Алматы. 28 қараша. 7kun.kz — Оңтүстік Қазақстан облысында 2017 жылдың 10 айында 16 млн 400 мыңнан астам қызмет көрсетілсе, соның 7 миллионы электронды түрде ұсынылыпты. Бұл туралы әкімдіктің селекторлық отырысында облыс әкімінің аппарат басшысының орынбасары Қанат Төлендиев мәлім етті, деп хабарлады ОҚО әкімінің баспасөз қызметі.

Қазіргі таңда облыстық жергілікті атқарушы органдар тарапынан 192 қызмет түрі көрсетіледі. 2017 жылдың 10 айының қорытындысы бойынша 7 027 180 қызмет электронды түрде көрсетіліпті.  Бұл жалпы көрсетілген қызметтердің 42,8 пайызын құрап отыр.  

«Көрсетілген қызметтердің 80 пайызы денсаулық сақтау саласына тиесілі және осы саладағы қызметтердің электронды үлесін арттыру елеулі өзгерістерге әкелетіні белгілі», — деді облыс әкімінің аппарат басшысының орынбасары Қанат Төлендиев.

Соңғы 10 айдың қорытындысы бойынша ХҚКО арқылы 541 816 электронды қолтаңба берілген. Алайда электронды қызметтердің үлесі әлі де төмен. Себебі қызмет ұсынушы мемлекеттік органдар тарапынан электронды қызметтерді алу жолдары тұрғындарға өз деңгейінде насихатталмайды. Бұдан бөлек, ақпараттық жүйелер арқылы келген өтінімдерді тіркемей, тікелей, мемлекеттік органның кеңсесі арқылы көрсету фактілері орын алады.

«Даму» бағдараламасын іске асыру іс-шара жоспарына сәйкес электронды түрде көрсетілетін мемлекеттік қызметтердің көрсеткіші әлі де болса төмен. Атап айтқанда, Бәйдібек, Қазығұрт, Созақ, Сайрам, Шардара аудандарының көрсеткіштері көңіл көншітпейді. Осы олқылықтарды түзету жөнінде аталған аудан басшыларына облыс әкімі тарапынан нақты тапсырмалар жүктелді.

Запись ОҚО-да он айда 7 млн қызмет электронды түрде көрсетілген впервые появилась Жеті күн.

Дереккөз 7kun.kz ақпараттық агенттігі

قالب وردپرس

Алматы қаласы туралы жаңалық оқу

Comments are closed.