Жаңа жылда басталған смарт-карта дауы

Арайлым ЕРКЕБАЕВА

06.01.2021, 10:53

1131

        Қарағанды қаласына қандай әкім келсе де, қала ішіндегі жолаушы тасымалын ретке келтіре алмай, әуре-сарсаңға түседі.  Вирустың өршуіне қатысты карантиндік шектеуге  қарамастан, қала ішіндегі  автобустарда жолаушылар толып жүреді. Таңертең және кешкі уақыттарда жұрттың коронавирусты ойлауға шамасы келмейді, автобуста сығылысып, үйіне жетіп алса, бұл да бір бақыт. Облыс әкімі Жеңіс Қасымбек  «жолаушы тасымалындағы көліктің жетіспеушілігі Саран қаласында автобус шығаратын зауыт ашылғаннан кейін шешіледі» деп, жылды қорытындылаған еді. Бұл зауыт та Қарағандыда кезінде «жеңіл ұшақ шығарамыз» деп жалаулатып ашылып,  кейін екі жеңіл  ұшақ шығарып, жабылып қалған «ҚазАвиаСпектр» зауытының күйін кешіп қалмаса, жолаушы тасымалында автобус көбейіп қалар.

       Жолаушысына автобусы жетпей жатқан Қарағандыда жолақы төлеу жүйесіне қатысты тағы дау шықты. Қарағанды билігі екі-үш жыл жырлап, өткен жылы күзде электронды билет беру жүйесін енгізген еді. Аталмыш жүйені жүзеге асыруды «Smart kard» ЖШС қолға алған-ды. Жолаушы тасымалындағы барлық автобустарға  смарт-картаның валидаторлары қойылды. Қарағандылықтардың басым бөлігі смарт-карта сатып алып үлгерген болатын. Атап айтарлығы,  бұл карта Алматы мен Нұр-Сұлтан қаласындағы электронды билет беру жүйесінің карталарына қарағанда қымбат болып шықты. Компания өкілдері аталмыш картаны жолаушы тасымалымен қоса, сауда-саттықта да қолдануға болады деп мәлімдеген болатын. Алайда осындай «ақылды» картамен жолақыны төлеуде бірқатар қиындық туындаған.

— «Егер карта алмасаң, жолақы 150 теңге болады» деген сөз шыққан соң, смарт-картаны  600 теңгеге сатып алған едім. Бастапқыда жақсы еді, кейінгі кезде түсініксіз болып кетті. Бір жолы салған ақшам көрінбей жоқ болып кетті, келесі күні шықты. Қазір сенімсіз болғандықтан, қайтадан ақша төлеп жүрміз, – дейді Қарағанды тұрғыны Гүлнәр Қайырбек.

      Смарт-картамен валидаторға ақша төлеген соң, бір күннен кейін ғана есепшотқа қаржы  түсетіні нақтыланған. Бұл жолаушыларға қолайсыздық туғызған.  Сол себепті Қарағанды қаласындағы автопарктер «Smart kard» компаниясымен келісімшартты бұзған. Жыл соңында қала әкімі Ермағанбет Бөлекпаев электронды билет беру бойынша басқа компанияның іске кірісетінін мәлімдеген болатын. Дегенмен  бұл жауапты іс қай компанияға сеніп тапсырылғаны туралы нақты айтылған жоқ.

Тегтер: жолаушы қоғамдық көлік көлік тасымалы мәселе түйін

ҰҚСАС ЖАҢАЛЫҚТАР

Сәтжан ҚАСЫМЖАНҰЛЫ 18:10
Шығыста «қосылғыштар» орын алмасып жатыр
Сайт әкімшілігі 12:19
Сегіз өңір "қызыл" аймаққа енді
Мариям МАҚСАТ 09:30
Ауылдағы ағайын ауызсуға жарымай отыр
Арайлым ЕРКЕБАЕВА 26.01.2021, 11:30
Кітапқұмар қылмыскердің жазасы қысқаруы мүмкін
Тоқтар ҒАБДІРЕШҰЛЫ 26.01.2021, 10:28
Шалқар көлін құтқару «операциясы» қашан басталады?
Сәтжан ҚАСЫМЖАНҰЛЫ 26.01.2021, 10:23
Өкімі өзінен бұрын жеткен Сақтағанов Семейді басқаруға тағайындалды

Аңдатпа


  • Кім көрінгеннің ермегіне айналған отбасы заңы
    09:28
  • Озат ойдың айбыны
    26.01.2021, 11:26
  • Өкімі өзінен бұрын жеткен Сақтағанов Семейді басқаруға тағайындалды
    26.01.2021, 10:23
  • "Вакцина жасатқандар жарты жылдан кейін жаппай өле бастайды», бұл ақиқат па?
    25.01.2021, 09:46
  • Қазақ қызы АҚШ президентінің протокол басшысының міндетін атқарушы болып тағайындалды
    22.01.2021, 13:10