Жыр болған жылу...

Гүлжан СЕРІК

10.11.2021, 17:38

467

Жылдың басында, яғни қыстың қырауында Кентау қаласындағы жылу электр орталығында (ЖЭО) құбырлар жарылып, апатты жағдай орын алды. Соның салдарынан қала тұрғындары 6 күн жылусыз қалған еді. Содан бері көктем мен жаз өтті. ЖЭО басшысының орынбасары Әшірхан Төлеу қыркүйектің 27 күні «Хабар 24» арнасына Кентау қаласында жылу электр орталығының жабдықтары жаңартылды, енді ЖЭО келесі жылу кезеңіне дайын деп сұхбат берген еді.

Өз сұхбатында ол: «Бұл – ресейлік технология. Жаңа жабдықты басқару үшін бір адам ғана қажет. Бұрын мұнда бірнеше қызметкер болған. Кейбіреулері сенсорларды бақылап отырса, басқалары журналға көрсеткіштерді жазып, диаграммалар жасады. Жұмыс қолмен орындалғандықтан, қателіктер жіберу мүмкіндігі де жоққа шығарылмады. Бірақ қазір бәрі автоматты түрде жұмыс істейді. Яғни процесте сәтсіздіктер болмайды», – деп айтқан. Алайда кезекті жылу кезеңіндегі жылымыш жылу берілмей жатып, 4 қараша күні-ақ өшіп қалды. Мұның себебі – ЖЭО-да орын алған апатты жағдай. Әшірхан Төлеу мырзаның кезекті жылыту маусымына дайынбыз деген сөзі осылай бір-ақ күнде өз құнын жоғалтып отыр.

         Ескі сенсорлар мен құрылғылардың орнына сенсорлық экрандар орнатылған. Яғни жөндеу жұмыстары шынымен жүргізілген. Бірақ жылу маусымы басталмай жатып құбырлардың жарылғандығына қарасақ, қалай жүргізілгені айтпаса да белгілі.

Мемлекеттік сатып алу порталына көз жүгіртсек, отын-жағармай, көмірге қыруар қаражат бөлінген. Бірақ тұрғындар жылудың өте баяу күйде беріліп жатқандығын айтады. Сонда жылуға деп мемлекеттен бөлінген қыруар қаражатты жылудың жөнді берілуіне жұмсамаса, ЖЭО қайда жұмсап жатыр деген сауал туындайды. Қар түспей ақаулар шығып, апатты жағдайлар орын алуда. Бұл күздің аяғы ғана. Сонда қыс басталғанда не болмақ?

Тегтер: жылу жарық су жоспар мәселе әкімдік

ҰҚСАС ЖАҢАЛЫҚТАР

Сайт әкімшілігі 21.05.2022, 19:13
Шымкенттегі жарылыс: Оқиға салдарынан бір нәресте шетінеді
Сайт әкімшілігі 21.05.2022, 18:29
Шымкент:Төтенше жағдайлар департаментінің бастығы жарылысқа байланысты шұғыл брифинг берді
Нұр-Қасым ЖОМАРТ 20.05.2022, 11:50
Кәсіпкерлік ортаның бәсекесі қыза бастады
Айтбала СҮЛЕЙМЕНҚЫЗЫ 19.05.2022, 11:25
Қарағанөзектік балалар өлімге бас тігіп жүріп білім алуда
Айтбала СҮЛЕЙМЕНҚЫЗЫ 19.05.2022, 08:27
Қарағандыдағы 7330 үй басқарудың жаңа жүйесіне енуге қауқарлы
Кемел ЖАН 18.05.2022, 13:35
«Жаңа Қазақстанның» мақсаты – парасыз мемлекет құру

Аңдатпа


  • Мусин міз бақпайды
    19.05.2022, 08:52
  • Сор болған стрестік активтер
    19.05.2022, 08:56
  • Балалар жылында балалар неге шеттетіледі?
    19.05.2022, 08:40
  • Қалтырауық үкімет
    18.05.2022, 06:20
  • Қонаев кімнен кем, кімнен артық еді?
    18.05.2022, 06:17