22.10.2020, 08:00
336
Шымкент қаласының әкімі Абай ауданын аралау барысында Айкөл тұрғын алабындағы интернет мәселесін шешуді тапсырды. Бұл туралы Шымкент қаласы әкімінің баспасөз қызметі хабарлады.
Биыл аталған тұрғын алаптың халқы көптен күткен сапалы ауыз суға қол жеткізді. Жұмыстар «Содби-строй» ЖШС-і мекемесімен жүзеге асырылған. Шаһар басшысы орнатылған су жинағыш және су айдағыш қондырғыларды тексерді.
Сонымен қатар, аумаққа электр энергиясын жүргізу мақсатында сметалық құжаттар дайындалу үстінде. Ал, табиғи газ жүйесі алдағы жылы шешілетін болады.
300-ден аса тұрғыны бар тұрғын алаптың ендігі мәселесі — интернет желісі болып тұр. Айкөл тұрғын алабын интернет желісімен қамтамасыз ету мақсатында «Мобайл телеком сервис» ЖШС-і және «Kcell»АҚ арқылы байланыс орнату жұмыстары қарастырылып, келіссөздер жүргізіліп жатыр.
Қала әкімі қашықтан білім алу барысында интернет мәселесінің тездетіп шешілуі қажет екенін айтып, тиісті сала басшыларына тапсырмалар жүктеді.
ҰҚСАС ЖАҢАЛЫҚТАР
