Түрмедегілердің жанайқайы жалған ба?

Арайлым ЕРКЕБАЕВА

15.06.2021, 11:55

1548

      Қарағанды облысындағы Долинка түрмесінен үш сотталушы қашып кеткен-ді. Олардың екеуі ұсталды. Ал үшінші жазасын өтеуші Абдикаримовке әлі  іздестіру жұмыстары жалғастырылуда. Долинкадағы АК 159/20 колониясынан сотталушы Абдикаримовтің қашып кетуіне қатысты қылмыстық іс қозғалып, қызметтік тексеру жүргізілді. Түрме бастығына және оның екі орынбасарына, үш бақылаушыға сөгіс пен қатаң сөгіс берілді. Алайда түрме басшылығы бұл қоныстандыру колониясы болғандықтан, жазасын өтеушілер түрме аумағына белгіленген жерде күзетсіз жүре беретінін алға тартып отыр. Сондай-ақ олар жұмыс орындарына да күзетсіз барып-қайтып отырады. Осы сәтті пайдаланып, түрмеден бұдан бұрын қашып кеткен сотталушы Садовиков екі күн бойы қалада жүріп, үшінші күні облыстық прокуратураға барған. Ол құзырлы орын өкілдеріне түрмеде тамақтың талапқа сай берілмейтініне және ауызсу сапасының нашар екеніне шағым білдірген-ді. Прокуратура мамандары қылмыстық атқару жүйесіне бірден хабарласып, оны ұстап берген.        Сонымен қатар осы түрмеде жазасын өтеп жүрген Жамбурбаевтың шағым айтқан бейнежазбасы әлеуметтік желіге тарап кеткен-ді. Сотталушы құзырлы органдарға да бірнеше рет шағымданыпты. Жамбурбаев та түрмедегі ауызсу мен тамақ сапасының нашар екенін айтқан. Ол ауызсудың бетіне май тұнып қалатынын бейнежазбасында көрсеткен. Жазасын өтеуші «мұнда тексеруге комиссия келгенде түрме басшылығы алдын ала дайындалып, жақсы жақтарын көрсетеді» деген мәлімдеме жасаған.Қылмыстық атқару жүйесі болса Жамбурбаевтың құзырлы органдарға 15 рет шағым жазғанын, оның бәріне жауап қайтарылғанын айтады.      

Жазасын өтеушілердің арызы бойынша комиссия түрмедегі ауызсу мен тамақты тексерген. Қылмыстық атқару жүйесі департаменті мамандарының айтуынша, комиссия құрамына қоғамдық бақылаушылармен қоса, мамандандырылған прокуратура, санитарлық-эпидемиологиялық қадағалау басқармасының мамандары енген. Тексеріс нәтижесі бойынша комиссия түзету мекемесіндегі су мен тамақтандыру режимі санитарлық нормаға сай деген қорытынды жасапты.

Тегтер: қылмыс заң тергеу тексеру

ҰҚСАС ЖАҢАЛЫҚТАР

Айтбала СҮЛЕЙМЕНҚЫЗЫ 11:25
Қарағанөзектік балалар өлімге бас тігіп жүріп білім алуда
Айтбала СҮЛЕЙМЕНҚЫЗЫ 08:27
Қарағандыдағы 7330 үй басқарудың жаңа жүйесіне енуге қауқарлы
Кемел ЖАН 18.05.2022, 13:35
«Жаңа Қазақстанның» мақсаты – парасыз мемлекет құру
Кемел ЖАН 18.05.2022, 12:05
Есірткімен күрес болашақ үшін қажет
Әділ АҚЫЛБАЙ 18.05.2022, 11:00
Балалардың «Футбол тойы» жылда өтетін болды
Бақытжан ӘБДІРАШҰЛЫ 18.05.2022, 08:38
Жемқорлыққа жол берген қызметкерге жаза қатаң

Аңдатпа


  • Қалтырауық үкімет
    18.05.2022, 06:20
  • Қонаев кімнен кем, кімнен артық еді?
    18.05.2022, 06:17
  • Парадокс! Қырғыз құрлы болмадық...
    18.05.2022, 06:15
  • «Құдай маған форточкадан береді»
    17.05.2022, 05:08
  • Халықты тонаудың бір әдісі
    17.05.2022, 05:13