Татарстандағы Набережные Челны қалалық соты Ресей президенті Владимир Путиннің қабіріне ұқсас инсталляция жасаған белсенді Карим Ямадаевты 28 күнге қамады.  

Сот Ямадаевты көпшілік акция өткізу не ұйымдастыру ережесін екінші мәрте бұзды деп таныған.  

10 наурызда полиция белсендіні Ресей президентіне Набережные Челны қаласындағы тергеу комитеті ғимаратының жанында «зират қойып», акция өткізді деген күдікпен ұстаған.

Путин суреті бар, астында «1952-2019» деп жазылған көктас пен молаға ұқсас темір қоршау жексенбі күні, 10 наурызда орнатылған. Белсенді сол күннің кешінен бері полиция бөлімшесінде болды.    

Белсендінің адвокаты бұл шешімді аппеляцияға беретінін айтты.

Биыл жыл басында полиция Карим Ямадаевты Набережные Челны қаласында саяси репрессия құрбандарына қолдан жасалған ескерткіш қойғаны үшін ұстаған.

«Медуза» басылымы «ВКонтакте» әлеуметтік желісі Путин «моласының» суреттерін өшіріп жатқанын хабарлады. Компанияның баспасөз қызметі мұны «танымал адамның қаза болғаны туралы көпе-көрінеу жалған әңгімеге» балап, «компания адамды шатыстыратын жазба аз болғанын қалайтын қолданушылар талабын орындап» жатқанын айтты.

Дереккөз:Азаттық радиосы

Алматы қаласы туралы жаңалық оқу

Comments are closed.