Шымкенттің кардиохирургтары пышақсыз ота жасады

Сайт әкімшілігі

26.10.2020, 10:02

197

Шымкентте алғаш рет кардиохирургтар жабық түрде жүрегінде ахауы бар науқастың қақпақшасын хирургиялық жолмен ауыстырып берді. Пышақсыз жасалатын отаға жергілікті ақ халаттыларға Нұр-Сұлтан қаласы Ұлттық ғылыми кардиохирургиялық орталығынан білікті мамандары көмекке келді. Бұл туралы Шымкент қаласы денсаулық сақтау басқармасының баспасөз қызметі хабарлады.

Ұлттық ғылыми кардиохирургиялық орталығының интервенционды кардиология және радиология бөлімінің меңгерушісі Алимбаев Серік және катетерлеу зертханасының меңгерушісі Мусаев Абдурашиттің қатысуымен 82 жастағы қарт кісінің жүрегіне жабық түрде операция жасалды. Ота кезінде мамандар науқастың аяқ күре тамырына жеткізуші құрылғы арқылы еніп, жүрек қақпашасын хирургиялық жолмен алмастырып берді.

–Ота түрі — аорта қақпақшасын транскатетерлі имплантациялау деп аталады. Операция жұмыс істейтін жүрекке жасалды. Яғни, өкпені жасанды желдетусіз істелді. Сондықтан біз отаның негізгі бөлігі — қақпақшаны алмастыру уақытын 20 секундта жасап бітірдік. Шымкенттік дәрігерлердің мүмкіндігі зор. Кардио орталықта науқастар мен мамандарға қажетті жағдай жасалған — дейді Ұлттық ғылыми кардиохирургиялық орталығының интервенционды кардиология және радиология бөлімінің меңгерушісі Серік Алимбаев.

Операция жасалған 82 жастағы науқасқа «аорта қақпақшасының стенозы» диагнозы қойылған. Әдетте кардиологтар егде жастағыларға жүрегіне ота жасауға кеңес бермейді. Дегенмен бұл жолы білікті мамандар тәуекелге барып, қарт кісінің жүрек қақпақшасын алмастырып берді. Дәрігерлер ота сәтті және тіліксіз өткендіктен, науқас екі-үш күн аралығында оңалады дейді.

Бұл тәжірибе алмасу отасы нәтижесінде жергілікті медицина мамандары жүрек қақпақшасына жабық түрде ота жасауды өз бетінше атқара алатынын айтады.

Айта кетейік, мұндай операцияның түрі медициналық көмектің кепілдендірілген көлемі шеңберінде елдің әрбір азаматына ақысыз түрде көрсетіледі.

Тегтер:

ҰҚСАС ЖАҢАЛЫҚТАР

Сайт әкімшілігі 09.08.2022, 17:35
Түркістан: АӘК алатын отбасылардың балалары мектеп формасымен қамтамасыз етіледі
Сайт әкімшілігі 08.08.2022, 18:37
Қытайда жаңа вирус шықты
Сайт әкімшілігі 08.08.2022, 13:41
Алматы облысында жантүршігерлік жол апатынан 5 адам қаза тапты
Сайт әкімшілігі 08.08.2022, 09:11
Оралдағы кәсіпкер өлімі: күдіктілерді іздеуге әскерилер тартылды
Ерзия ЕРСҰҢҚАР 06.08.2022, 09:28
Төтенше жағдай қызметі заманауи талаптарға бейімделіп үлгеруде
Сайт әкімшілігі 04.08.2022, 13:22
Ақтауда полицейді пышақтап кеткен күдікті ұсталды

Аңдатпа


  • Смайыловтың Президентке ұсынған болжамы дөп келе ме?
    09:37
  • «ЭКСПО-2017»: Миллиардттарға салынған мақтаулы нысандар су астында қалды
    09.08.2022, 08:49
  • Ұлттық банк пен Үкімет қымбатшылықты құрықтауға неге қауқарсыз?
    08.08.2022, 08:49
  • Баспана аспандады, азық-түлік шарықтады, үкімет өз жөнімен қалықтап жүр...
    05.08.2022, 09:17
  • АЭС-тің арты жақсы бола ма?!
    04.08.2022, 08:55