«Қылует» халықтың қаржысымен салынады

Сайт әкімшілігі

10.11.2021, 11:00

76

Түркістанда «Қылует» рухани орталығының іргетасы қаланды. Бұл туралы Түркістан облыстық әкімдігі баспасөз қызметі хабарлады. 

Сәулеті мен маңызы ерекше нысанның ашылу салтанатына зиялы қауым өкілдері, дін өкілдері, кәсіпкерлер мен облыстық мәслихат депутаттары қатысты. Нысанның іргетасын қалау рәсіміне Қазақстан мұсылмандары діни басқармасының төрағасы, Бас мүфти Наурызбай қажы Өтпенов қатысып, жұртшылықты сауапты істің басталуымен құттықтады. Түркістан облысының әкімі Өмірзақ Шөкеев игі бастаманың маңыздылығына тоқталды.

– Бүгін іргетасы қаланған орталық ашылған соң облысымыздың руханиятына оң серпін береді деп ойлаймын. Бұл орталық кәсіпкерлердің және жалпы халықтың қаржылай қолдауымен салынады. Арнайы есепшот жарияланып, оған кез келген адам үлес қоса алады. Менің ойымша, Түркістандағы мешітті салуда менің де кішкентай үлесім бар деген сезім азаматтарға жігер береді. Игі бастамаға қолдау білдіріп жатқан азаматтарға алғысымыз мол – деді облыс әкімі.

Жалпы мешіттің құрылысына еліміз бен түркі әлеміне танымал кәсіпкерлер демеушілік жасайды. Олардың арасында «Кентау трансформатор зауыты» АҚ-ның басқарма төрағасы Хайрулла Қожабаев пен «Ныш — Ер» ЖШС-нің директоры Ерболат Төрежанов және өзге де азаматтар бар. Жобаны жүзеге асыру үшін «Хилует» қайырымдылық қоры ашылған. Жиында «BBR Yapi» ЖШС құрылтайшысы Йылмаз Бабур, тарих ғылымдарының кандидаты, археолог Марат Тұяқбаев сөз сөйледі. Жоба авторы Шоқан Матайбеков рухани орталықтың жобасымен таныстырды. Рухани орталық құрылысының басталу күні жазылған мемориалдық тастың жанындағы салтанатты жиында бас мүфти ақ батасын беріп, игі іске сәттілік тіледі.

0,86 гектар аумақта орналасқан рухани орталықтың көлемі – 2300 шаршы метр. Құрылыс жұмыстары биыл қазан айында басталған. 2022 жылы ел игілігіне беріледі. Жерасты мешітінің қасынан бой көтеретін медресенің аумағы – 1282,8 шаршы метр. Қарилар мен болашақ дін ғұламаларын даярлайтын медресе де 2022 жылы тапсырылады.

Бұл мешіттің тарихы тереңде жатыр. Түркістанда XIX ғасырдың екінші жартысында (1864-1865 жж.) салынған «Қылует» мешіті болған. Мешіт ғимараты 1960 жылы бұзылып, орнына бір күмбезді жаңа мешіт бой көтерген. Кейін келушілердің көбеюіне байланысты 1980 жылы толық сүріліп, қайта салынған. 2020 жылы мешіт жарамсыз деп танылып, бұзылған. Қазіргі таңда мешіттің Түркістан қаласы үшін тарихи маңыздылығы ескеріле отырып, 500 адамға лайықталып, қайта салу жұмысы басталды. Сондай-ақ мешіт аумағында заманауи оқу орны – медресе, яғни, қарилар дайындау орталығы да бой көтермек.

Тегтер:

ҰҚСАС ЖАҢАЛЫҚТАР

Сайт әкімшілігі 17:45
Шиелі ауданында 3297 жаңа жұмыс орны ашылды
Сайт әкімшілігі 16:19
Шиелі ауданында 3297 жаңа жұмыс орны ашылды
Бифат ЕЛТАЕВА 12:21
Ғибраты мол байқау
Сайт әкімшілігі 08:37
Павлодарда лак-бояу өнімдері қоймасында алапат өрт болды
Сайт әкімшілігі 26.11.2021, 13:30
Қарағандыда тағы бір ферроқорытпа зауыты ашылды
Сайт әкімшілігі 26.11.2021, 12:16
Жезқазған ақыны Қарағандыда өткен республикалық айтыста Бас жүлде иегері атанды

Аңдатпа


  • "Жас Алашқа" жазылуды ұмытпаңыз!
    23.11.2021, 10:20
  • Қайта түлеуге қадам басқан Майқұдық
    22.11.2021, 14:03
  • «Жас Алашты» ауыл кітапханасына жаздырып бердім
    16.11.2021, 10:00
  • «Ақиқаттың алдаспаны» байқауына қатысыңыз
    26.10.2021, 11:14
  • «Ақиқаттың алдаспаны» байқауына қатысыңыз
    19.10.2021, 10:30