, әкімдер, парламент депутаттары қатысты. Жиынды Қазақстан Жазушылар Одағының төрағасы Ұлықбек ЕСДӘУЛЕТ жүргізді.

Қош, Шераға!

Мәдениет және спорт министрі Арыстанбек МҰХАМЕДИҰЛЫ Мемлекет басшысы Нұрсұлтан НАЗАРБАЕВТЫҢ көңіл айт жедел хатын оқып берді.

Қош, Шераға!

Сондай-ақ, Алматы әкімі Бауыржан БАЙБЕК, Жамбыл облысының әкімі Асқар МЫРЗАХМЕТОВ, энергетика министрі Қанат БОЗЫМБАЕВ, ақын Нұрлан ОРАЗАЛИН сөз сөйледі. Марқұм Кеңсайға жерленді.

Қош, Шераға!

Жазушы, қоғам қайраткері Шерхан Мұртаза 1932 жылы Жамбыл облысы, Жуалы ауданы, Талапты ауылында дүниеге келген. Жас Алаш, Егемен Қазақстан, Қазақ Әдебиеті газеттері мен Жұлдыз, Жалын журналдарын басқарған.

Қош, Шераға!

«Қызыл жебе», «Қара маржан» романдарының авторы. Қазақстан тәуелсіздік алған жылдары парламент мәжілісінің депутаты болды.

Қош, Шераға!

Аударма саласында да еңбек еткен қаламгер Л. Лагиннің “Хоттабыч қарт”, М.Кәрімнің “Біздің үйдің қуанышы”,Г.Х. Андерсеннің әңгімелерін, венгр халық ертегілерін және  Ш.Айтматовтың “Ботагөз”, “Қош бол, Гүлсары”, “Теңіз жағалап жүгірген тарғыл төбет” повестерін, “Боранды бекет”, “Жанпида” романдарын қазақ тіліне тәржімалады.

Қош, Шераға!

Фотолар: zhasalash.kz. Редакцияның рұқсатынсыз пайдалануға болмайды.

 

 

Алматы қаласы туралы жаңалық оқу

Comments are closed.