16.11.2021, 15:35
131
Түркістанда оқушылар мен жүкті әйелдерге бүгіннен бастап коронавирусқа қарсы «Pfizer» вакцинасын салу басталды. Бұл туралы Түркістан облысы әкімінің баспасөз қызметіхабарлады.
Облыста «Pfizer» вакцинасын жалпы саны 53 мектептің оқушылары салдырды. Дәрігерлер жасөспірімдерді медициналық тексеруден өткізіп, қарсы көрсетілімдері болмаған жағдайда екпе егіп жатыр. Сондай-ақ қазіргі уақытта облыс бойынша 68 жүкті әйел «Pfizer» екпесін алды.
Мекемелерде профилактикалық жұмыстарды жүргізу үшін барлық жағдай жасалған. Екпе егетін медицина мамандары арнайы оқытудан өткен.
«Pfizer» екпесі 12-ден 18 жасқа дейінгі жасөспірімдерге, жүкті әйелдер мен лактация кезеңіндегі әйелдерге ерікті түрде салынады. Профилактикалық екпе азаматтардың өз келісімімен ғана жүргізіледі. Жасөспірімдерді вакцинациялау – тек ата-анасының немесе заңды өкілінің келісімімен жүзеге асады.
Айта кетейік, Түркістан облысында «Pfizer» вакцинасының 29 250 дана мөлшеріндегі алғашқы партиясы жеткізілген болатын.
Дәрігерлердің айтуынша, бүгінде коронавирус індетінен құтылудың бірден-бір жолы-екпе қабылдау. Әлем әлдерінің бәрі осы тәжірибеге ден қоюда. Америкада шығарылған «Pfizer» екпесі де екі кезең бойынша жүргізіледі. Екінші доза 21-28 күн аралығында егіледі.
ҰҚСАС ЖАҢАЛЫҚТАР
