Алматы облысында мұғалімге шабуыл жасаған оқушыға қатысты қылмыстық іс қозғалды
Әлеуметтік желілерде Алматы облысы Қарасай ауданындағы Шамалған ауылы мектебіндегі жанжалдың видеосы тараған болатын.
Полиция мәліметінше, оқиға биыл 20 қаңтарда болған.
Алматы облысы полиция департаменті ер адамға дене жарақатын салу фактісі бойынша қылмыстық іс қозғалғанын растады. Оқиғадан кейін жасөспірім ата-анасымен бірге полиция бөліміне жеткізілген. Қазір тергеушілер жанжалдың барлық мән-жайын анықтап жатыр.
Полицияның хабарлауынша, сот шешімінен кейін іс материалдары кәмелетке толмағандар ісі жөніндегі комиссияға жолдануы мүмкін. Онда оқушыны профилактикалық есепке қою мәселесі қаралады.
Сонымен қатар жасөспірімнің ата-анасының әрекетіне де құқықтық баға берілетіні айтылды.