"Востокмашзавод": жалақы қарызы – 48 млн. теңге

Сәтжан ҚАСЫМЖАНҰЛЫ

02.02.2021, 12:30

1654

«Востокмашзавод»АҚ-ның қызметкерлеріне қарызы 48 млн. теңгеден астам соманы құрайды. Кәсіпорынның 420 қызметкерінің өткен жылдың соңғы айынан жалақысын алмағаны өз алдына, зейнетақы, әлеуметтік, сондай-ақ МӘМС қорына да аударымдар түспеген. Ал, қаңтар айынан бастап жұмысын уақытша тоқтатқан алып кәсіпорынның алдағы күні қалай болмақ?.. Осыған орай облыстық әкімдік пен «Востокмашзавод» АҚ өкілдері онлайн баспасөз мәслихатын өткізуге мәжбүр болды.

Тау-кен және байыту жабдықтарын, халық тұтынатын тауарларды және басқа да тауарларды өндіретін зауыттың 60 жылдық тарихы бар. Кеңестік Одақ кезінде мұнда 50 мыңға жуық өнім шығарылғанымен, кәсіпорынның қазіргі ауқымы жасына сай «қартайып» дағдарыстық жағдайға ұшырай бастаған. 10 жылдан астам уақыт бойы "Қазақстан теміржолы" ҰК –ның қажеттіліктерін өтеумен айналысқанымен, осы уақыт ішінде зауыт толық өндірістік қуатқа шықпаған, ғимараттарына, жабдықтарына күрделі жөндеу жүргізілмеген, тауарларына сұраныстың да төмендеген жайы бар.

— Қазір мұнда 4 күндік жұмыс аптасының 50% төлемімен 220 адам жұмыс істейді. Кәсіпорында «ВМЗ Инвест» ЖШС жаңа инвесторы пайда болды, ол зауытты дамыту бойынша 2021 жылдың 1 жарты жылдығына арналған іс-шаралар жоспарын әзірледі. Негізгі міндет – №10 вагон құю цехын іске қосуға және шарошка қашауларын өндіруді қалпына келтіруге өз қаражатын инвестициялау. Олар компанияның қарыздарын өтеуге көмектесуге дайын, — дейді ШҚО мемлекеттік еңбек инспекциясы басқармасының басшысы Бақытбек Қизатов.

Өңірдің кәсіпкерлік басқармасы басшысының орынбасары Сергей Золотаревичтің айтуынша, 8 қаңтарда «ВМЗ Инвест» ЖШС зауыт акцияларының негізгі пакетін сатып алған. Қазір құжаттарды ресімдеу процесі жүріп жатқан көрінеді.

«Востокмашзавод» АҚ директорының міндетін атқарушы Қанат Қалиевтің мәлімдеуінше, зауыт жұмысшылары өткен жылдың қараша айының қарызын 2021 жылдың қаңтарында алған.

-Біз бәсекеге қабілетті компаниялар қатарына кіру үшін қазіргі қоғамның қажеттіліктеріне жұмыс істейтін боламыз. 2 ақпаннан бастап бізге жағдайды бағалау және қайта құру, технологиялық процестер бойынша ұсыныстар әзірлеу үшін неміс компаниясы келеді. Өндіріс жабылмайды және қызметкерлерді қысқарту жоспарланбайды",-дейді Қ. Қалиев.

Тегтер: жалақы әділетті бөлініс нарық экономика қоғам

ҰҚСАС ЖАҢАЛЫҚТАР

Сайт әкімшілігі 12.08.2022, 10:21
Қарағанды облысында жол-көлік апаты салдарынан үш адам қаза тапты
Сайт әкімшілігі 12.08.2022, 08:51
ШҚО-да қарттар үйінің лауазымды тұлғалары 7,4 млн теңге жымқырған
Бифат ЕЛТАЕВА 11.08.2022, 16:56
Жас таланттарды анықтайтын жоба
Сайт әкімшілігі 11.08.2022, 15:06
Қостанайда балабақша тәрбиешісі үш жасар бүлдіршіннің сүйегін сындырған – министрлік
Сайт әкімшілігі 11.08.2022, 10:22
Қазақстанның бірқатар өңірінде бейсенбі күні бұршақ аралас жаңбыр күтіледі
Сайт әкімшілігі 09.08.2022, 17:35
Түркістан: АӘК алатын отбасылардың балалары мектеп формасымен қамтамасыз етіледі

Аңдатпа


  • Қасақана өртеді: Тараздағы әскери бөлімдегі жарылысқа қатысты тың дерек шықты
    12.08.2022, 08:47
  • «Үйдің жыртығын жамау мүмкін емес»: Елордада 50 жыл болған жатақхана құлағалы тұр
    11.08.2022, 09:04
  • Смайыловтың Президентке ұсынған болжамы дөп келе ме?
    10.08.2022, 09:37
  • «ЭКСПО-2017»: Миллиардттарға салынған мақтаулы нысандар су астында қалды
    09.08.2022, 08:49
  • Ұлттық банк пен Үкімет қымбатшылықты құрықтауға неге қауқарсыз?
    08.08.2022, 08:49