Жұмыртқаның бағасы 50 теңгеге көтерілді

Айтбала СҮЛЕЙМЕНҚЫЗЫ

04.10.2020, 21:02

411

Қарағандыдағы  кейбір азық-түлік дүкендерінде  таңдаулы жұмыртқаның бағасы бұрыңғы құннан  40-50 теңгеге  күрт көтерілді. Сатушылар бағаның шарықтауын құс тұмауының салдары деген сылтаумен байланыстырады. Бағаны тұрақтандыруға  қауқарсыздық танытып отырған  билікке тұтынушылардың  өкпесі қара қазандай.  Дүкенге келушілерді сұқбат беруге шақырғанымызбен, қолдарын сермеп,  қабақтарын  шытып,  зеки  жөнелді.  Ел осы күні  еттің орынына белоктың көзі ретінде осы өнімді тұтынып отыр. Оның үстіне, сақтықтың қамын ойлаған  халық  осы күні «қара қытай» індеті қарсаңында,  қалтадағы қаржысын  үнемдеуге көшкен.  Бүгін күтпеген жерден  дүкендегі  жұмыртқаның қымбаттауы,  онсыз да жүйкесі жұқарып жүрген халықтың қытығына қатты тисе керек.

Күнделікті тұтынатын тағам бағасының өсуіне  қатысты облыстық  ауыл шаруашылық басқармасының басшысы Серікжан Апақашевтан түсінік алдық.

-Бағаның құбылуы нарықтағы сұранысқа  тікелей байланысты  екені белгілі. Қазір Қарағандыдағы құс фабрикасының өнімдеріне еліміздің   Солтүстік өңірінен  сұраныс  артып отыр. Бұған аталған аймақта құс тұмауы індетінің  таралуы себеп.  Біздің   өндірістерден шығарылатын жұмыртқалар бүгінде  Қостанай облысына жөнелтілуде.  Негізі баға  аса қымбаттады деуге негіз жоқ. Олай деуіме, «құс өнімдерін өзіндік құнмен босату жөніндегі жергілікті  құс фабрикалар мен ауыл шаруашылығы басқармасы арасындағы» екіжақты меморандумға сәйкес,  Қарағандыдағы ірі сауда нүктелерінде жұмыртқа бағасы 20 теңгеге ғана өсті.  Ол азық-түлік дүкендеріне алыпсатарлық жолмен барғанда, 50 теңгеге бір-ақ аспандайтыны белгілі.

Осыдан кейін, біздің өңірдегі жұмыртқа құнының  күрт секіруіне сонау Солтүстіктегі құс тұмауының салдары неге сылтау болу керек  деген заңды сауал туындайды.  Әлде, қанаттылар өсірілетін фабрикада жасырын тұмау дерегі тіркелді ме?  Көңіліміз орнықсын деген ниетпен « ветеринариялық бақылау және қадағалау комитетінің»  Қарағанды облысы бойынша  аумақтық инспекциясы  басшысының орынбасары  Данияр  Мерғазинге телефон шалдық.  Ведмоствоның жауапты қызметкері  біздің  күдігімізді  сейілтті. Соған қарағанда,  біздегі баға саясатын  ырықтандыруға ешкімнің батылы барып, қауқары жетпейтін секілді.

Тегтер:

ҰҚСАС ЖАҢАЛЫҚТАР

Сайт әкімшілігі 13:15
Дәрігерлер тұрғындарға үндеу жасады
Сайт әкімшілігі 10:48
Қырғызстанда жоғалған қазақстандық қыз өлі табылды
Сайт әкімшілігі 09:24
Еліміздің барлық өңірі «қызыл» аймақта тұр
Гүлжан СЕРІКҚЫЗЫ 30.07.2021, 17:53
Ішкі туризмнің халі қалай?
Сайт әкімшілігі 30.07.2021, 17:51
Әкімшілік рәсімдік-процестік кодексі: мемлекетке сену құқығы
Сайт әкімшілігі 30.07.2021, 17:49
Жаңа кодекс қазақстандықтарды қалай қорғайды?

Аңдатпа


  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39
  • «Жас алаштағы» жасын жылдар
    15.07.2021, 10:58
  • Ташкенттен «Жас Алаш» газетінің түпнұсқасы табылды (видео)
    07.07.2021, 13:15