Тегерандағы қақтығыста арнайы қызметтің бес өкілі қаза тапқан 

230

Тегеранда құқық қорғау органдары қызметкерлері мен мұсылман-суфилер арасындағы қақтығыс кезінде қауіпсіздік қызметінің бес азаматы қаза тауып, 300 адам қамауға алынған. Бұл жөнінде Иран астанасының полициясы хабарлады.

Иранның шығысындағы Гонабади қаласындағы суфилер сектасының мүшелері (оларды кейде дәруіш деп те атайды) Тегеранның солтүстігіндегі қақтығыстан арнайы қызмет тарапынан кемінде бір адам өлтірілді деп мәлімдеді. Секта өкілдері діни қауым мүшелерінің қамауға алынуына наразылық танытқан.

Әлеуметтік желілерде және мемлекеттік телеарналардан көрсетілген кадрлардан автобустың полиция тобын кесіп өткенін көруге болады. Нәтижесінде үш полиция өкілі қаза тапқан. 20 ақпанда полиция өкілі Саид Монтазер Әлмеди кемінде 300 адамның қамауға алынғанын (оның ішінде автобус жүргізушісі де бар) мәлімдеді.

Жасы 90-ға келген Гонабади суфилерінің лидері Нұрәлі Табанде Тегерандағы үйінің жанында отырып, пикет өткізген. Діни қауым өкілдері 19 ақпанда 72 жастағы Нематолла Риахидың ұсталуына қарсылық білдіріп, полиция учаскесінің жанына жиналған (видео).

Суфизм исламның мистикалық тармақтарының бірі. Бұл Иранда тыйым салынбаған. Бірақ құқық қорғаушылар діни қауым өкілдерін қуғындайды деп Иран үкіметін айыптайды.

 

Алматы қаласы туралы жаңалық оқу

Comments are closed.