Түркістанда вакцинациялау бригадалары құрылды

Сайт әкімшілігі

23.04.2021, 12:29

248

Түркістан облысында  жаппай вакцинациялау алгоритмі құрылып, қала және аудан тұрғындары вакцинаны жергілікті емханалардың егу кабинеттерінде арнайы тізім бойынша және алдын-ала жазылу тәсілі бойынша салдыруда. Вакцинация сондай-ақ, жылжымалы вакцинациялау пункттерінде жүргізіледі. Тұрғындар алдын-ала Egov электрондық жүйесі арқылы тіркеліп, ерікті  түрде вакцина жасата алады. Бұл туралы облыс әкімі Өмірзақ Шөкеевтің төрағалығымен өткен аппарат отырысында айтылды.

Түркістан қаласында жалпы 10 вакцинациялау пункттері ұйымдастырылды. Вакцинаны сақтау және тасымалдау шарттары сақтала отырып, жалпы 80 егу пункттерінде вакцинация жасалады. Олар 60 термоконтейнермен қамтамасыз етілген. Қосымша 50 данасы сатып алынады. 30 көшпелі егу бригадасы құрылды. Орталықтар арнайы даярланған мамандармен, 500-ден астам дәрігер мен орта буын медициналық қызметкерлерімен қамтамасыз етілді.

Түркістан облысына қарасты вакцина сақтайтын қоймасында көлемі 300 литр құрайтын 2 дана мұздатқыш (-20оС) бар. Сонымен қатар, облыстық бюджет есебінен көлемі 143 литр құрайтын 20 дана мен 601 литр құрайтын 2 дана мұздатқыш сатып алынып, толық жеткізілді. Одан бөлек, вакцинация жүргізуге арналған 65 пункттер толық тоңазытқышпен жабдықталған.

Түркістан облысында пандемия басталғалы 600 мыңнан астам ПТР тест тапсырған. Соңғы тәулікте ауруға шалдыққан 48 адам тіркелген. Басым бөлігінде науқастардан ауру белгілері анықталмаған. Түркістан облысы КВИ аурушаңдығының көрсеткіші бойынша ҚР бойынша «жасыл» аймақта.

Өңірді 185 мың доза ресейлік «Спутник-V» және 752 мың доза «QazCovidIN» отандық вакцинамен қамтамасыз ету жоспарланып отыр. Ақпан айынан бастап ресейлік вакцинаның 43 400  дозасы жеткізілді. Бүгінгі күнге дейін 43 160 адам вакцина қабылдады. Медицина, полиция саласының қызметкерлері, мұғалімдер, мемлекеттік қызметкерлер мен студенттер және созылмалы ауруы барлар егілді. Сәуір айының соңына дейін 72 мыңнан астам доза жеткізу жоспарланған. Бүгінгі күнге  30 мыңнан астамы жеткізілді.

Тегтер:

ҰҚСАС ЖАҢАЛЫҚТАР

Айтбала СҮЛЕЙМЕНҚЫЗЫ 09:10
Сүйек-саяқты қанағат тұтып...
Арайлым ЕРКЕБАЕВА 19.10.2021, 16:02
Жазықты сытылып кетсе, жазықсыз соттала ма
Айтбала СҮЛЕЙМЕНҚЫЗЫ 19.10.2021, 14:34
Әшірбек Сығай атындағы тұңғыш республикалық театр фестивалі мәреге жетті
Б.ЕРНАЗАР 19.10.2021, 07:21
Жемшөп Шымкентте дайындалады
Сайт әкімшілігі 18.10.2021, 12:14
Орал тұрғындары үйді бұзуға қарсы наразылыққа шықты
Сайт әкімшілігі 15.10.2021, 17:20
Жаңа заң жобасы қабылданды

Аңдатпа


  • «Ақиқаттың алдаспаны» байқауына қатысыңыз
    19.10.2021, 10:30
  • Гүлшара Әбдіқалықова «Жас Алаштың» тілшісімен кездесті
    05.10.2021, 11:21
  • Ұлт құндылығының ұлағаты
    14.09.2021, 12:30
  • «Жас Алаштың» 100 жылдығы Жамбылда жалғасты
    03.08.2021, 11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31