Бас санитарды сотқа бергендер жеңіліп қалды

Арайлым ЕРКЕБАЕВА

21.05.2021, 09:08

1658

      «Карантиндік шектеулер адам құқығын таптайды» деп есептеген  қарағандылықтар облыстың бас  санитар дәрігерін сотқа берген еді. Алайда алғаш  болып шағым түсірген төрт талапкердің бірінші  сот процесінен-ақ тауы шағылып қайтты.

        Карантиннен қажыған  Қарағанды және Теміртау қалаларының тұрғындары облыстың бас санитарының үстінен сотқа арызданған болатын. Олардың ішінде қарапайым қала тұрғындарымен қоса, кәсіпкерлер де бар. Шағым түсіргендер  күнделікті режимге  айналған бетпердеден қажығандарын алға тартып, сауда орындары мен түрлі нысандарға қалаған уақытында кіріп-шыға алмайтындарына, бизнес нысандарының жиі жабылатынына шағым білдірді. Олар бас санитардың карантиндік шектеу шараларын  адам құқығын таптау деп есептеп, оны жоюды талап етті.

       Шағым түсіргендердің ішінде заңгер Ирина Фурсова да бар. Алғаш болып шағым түсірген төрт қарағандылық алғашқы сот отырысында жеңіліп қалды. Арызданушылардың айтуынша, оларды  сот процесіндегі  соңғы отырыс жарыссөзге шақырмапты. Олар кейін сот шешімін қолдарына алғанда жарыссөздің өтіп кеткенін бір-ақ білген.  Істі қараған судья шағымданушылардың талабын негізсіз деп есептеп, арыздарын қанағаттандырмаған.

        Заңгер Ирина Фурсова «талай сотқа қатысып жүріп, дәл мұндай түсініспеушілікті алғаш рет көрдім» деп қайран қалды. «Мен судьяның  екінші тарапты сотқа жарыссөзге шақыруға ниет білдірмегенін алғаш рет көріп отырмын. Олар мені соңғы сот процесіне қатыстырған жоқ, яғни біздің пікіріміз тыңдалмады. Қайдан біледі, мүмкін, бізде дәлел-айғағымыз бар шығар сотқа көрсететін, бізде мұндай дәлелдер шынымен де көп еді. Сондықтан бұл жерде процессуалдық ереже бұзушылық болды деп есептеймін. Олар өздерімен-өздері жарыссөзді өткізе салды­», — ­деп мәлімдеді заңгер Ирина Фурсова.

       Сотта жеңіліп қалған қарағандылықтар бұл шешіммен келіспегендіктен, апелляциялық сот сатысына жүгінетінін мәлімдеді. Бұдан өзге, тағы үш адам облыстың бас санитар дәрігері Юрий Залыгиннің үстінен сотқа арыз түсірген. Бұл істер  әлі сотта қаралып жатыр.

Тегтер:

ҰҚСАС ЖАҢАЛЫҚТАР

Сайт әкімшілігі 09.08.2022, 17:35
Түркістан: АӘК алатын отбасылардың балалары мектеп формасымен қамтамасыз етіледі
Сайт әкімшілігі 08.08.2022, 18:37
Қытайда жаңа вирус шықты
Сайт әкімшілігі 08.08.2022, 13:41
Алматы облысында жантүршігерлік жол апатынан 5 адам қаза тапты
Сайт әкімшілігі 08.08.2022, 09:11
Оралдағы кәсіпкер өлімі: күдіктілерді іздеуге әскерилер тартылды
Ерзия ЕРСҰҢҚАР 06.08.2022, 09:28
Төтенше жағдай қызметі заманауи талаптарға бейімделіп үлгеруде
Сайт әкімшілігі 04.08.2022, 13:22
Ақтауда полицейді пышақтап кеткен күдікті ұсталды

Аңдатпа


  • Смайыловтың Президентке ұсынған болжамы дөп келе ме?
    09:37
  • «ЭКСПО-2017»: Миллиардттарға салынған мақтаулы нысандар су астында қалды
    09.08.2022, 08:49
  • Ұлттық банк пен Үкімет қымбатшылықты құрықтауға неге қауқарсыз?
    08.08.2022, 08:49
  • Баспана аспандады, азық-түлік шарықтады, үкімет өз жөнімен қалықтап жүр...
    05.08.2022, 09:17
  • АЭС-тің арты жақсы бола ма?!
    04.08.2022, 08:55