Қарағандыда Алаш қайраткері тұрған үй бар

Айтбала СҮЛЕЙМЕНҚЫЗЫ

16.10.2020, 10:41

1278

   Бұған дейін  кеншілер өлкесінің тұрғындары үшін қоғам қайраткері әрі қазақтан шыққан математик ғалымның көзі тірі кезінде тұрған мекені белгісіз болып келген еді. Енді Қарағандыға аялдаған кез-келген адам Алаштың аяулы тұлғасы- Әлімхан Ермековтің үйін  қиналмай табады. Оның белгісі ретінде,  Абай көшесіндегі  58-үйге Әлімхан Ермековтың суреті бейнеленген мемориалдық тақта ілінді.

-Өз  уақытында ел мен жер мүддесі жолында жанын сарп етуге бел байлаған хас тұлғаға әр қазақ қарыздар.  Бабаларымыздың ғасырлар бойы білектің күшімен, найзаның ұшымен қорғаған жерін сақтап қалудағы Әлекеңнің еңбегі ұшан-теңіз.  Біртуар тұлға  мемлекеттік қызметпен ғылым кеңістігін қатар бағындырып, жас ұрпаққа математика оқулығын жазып кетті. Болашақта оқытушылар мен студенттерге «Әлімхантану» дәрістемелік сабағы өткізілсе деген пікірім бар –деп,  үн қосты бізге  Қарағандылық ғалым, филология ғылымдарының докторы, професссор Мұхаметқали Әбдуов.

Алаштың айбынды қайраткері небары 29 жасында, 1920 жылы  17 тамызда большевиктер көсемі — Ленин төрағалық еткен Бүкілодақтық Халық комиссары Кеңесінің мәжілісінде Қазақстанның шекарасы туралы баяндама жасап,  Батыс Қазақстан өңірінің,  Семей және Ақмола облысының жерлерін республикамызға қайтаруға қажырлы үлес қосты.  Биыл бұл тарихи оқиғаға  тура 100 жыл толды.   Ермеков 1950 жылдары Қарағанды  техникалық университетінің математика кафедрасында оқытушы болып қызмет істеген. Еліміздің тұңғыш математигі Әлімхан Әбеуұлының   1935 жылы «жоғары математика курсы»  оқулығы қазақ тілінде жарыққа  шықты.  Аталған оқу құралы жоғарғы техникалық оқу орындары мен педагогикалық  институттың оқытушылары мен студенттеріне арнап жазылған.  Ғұмырының 18 жылы  қуғында өткен   Алаш арысы  ана тілімен қоса, ағылшын, француз, италия тілдерін жетік меңгерген.

Әлімхан Ермеков 1891-жылы Қарағанды облысы, Ақтоғай ауданында дүниеге келген.

Тегтер:

ҰҚСАС ЖАҢАЛЫҚТАР

Сайт әкімшілігі 21.05.2022, 19:13
Шымкенттегі жарылыс: Оқиға салдарынан бір нәресте шетінеді
Сайт әкімшілігі 21.05.2022, 18:29
Шымкент:Төтенше жағдайлар департаментінің бастығы жарылысқа байланысты шұғыл брифинг берді
Нұр-Қасым ЖОМАРТ 20.05.2022, 11:50
Кәсіпкерлік ортаның бәсекесі қыза бастады
Айтбала СҮЛЕЙМЕНҚЫЗЫ 19.05.2022, 11:25
Қарағанөзектік балалар өлімге бас тігіп жүріп білім алуда
Айтбала СҮЛЕЙМЕНҚЫЗЫ 19.05.2022, 08:27
Қарағандыдағы 7330 үй басқарудың жаңа жүйесіне енуге қауқарлы
Кемел ЖАН 18.05.2022, 13:35
«Жаңа Қазақстанның» мақсаты – парасыз мемлекет құру

Аңдатпа


  • Мусин міз бақпайды
    19.05.2022, 08:52
  • Сор болған стрестік активтер
    19.05.2022, 08:56
  • Балалар жылында балалар неге шеттетіледі?
    19.05.2022, 08:40
  • Қалтырауық үкімет
    18.05.2022, 06:20
  • Қонаев кімнен кем, кімнен артық еді?
    18.05.2022, 06:17