Жамбылда 77 жылыжай бар

Н.ӘБДІҒАЛИ

02.12.2020, 10:35

431

Жамбыл облысындағы аймақпен аттас Жамбыл ауданында құрылыс жұмыстары қыз-қыз қайнап жатыр. Жыл басынан бері жалпы сомасы 8,9 миллиард теңгенің құрылыс жұмыстары жүргізіліп, өсім 3,5 миллиард теңгені көрсетіп отыр.

      Бізге берген мәлімет бойынша ауданда 937 адам тұрғын үй кезегінде тұр. Бұл мәселені шешу үшін «Жұмыспен қамту жол картасы» бағдарламасы бойынша бесқабатты 76 пәтерлі тұрғын үй бой көтеруде. Осындай тағы төрт тұрғын үй құрылысының құжаттары дайындалып, 2,9 миллион теңгеге бюджетке өтінім беріліп қойыпты.

       Ал кезекте тұрған 10 мыңнан аса тұрғынды жер телімімен қамту мақсатында жеті елді мекеннің инженерлік инфрақұрылымына құжаттар әзірленіп, 3,8 миллиард теңгеге өтінім жолданыпты. «Егер қолдау тапса, алдағы уақытта 1882 отбасыға үй салуға жер беріледі» дейді жергілікті әкімдік қызметкері.

        Өз кезегінде Жамбыл ауданының әкімі Сәкен Арубаев жол мәселесіне де жіті көңіл бөлініп отырғанын айтты. Биыл Өрнек–Тоғызтарау–Жаңаөткел жолы мен 12 ауылдың 28 ауылішілік жолдары жөндеуден өткенін айтқан ол «Жұмыспен қамту жол картасы» бағдарламасы аясында 12 ауылдың 63 ауылішілік көшелері мен бір аудандық мәндегі автомобиль жолы жаңарғанын жеткізді. Сондай-ақ «Ауыл – ел бесігі» жобасы шеңберінде бес ауылдың сегіз ауылішілік көшесіне асфальт төселіпті.

     Жалпы, Жамбыл ауданында 42 елді мекен бар болса, бізге белгілісі –  солардың көбінде орталықтандырылған ауызсу жүйесі жоқ. Аудан әкімі бұл мәселе кезең-кезеңімен шешілетінін алға тартты. «Мәселен, биыл Жамбыл ауылдық округіндегі бес елді мекеннің ауызсу жүйесі аяқталса, Шоқай, Жас өркен, Қызылқайнар, Ақбұлым, Бәйтерек және Қаратау сынды алты ауылға ауызсу құбырын тарту жұмыстары басталып кетті. Аталған нысандағы жұмыстар аяқталғанда халықты ауызсумен қамту деңгейі 69 пайызға жетеді», – дейді С.Арубаев

       Ауданда көгілдір отынмен қамту мәселесі де қарқынды жүріп жатқаны байқалады. Күні бүгінге дейін аудан бойынша 26 елді мекен газ жағып отырған болса, биыл тағы 13 ауылдың тұрғындары көгілдір отынның қызығын көргелі отыр.

      Аймақпен аттас аудандағы тағы бір көз көріп, көңіл тоғайған жайт –жылыжайлардың саны күрт артуда екен. Мәселен, биыл жеті елді мекенде 77 жылыжай жұмыс істеп, 3,3 гектарға қызанақ, 13,1 гектарға қияр және 0,5 гектарға өзге де дақылдар еккен. Нәтижесінде 1-2 айналымда 400 тонна қызанақ, 1487 тонна қияр және 49,6 тонна басқа да дақылдар жиналған.

Құрылысы қыз-қыз қайнап, жылыжайлары жайнап тұрған асалықтардың «Асарлатып үй салу» жобасы бойынша 17 округінде де 17 қоныстың құрылысы басталып, бүгінде басым көпшілігі «қоянқаштыға» таяп қалыпты. Күні кеше асалықтар асарлатып салған төрт үйдің кілті мұқтаж отбасыларға табыс етілді.

Тегтер: жылыжай бизнес кәсіп нәсіп жоба

ҰҚСАС ЖАҢАЛЫҚТАР

Сайт әкімшілігі 16:32
Алматы облысында демалыс күндері локдаун жарияланады
Айтбала СҮЛЕЙМЕНҚЫЗЫ 12:03
Қараусыз қалған аулалар, қоқыс басқан Қарағанды
Бақытжан ӘБДІРАШҰЛЫ 08:58
Ермекбаев айтқан «диверсия» дәлелденді ме?
Заңғар КЕРІМ,арнайы «Жас Алаш» үшін Токиодан 03.08.2021, 14:32
Грек-рим шеберлері сенімді ақтамады
Ерзия ЕРСҰҢҚАР 03.08.2021, 12:12
Басты мақсат – сот жүйесіне халықтың сенімін арттыру
Сайт әкімшілігі 02.08.2021, 13:15
Дәрігерлер тұрғындарға үндеу жасады

Аңдатпа


  • «Жас Алаштың» 100 жылдығы Жамбылда жалғасты
    03.08.2021, 11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39
  • «Жас алаштағы» жасын жылдар
    15.07.2021, 10:58